خطيب صحبتي

- تفتكري هتسامحني 
_ هو انتي دوستي علي رجليها .. انتي اتخطبتي لخاطبها 
- اسمها قريت فتحه مش خطبت 
_ فرقت .. انتي بتستهبلي يا جويريه 
- و انا اتخطبت ليه باردتي انتي كمان .. ما بابا اللي مصمم عليه اعمل ايه انا طيب 
_ انتي لسه هتفكري .. انتي تروحي تفسخي الخطوبه دي 
- لا انا هروح اتكلم معاها الاول 

_ هتقوليلي ليها ايه .. مفيش حاجه تتقال .. انتي للاسف خسرتيها يا جويريه 
دموعي نزلت .. ازاي اخسر صاحبه عمري علشان راجل 
اتكلمت و انا دموعي بتنزل : 
- لا يا مي .. متقوليش كده هي .. هي بتحبني و هتسامحني انا بحبها و مليش غيرها 
_ اهدي طيب .. كله هتيتحل اذن الله 
- هي ممكن متسمحنيش ؟؟ 
_ هتسمحك ان شاء الله

سبتها و روحت لبست و روحت ل منه صاحبة عمري خبطت لقيت مامتها بفتح 
_ ازيك يا طنط 
- الحمد لله يا جويريه .. اتفضلي 
_ طنط هي منه موجوده 
- نايمه 
_ طيب معلش ممكن ادخل اصحيها 
- عايزه منها ايه تاني يا جويريه 
_ انتي برضو يا طنط مصدقه اني ممكن اعمل كده 

- و اللي حصل ده نسميه ايه 
_ يا طنط و الله حصل ڠصب عني .. ده انا كنت لسه بحكي مع حضرتك و منه من يومين ان بابا مصمم علي العريس ده و انا لا أعرفه ولا موافقه اصلا 
- علي العموم صاحبتك جوه .. هي عارفه انك هتيجي و قالتلي اقولك انها نايمه خشي اتكلمي معاها 
دخلت و خبطت علي باب اوضتها رديت : 
- اتفضلي يا ماما 
_ مينفعش جويريه 
قامت من مكانها و وقفت قدامي و زعقت بصوت عالي: 
- انتي مين اداكي الحق تيجي هنا .. ده انتي بجحه اوي يا شيخه 
_ يا منه اسمعيني ... 
- ولا كلمه .. خليه ينفعك 
_ يا منه انجبرت عليه .. و انتي عارفه ان بابا كان مصمم علي العريس ده 
- مش عايزه اسمع منك حاجه ....
_ لا هتسمعيني .. انتي متخيله ان ممكن اعمل فيكي كده .. و انا عارفه انك كنتي بتحبيه 
اتكلم و هي عنيها كلها دموع : 
- عملتيها يا جويريه .. للاسف عملتيها .. هونت عليكي و انتي عارفه انا انجرحت ازاي لما سابني .. هونت عليكي و انتي عارفه انا كنت متعلقه بيه ازاي .. هونت 
_ لا هونتي ولا عمرك تهوني يا منه .. انتي صاحبتي .. و الله العظيم اقسم بالله مكنت اعرف انه هو اللي جي يتقدم 
- تخيلي انتي انا قاعده مستينه الدنيا عندك تهدي و الناس تمشي علشان اعرف ايه اللي حصل و اطمن عليكي .. افتح الفيس الاقيكي اتخطبتي للراجل اللي لغايت دلوقتي مش قادره اتعافي منه .. تخيلي شعوري انا ايه 
_ يا منه و الله كله كان ڠصب عني 
- امشي يا جويريه .. انا مش عايزه اسمع حاجه تاني كفايه اوي كده

مشيت و انا مش قادره اتخيل اني كده خسړت صاحبتي علشان واحد انا اصلا مش عايزاه 
قررت اني مش هستسلم لازم أصلح اللي بوظته بسبب ضعفي اني مش قادره أرفض 
عدي يومين كلمته و قولتلك نتقابل في كافيه .. روحت لقيته مستنيني .. قعدت قدامه قالي : 
- ازيك يا جويريه 
_ هو انت عايز ايه من منه تاني ؟ 
لقيته اتخض و اتوتر و قال :