اسكريبت يعقوب

يعقوب طالب إيدك.
يعمل بيها إيه
خفة ډم مش عايز!
يا بابا ما حضرتك بتهزر يعقوب مين اللي طالب إيدي
ابن عمك.
أهلا وسهلا إيه المطلوب بردو
يا صبر! جهزي نفسك للرؤية.
رؤية إيه يا بابا أنا مستحيل أتجوزه.
ودا ليه
يا بابا دا يعقوب أنت عارف يعني إيه يعقوب
_أيوا ماله يعني يعقوب
_محترم!
نعم
قصدي يعني مش عايزاه.
سابني ومشى ولا كإني بتكلم معاه! بالله أنا لو أبجورة في البيت دا كان هيكون ليا وضعي عن كدا!

_أنا عايزة أفهم رافضة يعقوب ليه
_مش عايزاه يا حبيبة هو أخوك وكل حاجة بس أنا مش عايزاه.
_أيوا إيه السبب بردو
_أخوك متربي يا حبيبة وأنا عايزة واحد تربية شوارع.
_يجدع!
_آه والله! يعني يرضيك أتجوز شخص مؤدب
_ودي تيجي
_شوفتي أهو إنت مش راضية يبقى أنا هرضى إزاي
إيه المطلوب دلوقتي
_يبقى قليل الأدب.
_وماله...ايه يا اللي مشوفتيش دقيقة تربية إنت مالك
_أنا بقول تقومي تروحي شقتكم بدل ما أطردك.
_نتكلم جد شويه
_يا حبيبة أنا خاېفة! خاېفة مقدرش أكمل معاه يعقوب طريقته صعبة في التعامل مش لين كدا تعرفي
_عرفيني.
_عمره ما جه عند بابا وبصلي! دا بيتكسف مني يا حبيبة!
يعقوب اخويا
_لما بكون جيالك بيفتح ليا الباب ويقول حبيبة جوا يا أنسة! دا حتى مش بينطق إسمي!
_يعقوب دا صح!
_ هو مؤدب والله وأي بنت تتمناه إلا أنا المش محترمة اللي جوايا مش عايزاه مش هننفع مع بعض والله.
الوقت كان بيجري! في أقل من دقايق بالنسبة ليا كنت قاعدة معاه في رؤية شرعية! طول القاعدة وهو باصص لجزمته وسجاد بيتنا مرفعش عينه وبصلي حتى! هو ليه الأدوار بينا اتبدلت يجماعة! مش المفروض أنا اللي أكون باصه في الأرض وهو يقولي عديتي كام خط في السجادة ولا أنا إضحك عليا ولا فاهمة الحكاية غلط ولا إيه.
السلام عليكم اخبارك يا أنسة...
قاطعت كلامه وأنا بمسك التليفون اتأكد إن هو اللي بيتصل! قولت ببلاهة وأنا صدقا مش عارفه اتكلم.
_ها!
_أسف لو ازعجتك.
_أزعجتني!
_ايوا.
_خير في شيء!
_والدك جمبك
_لا بابا طلع برا في حاجة قلقتني.
_لا أبدا كنت بطمن عليك مش أكتر أنا هقفل دلوقتي لإن مينفعش نتكلم لوحدنا كدا بدون وجود والدك.
قفل المكالمة وأنا ببتسم بذهول من اللي بيحصل! معقول أنا أكمل حياتي مع شخص زي دا أنا كدا بډفن نفسي معاه! أنا لو فضلت دقيقة في العلاقة دي أنا ممكن يحصلي شيء!
_يا بابا عشان خاطري مش عايزاه.
_يا بنتي كتب الكتاب بعد بكرا! وإنت جايه تقولي مش عايزاه!
_أنت عارف كويس إني رافضة الجوازة دي من الأول ومع ذلك صممت على الخطوبة ووافقت يجي سي زفت يقولك كتب الكتاب بعد الخطوبة بأسبوع دي إسمها قلة ذوق.
_خلصتي
_يووه يا بابا.
_إديني سبب للرفض وأنا ألغي الجوازة دي من الأساس.
_أنا بعتبره زي أختي.
_نعم!
_أو بنتها.
_إنت هبلة ولا ليفل العته وصل لأبعد حد
_الجنون يا حبيبي وصلت لمرحلة الجنون دا بيقولي يا أنسه
_مش بقولك محترم