انيسي بقلم شهد فرج

وانت ال عاملة علينا الخضرة الشريفة..
مين دول يا كيان...!!
بصيت لمصدر الصوت وانا بتمني الارض تنشق وتبلعني
زياد..
انيسي
بقلمي_Shahd_Farrag
بصيت قدامي لما سمعت شخص بينده ب أسمي وسليم ومراد بيبصوله ب استغراب
زياد..! هي كد كملت فعلا.
عارفين مثال جات الحزينة تفرح مالقتلهاش مطرح اهو ده اكتر مثال ينطبق علي حياتي الفترة دي..!
جه زياد ناحيتنا وهو بيبص علي سليم ال واقف مش فاهم حاجة و مراد ال بيبصلي ب شړ وكأني اكلة ورث الحجة وانا واقفة ببص عليهم وبتمني الارض تتشق وتبلعني حالا بالا..
مين دول يا كيان وواقفين كد ليه..!
و للمرة التانية بيتكلم زياد وقبل ما ارد عليه كانت بيتكلم مراد ب شړ 
غالبا الطردة جات علي هواك عشان تعرفي تتسرمحي كويس وبدل ما يبقي واحد بقوا تلاتة..!!
قرب منه زياد و سليم ب عصبية وهما ناوين له علي شړ وقبل مايعملوا حاجة كنت ببعدهم عنه قبل ما اي حد يلاحظ حاجة
انت اتج....
وقبل ما اكمل كلامي جاله تليفون ف رد عليه
و كأنه مستنيه ولكن انقلب السحر علي الساحر بحيث انه قبل مايتكلم ظهر علي وشه الصدمة وهو بيسمع للطرف التاني.
ف اتكلم ب تسرع قبل مايقفل معاه ويجري برة الجامعة كلها
انا جاي حالا ماتعملش حاجة غير لما اجي..ماشي ماشي..
مشي مراد و مابقاش فيه غيري انا وزياد وسليم وبما ان كده كده المحاضرة خلاص بح بصيت ل زياد ب عصبية حتي اني نسيت وجود سليم.
خير يابن خالتي نسيت حاجة تعايرني بيها وافتكرتها دلوقتي ف جاي تقولي عليها دلوقتي ولا اي.. ولا يمكن اشفقت عليا بسبب يتمي وجاي ترجعني تاني..!!
ظهر الندم والخجل علي وش زياد ب وضوح ولكني ما اهتمتش كتير.
طيب ممكن نتكلم علي إنفراد وهفهمك كل حاجه..
عاوز تفهمني اي او انت مين اصلا عشان اهتم ب إني اسمعك..!!
اتعصب.. ده اتعصب اوي بس حسيته بيحاول يظبط اعصابه ويسيطر علي نفسه ف خرج صوته الي حد ما هادئ 
انا عارف اني غلطان ولكن انا بقولك هنتكلم عشر دقايق بس ياشيخة عشان خاطر ماما حتي..
تفهم سليم انها مشكلة عائلية ف استأذن مننا ومشي هو كمان ولأني ماشوفتش من خالتو حاجة وحشة بل العكس كانت بتعاملني زي مريم قررت اسمعه وانا مقررة ان كلامه مش هيأثر فيا..
تشربي اي.. 
السم الهاري... قول الكلمتين ال عاوز تقولهم عشان مش فاضية للأسف.
ابتسامة جانبية ظهرت علي وشه ولما شاف عصبيتي حاول يخبيها بسرعة 
للاسف مش بيقدموا السم الهاري هنا ف لو تكرمتي وطلبتي حاجة خارقة ك الشاي او العصير اكون شاكر جدا ليك.
انت متعصبة دلوقتي اوعي تضحكي يا كيان اوعي.. 
حاولت امنع ظهور ابتسامتي و بصعوبة قدرت امثل الجمود وحقيقي الإنسان لو لاقي كرامته في كيس قلبظ مش هيبقي كد..
قول ال عاوز تقوله يا زياد وبسرعة
لو سمحت.
جه الويتر ف طلب اتنين عصير وبعد اما مشي تحمحم و بدأ يتكلم ب هدوء 
مبدأيا اي كان ال هقوله دلوقتي ف ده مش مبرر ل كلامي الوقح ولكن حقيقي انا كنت مضغوط اوي اليوم ده في الشغل ولما رجعت البيت تعبان لقيت ماما ومريم بيعيطوا وهما مش عارفين انت اتأخرتي ليه ولأن ماما ام مصرية اصيلة حطت مليون سينريو لخطڤك وانهم دلوقتي بيقطعوا اعضائك وقدرت تقنع مريم ف بالتالي انا فكرتك اتخطفتي فعلا خصوصا ان تليفونك كان مقفول..
