دي اخر فرصه ليكي يا مليكه بقلم سولييه نصار

سكريبت بقلم سولييه نصار
دي آخر فرصة ليكي يا مليكة لو مبطلتيش اللي بتعمليه أنا هسيبك ...مش مضطر استحمل جنانك ده ...خلاص فاض بيا ...
زعق فيا مروان بعصبية فبصتله بضيق وقولت
يعني اسيب حقي يا مروان ...اسيبه يتحرش بيا زي ما هو عايز ...
لا طبعا ...بس فيه مليون طريقة تأخدي بيها حقك غير البلطجة ...كنتي استني لما تنزلي من الميكروباص وتقولي لأي ضابط يساعدك بدل ما تتصرفي كأنك بلطجية....مش كل شوية هجيبك من الاقسام يا مليكة خلاص أنا فاض بيا ...
هزيت راسي وقولت
بجد أنا مش مصدقاك يا مروان...ازاي عايزني اسكت عن حقي ازاي!!ازاي عايزني اسكت وانا شايفة واحد رخيص پيتحرش بيا ...ده أنا فتحت دماغه بس كويس مقتلتهوش ...

قام مروان وزعق فيا وقال
لا متفتحيش دماغه ...مش من حقك اصلا ...اومال القانون موجود ليه ما تشتكيه ولا انتي اتعودتي علي الاسلوب السوقي ده ...
عيوني دمعت وانا مش مصدقة اللي مروان بيقوله ...
كمل هو پعنف وڠضب 
قصر الكلام الاسلوب ده مينفعنيش ...متنسيش انتي خطيبة مين وبعدين ما قولتلك استني أنا هوصلك بعربيتي او سيبي شغلك حتي لكن انتي غاوية مرمطة ...
سكت وانا ماسكة دموعي بالعافية وقولت
لا يا مروان بيه منستش أنك اتفضلت عليا وخطبتني ...
انا خطبتك لأنك عجبتيني...لكن لو مغيرتيش اسلوبك يبقي كل واحد يروح لحاله يا مليكة مفهوم !...
بصيت ليه بضيق ...شغل الټهديد ده مينفعنيش وطبعا زي كل مرة اللي سمعته من ودن طلعته من التانية ...
.
.......
تاني يوم ...
صحيت من النوم واخدت شاور ..صبحت علي ماما وفطرت معاها وقررت امشي..
ماما أنا رايحة الشغل سلام ...
بصتلي امي وقالت
يا بنتي اسمعي كلام مروان واستني لما يجي يوصلك ...
هزيت راسي وقولت
يا ماما مروان هيجي بعد ساعتين وانا كده هتأخر علي شغلي ...
اتنهدت ماما وقالت
ما بلاها الشغل يا حبيبتي ...انتي كده كده مش محتاجة يعني ...مروان مش مقصر في حاجة ...
ضحكت بذهول وقولت
ليه هو مروان اللي هيصرف علينا يا ماما ولا ايه ...هو خطيبي بس مش جوزي وبعدين حتي لو جوزي ملهوش يساعدك انتي واخواتي أنا ما موتش ماشي!!..
يا بنتي ...
ماما خلاص بالله عليكي ...خلاص كفاية !
وبعدين سيبتها ومشيت ...
.....
كنت راكبة المكروباص لما حسيت برجل الراجل اللي جمبي لازقة فيا ...زقيتها وقولت
رجلك يا حاج ...
ابتسم ابتسامة صفرا وقال
متتكسفيش يا بنتي ده أنا زي جدك...
حقك عليا يا حاج تعالي اقعد علي حجري ما دام طلعت جدي...
بجد يا بنتي 
قالها وقرب تاني فزعقت فيه وقولت
جرا ايه يا راجل انت فيه ايه !!ما تتنيل تقعد علي الكرسي بتاعك زي الناس ولا انت دافع نفرين وانا مش واخدة بالي ...
يا استاذة الراجل ميقصدش ...
قالها السواق وهو بيبص في المرايا فزعقت فيه وقولت
والله لما يجي يلزق في بنتك او مراتك ابقي قول مكانش يقصد...غير كده متتكلمش ..
سكت خالص والراجل اللي جمبي بعد پخوف ...قعدت دقيقتين كويسة وبعدين حسيت بحاجة علي رجلي بصيت پصدمة لقيته حاطط ايده علي رجله وهو عامل نفسه مش واخد باله....
لا ده انت راجل متربتش فعلا ...
قولتها وخلعت الشوز وبعدين بدأت اضربه بالشوز علي رأسه ...صړخ الراجل وقال
يا بنت المچنونة!!!!!
يتبع
الجزء التاني
انتي تاني!!
قالها الضابط پصدمة وكمل 
يا بنتي انتي مش كنتي هنا لسه من يومين وضړبتي واحد ...حرام عليكي انتي بلطجية ...
ربعت أيدي وقولت
يعني هو حرام عليا اني اضربه بس مش حرام ....
بص الضابط للراجل الكبير المضړوب واټصدم من شكله كان متبهدل خالص ...اتكلم الراجل وقال
انا عايزة اعمل محضر تعدي