العازب والاربعينيه بقلم شيماء

ايوه بس هى تعبانة شوية وفى المستشفى حاليا .
اقولها مين لما تفوق 
فصاح مصطفى بقلق مستشفى حياة ازاى وليه !
لو سمحت قولى فين أرجوك عشان أجى حالا اطمن عليها .
فتعجب محمد من لهفة صوته وحدث نفسه هى ايه الحكاية بالظبط هى الست بتلعب من ورانا ولا ايه بس مش باين عليها .
ده أنا من أول ما عرفتهم وهى ست محترمة فإزى حصل .
ومين ده وعايز ايه 
بس يا خبر النهاردة بفلوس بكرة يبقى ببلاش .
انا هخليه يجى وأشوف بنفسى .
.....
على جانب آخر كانت كريمة تأن وتبكى من مفارقة مصطفى.
حتى اتصلت بها أختها نعيمة .
نعيمة مال صوتك يا حبيبتى انتى تعبانة ولا ايه 
كريمة تعبانة بس ده انا ھموت بحسرتى يا اختى .
نعيمة ليه كفالله الشړ .
كريمة مصطفى يا اختى ساب البيت وهج وساب أمه حبيبته عشان وحدة عازبة مقصوفة الرقبة شغلته وعايزاه يجوزها .
دى أكيد سحراله يا نعيمة يا اختى .
ومش عارفه اعمل ايه أسبهلها الواد الحيلة اللى تعبت وشقيت عليه بالساهل كده .
نعيمة بحوقلة لا حول ولا قوة الا بالله العلي العظيم.
ربنا يهديك يا مصطفى .
بس اللى أعرفه يا حبيبتى ان مصطفى ابنك ماشاءالله عاقل مش طايش عشان وحدة تضحك عليه بالسهولة دى. 
ومعنى إنها وصلت للجواز يا حبيبتى يعنى عينه منها بجد وبيحبها .
وهو اه عندك حق صعب عشان عازلة وهو لسه مدخلش دنيا .
بس مش يمكن دى اللى تريحه وتكون أحسن من اى بنت بنوت .
فصاحت كريمة ياريت عازبة وبس يا اختى دى كمان اكبر منه عندها بتاع أربعين سنة وزيادة .
فهتريحه إزاى دى عايزة اللى يريحها وهتخلف إزاى دى دى خلاص داخلة فى سن اليأس .
أنا خلاص دماغى هتفك منى مش عارفه اعمل ايه ولا اتصرف ازاى .
نعيمة صلى على النبى كده يا اختى وقولى يارب .
وفوضى أمرك لله وقولى اللى فيه الخير اكتبه ليه يارب .
وعلى فكرة العند مش هيعمل حاجة هيخليه يتمسك بيها اكتر .
عشان أنا عارفة دماغه ناشفة .
كريمة يعنى ايه اسيبه كده بالساهل يا نعيمة ليها 
نعيمة لا مش كده بس هوديه وخديه على قد عقله .
وسابيه يعمل اللى يريحه وشوية ويزهق ويقول اه كنت غلطان وساعتها هترتاحى ويكون ابنك لسه فى حضنك بدل ما تخسريه .
كريمة وافرضى مزهقش وتبت فيها بايده وسنانه اعمل ايه انا بقا .
نعيمة ساعتها يبقى الواد ده ليه نظرة وفعلا الست دى كويسة وتستاهل إنه يرتبط بيها .
كريمة ايه الكلام الفارغ ده !
حتى لو كويسة هيخلف منها ازاى ويعيش حياته ازاى بعد كده .
نعيمة دى حاجة بتاعة ربنا يا حبيبتى. 
مهى ممكن تبقى صغيرة ومتخلفش وكبيرة وتخلف ده رزق .
كريمة بسخط اه يا
نارى من الواد الحيلة هيجننى بس مش قادره على بعده يا نعيمة نفسى اسمه صوته وأطمن عليه .
نعيمة خلاص يا أختى كلميه واطمنى عليه .
كريمة وافرضى صمم عليها .
نعيمة سبيه عشان لما يحصل فى الأمر حاجة تقوليه ده أختيارك أنت واتحمل .
أما لو جوزتيه أنت وتعب فى جوازته ويقولك انت السبب .
فوزنت كريمة حديثها فى عقلها ورأت أنها على صواب ولكن يتبقى غصة مريرة فى حلقها حيث كانت تريد له من هى أفضل منها .
كريمة بس يا اختى حتى لو رضيت ڠصبا عنى الناس مش هيبطلوا رط وعجن وهيبقى سيرته لبانة فى لسانهم .
ما أنت عارفة الناس ما بيصدقوا ومش بيسيبوا حد فى حاله .
نعيمة اللى ياخد على كلام الناس عمره ما بعرف يعيش يا حبيبتى .
وبكرة يحطوا لسانهم فى بوقهم لما يشوفوا وشه منور وسعيد لو الست دى فعلا قدرت تسعده .
كريمة تفتكرى وحدة فى السن ده تقدر تسعده !
نعيمة بضحك يوه يا كريمة هو أنت نسيتى نفسك ولا ايه لما كنتى فى السن ده وكنت خاېفة على الحاج الله يرحمه إنه يتهبل ويجوز عليكى فكنتى بتدلعيه بزيادة .
فضحكت كريمة فكرتينى بالذى مضى ده كنت بعمل عمايل كنت بخليه يمشى يكلم نفسه .
نعيمة بضحك اشحال وحدة بقا عارفة أنه أصغر منها وهتخاف عليه اكتر واكتر شوفى هتعمله ايه بقا عشان تربطه جنبها 
كريمة بضحك عندك حق وانا اكيد هتبسط لما أشوفه مبسوط وسعيد .
بس خاېفة تكون الست قطعت الخلف أنت فاهمة قصدى يا نعيمة يا اختى .
نعيمة سببها على الله والمكتوب هيشوفه ويعالم وقولى يارب بس .
كريمة يارب يا حبيبتى ويخليكى ليه .
ديما كلامك معايا بيكون زى البلسم بيتحط على الچرح يبرد .
كريمة بضحك شوفى الواد ماشى يا حبيبتي هكلمه .
فأغلقت معها واتصلت به وكان فى طريقه للمستشفى.
فابتسم عند رؤية اسم والدته فاستجاب سريعا وقال بحنو إزيك يا أمى وحشتينى يا حبيبتى.
فلمعت عين كريمة بالدموع وحدثت