يكفي ان يحبك قلبها بقلم ولاء يحيي

يعني ...... اظن كده اصحاب دكتوره ريم خلصوا ....ويبص لريم برخمه والا هو لسه فيه حد
ريم بضيق وغيظ لو تحب ادورلك
عمر بابتسامه متشكره يا دكتوره .....مش عاوز اتعبك انا هبقي ادور لنفسي
ريم پغضب وعصبيه تدور لنفسك ...... طيب ربنا معك وقامت واقفت وهي مټعصبه.... هو حسن والبنات فين يا طنط
امل وهي كتمه الضحك جوه في الفيلا

بيلعبه بل اكس بوكس
ريم بغيظ اوكي متشكره اوي ومشيت وهي هطق رحت للفيلا..... وهي عمله برجلها في الارض زي الاطفال .... واول ما دخلت الكل ضحك 
عماد بضحك والله انا قولت بحاجه من النرفره
ماجده بابتسامه خلاص بقي يا عمر .....متزودهاش البت بتحاول تكلمك...اتصلحوا بقي
عمر بسعاده وحب عسل وهي متنرفزه كده.... تجنن ..... بس سبوها شويه ..... دي ورتني النجوم في عز الظهر
امل بټهديد لا بقولك ايه..... والله اقوم اقولها ...... اتلم كده ومضايقش البنت
عمر بضحك هو انتي امي والا امها.... فيه ايه يا امول دا انا عمر حبيبك
امل بضحك لا انا هبقي امها هي ونهي.... وانتم كفايه عليكم لحد كده
شريف طيب ليه كده طيب .....تقلبي عليه انا ليه ....هو انا عملت حاجه
امل انا بعرفك بس ....علشان ماحدش فيكم يفكر يزعلهم وتبص لعمر وانت قوم يلا صالح ريم ...وبطل لعب العيال دا
عمر بابتسامه هصالحها يوم عيد ميلادها...... وجيبلها هديه كبيره اوي ..... هتفرحها جدا
ماجده باستغراب هديه ايه دي
عمر ببتسامه هقولكم لاني هحتاج مساعدتكم
ريم دخلت الفيلا وهي مضايقه .....لقيت حسن وساندي بيلعبه..... ضد تقي وهاجر..... ومايا قعده ساكته بتتفرج عليهم فرحت قعدت جمبها
ريم بابتسامه مبتلعبيش معاهم ليه
مايا بكسوف وحزن هم فريقين...... وانا لوحدي ومابعرفش العب اوي
ريم ببتسامه انا كمان مابعرفش العب...... ايه رائيك نبقي
انا وانتي فريق ..... و نجرب حظنا يمكن نكسب
مايا تبتسم ليها وتهز راسها بالموافقه
ريم بابتسامه اعملو حسابكم انا ومايا..... هنلعب ضد الفريق اللي هيفوز
حسن بفرحه اجهزو دا احنا مقطعنهم ....وهنقطعكم
ريم ببتسامه هنشوف يا سي حسن من اللي هيقطع مين وتقرب من مايا وتحط ايدها علي كتفها وتوشوشها ....ومايا بصت لها باستغراب بس فرحت وابتسمت بصي انا هشوفي ايه الغلط اللي بتعملوا تقي علشان معملوش ......وانتي ركزي علي طريقة حسن في اللعب..... واتعلمي منه اتفقنا
مايا بفرحه زي الاطفال اتفقنا
ويفضله يتابعوا وهم بيتكلمه لحد ما صړخ حسن وساندي كسسسسسسبنا
هاجر بزعل انتم احشين زعلته جوجو
تقي بغيظ انتم بتغشم علي فكره...... وخدين الفريق القوي
حسن بضحك ايوه اتلككو بقي..... انتم الاخترتم الفرق بتعاكم ...... وبعدين انتم مش بتلعبوا اي حد .... دا انا ابو علي.....و ماحدش يقدر يكسبني
ريم تمسك ايد مايا احنا بقي اللي هنكسبك يا ابو علي .....جهزه يا مايا
مايا تقوم تقف بحماس معاها جهزه
ويفضله يلعبوا ومايا.... اندمجت جدا معاهم .....واول مره صوتها يطلع...... وتضحك زي الاطفال ..... وتبقي مبسوطه...وبقيت تصرخ زيهم......... وريم كانت بتصلها وتبتسم ..... لان لقيت مايا طفله اكتر من ساندي.....وحسيت انها اول مره تلعب زي الاطفال ...... وتقي وهاجر فضلوا يشجعها..... وهي فرحانه اوي ...... وانتهي المباره وريم ومايا هم اللي كسبو..... ومايا من الفرحه صړخت وفضلت تنط وجريت حضنت هاجر... اللي نتط معاها من الفرحه ..... وريم بصتلها هي وتقي.... وهم مستغربين ان هاجر في حضڼ مايا مابعدتش ....ودا بسطهم وطمنهم جدا