جه الويتر ب ف سكت زياد وانا ببصله ب انتباه للوهلة الاولي حسيت اني هسامحه خصوصا لما ظهر الندم علي وشه ولأني في اليومين ال عشتهم معاهم ماشوفتش منه حاجة وحشة او تعامل معايا ب طريقة مش كويسة..
خرجت من شرودي لما بدأ يتكلم تاني ف بصيتله ب انتباه 
نزلت ادور عليك حتي جيت للكلية هنا ولكن مكنش فيه حد اصلا ف رجعت البيت تاني وتحت بكاء ماما انا فقدت السيطرة علي نفسي ف قولت الكلام الخايب ده عشان ابرر غيابك ال قلقنا كلنا ولما رجعتي واتطمنت عليك وقولتي انك اتأخرتي في المحاضرات انا ما اتكلمتش رغم اني عارف ان الكلام ده محصلش ولكن صدقيني كل الكلام ال قولته مكنش بقصدي وكان بس في وقت ضغط..
ب...
لسه هتكلم واعاند معاه ولكنه قاطعني بسرعة 
لو هتقولي الانسان بيقول ال بيفكر فيه وهو مضغوط تبقي غلطانة ومش دارسة علم نفس و ماتعرفيش ان الانسان لما بينضغط بيقول اي حاجه عشان يهرب من الضغط ده.
اخدت شفطة من العصير وانا ببصله ب سخرية مصطنعة 
و اي ال مطلوب مني دلوقتي..
اتكلم ب بساطة وهو بيشرب من عصيره 
ترجعي معايا البيت ماما رافعة الحداد وحالفة ما هتطبخلنا حاجة إلا لما ترجعي.
شرب شفطة تانية بعدين كمل ب ضحكة 
معدتي عفنت من اندومي مريم يا كيان والله.
ڠصب عني ضحكت وانا بتخيل شكله وهو بياكله ڠصب ولأنه في اليومين ال كنت معاهم فيها كان دائما پيتخانق مع مريم عشان الاندومي.
غمز ب عينه وهو بيبتسم ب اتساع 
ضحكت يعني قلبها مال ولا اي يابنت خالتي.
تعالي يا كيان ياحبيبتي انا جهزت الاكل عملتلك مكرونة بشاميل و سمبوسة والمنبار ال بتحبيه ملوخية وكل حاجة بتحبيها عملتهالك..
ابتسمت بحب علي طيبة خالتو ال تجبرك تحبها بدون اي تعب منها ف قومت ب صعوبة من مريم وانا بذقها ب هزار وقربت من خالتو ب حب علي دخول زياد وفي ايده اكياس كتير.
وه في بيتي وفي صالوني علي سجادتي وجنب سفرتي 
و اي دا...!!
اتكلم ب صدمة وهو بيدور حوالين السفرة ب دهشة من كمية الاكل ف رجع بص ل خالتو تاني ب لؤم 
والله يا ست ماما هو من لقى احبابه نسي اصحابه ولا اي مش كنت عاملة إضراب علي الاكل خالص وسيباني تحت ايد المفترية دي عمالة تزغطني في اندومي لما معددتي لزقت في بعض..
وقفت مريم جمبي وبصت له ب حنق 
والله دلوقتي انا بقيت مفترية اومال فين لما كنت تفضل بالساعة تتحايل عليا عشان اعمل حسابك معايا في طبق..
بصيت لهم خالتو ب حزم مرح وهي تتصنع الجدية واتكلمت بعد اما حطت الطبق ال معاها علي السفرة
وانت يا زياد اي ال في ايدك ده...
رفع زياد الاكياس قدامه واتكلم وهو بيحطهم علي رخام المطبخ 
دول شوية لب وشيبسي وبيبسي علي شوية شوكلاتات لزوم القعدة يعني.
للأسف مش هقدر اسهر معاكم عشان لازم ارجع الشقة بدري.
قربت مني خالتو ب حزن ظهر واضح علي ملامحها 
مالت مريم علي زياد واتكلمت ب ضحكة 
امك بترت لا بترت اي قول دشملت هرست خاطرك خالص.
بص لها زياد ب حنق وتجاهل كلامها وهو بيزقها بعيد عنه.
صدقيني يا خالتو انا كد هبقي مرتاحة وكمان الحمد لله انا بدأت شغل
والسكن ده خاص بالشغل يعني ماتقلقيش عليا..
يعني هو انت معانا مكنتيش مرتاحة..!
قربت منها وانا بحط ايدي علي كتفها 
والله كنت مرتاحة بس هاخد راحتي اكتر لما اكون في شقة خاصة بيا وانا مش صغيرة وهقدر اخلي بالي من نفسي كويس وكل يوم هجيلك ماتقلقيش..
طيب ماتسيبك من الشقة دي وخدي الشقة بتاعتنا ال قصاد الشقة دي بدل ماهي مقفولة..
بس..
ما بسش يا كيان مريم معاها حق واهو تبقي اخدة راحتك واحنا برضو نبقي مطمنين عليك اكتر.
