انا اسمي طارق وعندى 30 سنه

افهم اللي انت قولته عند اهل ميار ده حقيقي وبجد ولا حضرتك عامل حوار عليهم وعليا
الحج زيدان 
انت ناسي انك بتكلم ابوك يا باش مهندس في ايه يا سي طارق من امتي وانا بكدب عشان اعمل حوار عليك وفين اهل السينيورة دي واسمع الناس دول داخلين علي طمع من البدايه وانت حر في اختياراتك بس لما نشوف ردهم الاول ايه

طارق
انا اسف والله ما قصدي اني اعلي صوتي علي حضرتك بس انا لحد دلوقتي مش مصدق نفسي وان شاء الله ميار ختكون عند حسن ظني
الحج زيدان 
ان شاءلله يارب تكون عند حسن ظنك واهمل حسابك ههنقل في الشقة الجديدة من بكرة وهانسيب الفيلا دي خلاص احنا هنسكن في شقة قصاد شقة الشيخ عامر في مصر الجديدة
طارق 
هو كمان الشيخ عامر هيسكن عنده ايه الصداقة الجامدة دي هو في كده
الحج زيدان 
اومال وفي اكتر من كده زمان انا ساعد الشيخ عامر لحد ما وقف علي رجليه ودلوقتي الراجل بيرد الجميل وبعدين انا اديته شقة العمرانيه وهاسكن معاه في مصر الجديدة
وفي بيت ميار 
ناهد
يا نهار اسود يا ميار هو ده العريس اللقطة 
ده اللي سيبتي عشانه مهران باشا
ميار 
في ايه يا ماما عايزاني كنت اتجوز واحد قد ابويا انا كنت فاكرة ان طارق ان ايوه غني دول ساكنين في فيلا بملايين
ناهد 
قصدك كانوا ساكنين فيها هتعملي ايه دلوقتي معاه
ميار 
طبعا مستحيل اتجوزه بس عايزه اخلع منه بشياكة هاقول انكي انتي اللي رفضي
ناهد 
اخلصي من الموضوع ده بسرعة فاهمة واعملي حسابك بكره باليل هاعزم مهران بيه علي العشا وتكون موجودة وعلي سنجة عشرة فاهمة.
وتاني يوم في الشركة 
طارق 
ايه يا ميار برن عليكي من امبارح مش بتردي علي ليه هو حصل حاجة مع ماما
ميار
ايوة ماما زعلت اوي وقالتلي ازاي انا هاعيش في العمرانيه دي ورافضة موضوع جوازنا اوي
طارق 
علي العموم الشقة مش في العمرانية ابويا بدلها بواحدة في مصر الجديدة وفي منطقة حلوة اوي
ميار
هي المشكلة في الشقة وبس ازاي هاعيش مع ابوك انا عايزة شقة لوحدي 
وبعدين هنعيش بمرتبك احنا التلاتة غير ديون ابوك
طارق
قصدك ايه من الكلام ده انك هترفض جوازنا عشان شوية مشاكل مادية وهتعدي
ميار 
اممم شويه مشاكل مادية وهتعدي لا مش عشان كده احنا هناجل موضوع الجواز ده شويه من تصلح الامور بعد اذنك 
ورايا شغل كتير مع المدير ابقي هارن عليك بعدين
طارق قال لنفسه
خلاص فهمت هو انا كنت مغفل ومخدوع فيكي اوي كده معاك حق يا حج زيدان
ولما رجع طارق من الشغل اخد ابوه وراحوا علي شقة مصر الجديدة وهناك خبط الباب
الحج زيدان 
ايوة جاي اهو ايه ده الدكتورة مريم تعالي يا بنتي اتفضلي تعال يا طارق خد من الدكتورة مريم ليه التعب ده بس يا بنتي
مريم 
لا تعب ولا حاجة انتوا من هنا بعد الظهر وبترتبوا حاجتكم ودي