حاولت اعترض تاني ب حجة الأجار واني مش هقدر اسكن فيها ببلاش ولكن خالتو ماسبتليش الفرصة .. 
واتكلمت ب حزم وهي بتقعد وبدأت تحط الاكل في الاطباق 
هبقي اخد منك اجار زي ال بتدفعيه في الشقة المهم تباتي هنا النهاردة مع مريم وبكرة تروحي تجيبي حاجتك وماتقلقيش الشقة فيها اثاث كامل ومتنضفة مش محتاجة غير شوية حاجات بسيطة وهتبقي علي سنجة عشرة.
ابتسمت لها ب قلة حيلة وانا بقعد جمب مريم و بدأنا ناكل كل ده و زياد ساكت و كأن باله مشغول ب حاجة ولكني ما اهتمتش
وبعد فترة كنا خلصنا اكل ف قامت خالتو تغسل وبدأت انا بلم السفرة وزياد بيعمل الشاي و مريم هتغسل المواعين ف روحت اساعدها..
ولما خلصنا كل حاجه اتجهنا كلنا للصالون مكان وجود خالتو ومعانا الاكياس ال جابها زياد 
كانت خالتو مشغلة مسرحية قديمة ف انضمينا ليها وصوت ضحكنا قلب الشقة كلها..
اد اي كنت مشتاقة للجو ده من بعد ۏفاة بابا وانا ماضحكتش كد من قلبي..
قاطع تفكيري رنة تليفوني ف استأذنت منهم و قمت للبلكونة عشان ارد..
الو..
ازيك يا كيان انا سليم..
ضيقت عيوني وانا بفكر جاب رقمي منين وبيرن عليا دلوقتي ليه وكأنه فهم صمتي ف اتكلم ب توضيح
شكرا ل سؤالك وانا الحمد لله بخير ده كان سوء تفاهم مع ابن خالتو واتحل خلاص..
حسيته كان عاوز يقول حاجة ولكنه كان محرج وده ظهر واضح من نبرته
كيان ينفع نتقابل بكرة في اي كافية قبل الشغل محتاج اتكلم معاك في حاجه مهمة
وقبل ما اتكلم واستفسر كان هو بيقاطعني 
ومن قبل ما تسألي حاجة اي صدقيني لو ينفع كنت قولتلك دلوقتي ولكن ال عاوزك فيه ماينفعش يتقال علي التليفون..
تمام نتقابل بكرة في كافية ال الساعة 7.
قفلت معاه وانا بفكر هيكون محتاجني في اي وقبل ما الف عشان ارجع تفاجأت ب زياد واقف
وانت مالك..!!
اممم انا مالي فعلا.. عموما بتقولك ماما اشربي قهوتك قبل ما تبرد.
اخدت منه القهوة وتخطيته وانا بدخل لخالتو قعدت معاهم لفترة كملنا القعدة وبعدين دخلنا ننام لما القوت اتأخر..
في تمام الساعه 7 ونص كنت بدخل الكافية ال متفقة مع سليم اقابله فيه وبالفعل كان قاعد مستنيني بصيتله ب استغراب هيكون محتاجني في اي يخليه يطلب يقابلني دلوقتي ومستنيني كل ده. 
اول ما لمح طيفي قام وقف ب ابتسامة متوترة سلمت عليه وقعدت ف طلبلي قهوة.
ها كنت محتاج مني اي يخليك مستعجل ومتوتر كد..!!
والله هو ده ال جاية تقابليه وطالعة من الصبح كد لا والبية جاي يعترفلك بحبه ولا كأنك مخطوبة لكيس جوافة..
وقفت وانا ببص ل زياد ب
عدم فهم وعلامات الاستنكار رسمت علي وجهي ب وضوح.
انيسي
الله هو ده ال جاية تقابليه وطالعة من الصبح كد لا والبية جاي يعترفلك بحبه ولا كأنك مخطوبة لكيس جوافة..!!
عارفين النحس اهو والله العظيم متفصل علي مقاسي تفصيل 
ل تاني مرة يقاطعنا صوت شخص ف وقفت وانا ببص ل مصدر الصوت ب عدم فهم وعلامات الاستنكار رسمت علي وجهي ب وضوح.
ها كمل يا افندي كنت عاوز تعترف ل خطيبتي ب أي..!
انت عبيط يا زياد ولا عندك خال اهبل..!!
حوار عبيط ف لا اما حوار خالي ف هبقي اسأل ماما يا خطيبتي المصون.
خطيبتك مين يا عسل انت بتكذب الكذبة و بتصدقها..!!
ياجماعة استه....
حاول سليم يتكلم ف قاطعناه احنا الاتنين ب عصبية و ب صوت واحد اتكلمنا 
استني انت دلوقتي.
ها كمل كد كنت بتقول اي و خطيبة مين انا...!!
ابتسامة جانبية ظهرت علي