حسن بضيق انتم غشتم علي فكره
كل ضحك عليه...... ويفضلوا يغظوه ويرخمه عليه ....وصوت ضحكهم وهزرهم كان واصل بره في الجنينه ..... وامل لما سمعت صوت مايا.... ارتاحت وحمدت ربنا
ريم بفرحه ايه رائيكم نعمل سهره ...... ونجيب فيلم ونعمل فشار ونسهر كلنا بره في الجنينه
كل بحماس هااااااا موافقين
تقي انا هروح لعماد وعمر .....وهخليهم يخرجوا الشاشه بره .....ونجهز القعده
حسن وانا هاخد شريف ......ونروح نجيب افلام جديده ونجي بسرعه
ريم طيب هات افلام جديده حلوه.... وتبص لمايا بتحبي افلام نوعها ايه يا مايا
مايا تبتسم اي حاجه اللي يعجبكم
ريم في فيلم كارتون شكله حلو اوي نزل جديد اسمه........... هاتو
حسن وهجيب حاجه ړعب كمان
هاجر لا انا خاف
مايا تقرب منها وتمسك ايدها مټخافيش دا بيقي تمثيل ....مش بجد ....بيبقوا رسمين علي وشهم
ريم بابتسامه روحي يا هاجر انتي وساندي..... جهزه القعده مع تقي ..... وخرجوا الشلت
ساند وهاجر يجري.... وحسن يخرج يروح لشريف
ريم بابتسامه وانتي بقي يا ميمو ...... تعالي معايا نعمل فشار .....و شكولت كيك
مايا بابتسامه وفرحه بس انا مبعرفش اعمل حاجه
ريم تشدها من ايدها هعلمك...... يلا تعالي
وتدخل مايا مع ريم.... ويبدأ .....يعمله كيك وهم بيتكلموا ويضحكوا
مايا بفرحه انا اول مره ادخل..... اعمل حاجه في المطبخ
ريم بابتسامه احساس انك تعملي حاجه بايدك ..... حتي لو باظت ... بيقي جميل وبتعجبك..... اكتر من اللي بتيجي جهزه لحد عندك.....عارفه وانا في سنك كنت علي طول اقعد اجرب مره تبوظ ... ومره تتطلع مظبوطه ... لحد ما بقيت اعملها وانا مغمضه
مايا بابتسامه حزينه انا ماكنتش بقعد في البيت...... من وقت ما داد اللي ربتني ماټت .....بقيت علي طول لوحدي .....فبقيت اقعد في النادي... واروح على النوم
ريم بحزن تقرب منها .....وتحط ايدها علي كتفها انسي الفات يا مايا .....وعيش الجاي متبصيش وراكي..... عشان ماتتعبيش ..... عيش المستقبل انتي لسه صغيره وبايدك تغيري كل حاجه وتخليها احسن
مايا تبصلها انتي طيبه اوي يا ريم .....انا اول مره شوفتك لما
جيت مع بابي وميرنا .....لفت نظري وانتي بتكلمي مع حسن وتهزري وتلعبي معاه..... وتبصلها بحزن عارفه انا عمري ما قعدت اتكلمت والا لعبت مع ميرنا.... زي ما اتكلمت ولعبت معاكي النهارده....كنت كل ما حاول اكلمها تزعق فيا وتخرجني بره اوضتها ..... عمرها ما كانت اخت ليا
ريم تحط دقيق علي وشها وتبتسم قولنا ايه انسي الفات
مايا تضحك وتحط علي وشها دقيق هي كمان .....ويفضلوا يضحكوا ويلعبو ...... وهم بيعملوا الكيك ..... ويدخل عمر اللي كان واقف علي الباب وسمع كلامهم من غير ما يشفوه .....يفرح ويحب ريم اكتر .... ويدخل المطبخ
عمر بتصنع الاستغراب ايه اللي انتم عملينه في وشكم دا
مايا بفرحه بنعمل كيك
عمر بضحك وهناكله من علي وششكم يعني واللي ايه
ريم تحاول تكلمهوا اش عرفك انت الكيك بيتعمل ازي....... هو لازم يبقي علي وشنا الاول .....عشان يبقي حلو
عمر يبتسم بس يدريها بسرعه اااه طيب برحتكم..... انا كنت جي اشرب وخارج
ريم بابتسامه حاضر ثواني ......هجيبلك
عمر برخمه لا يا دكتوره ماتتعبيش نفسك ...... متشكر انا هجيب لنفسي
ريم بغيظ وضيق دكتوره
عمر يعمل نفسه مااخدش باله...... وياخد كبايه مياة.....بس وهو خارج خد شويه دقيق و رح رشهم علي مايا....... اللي جريت وراه...... بس هو هرب منها..... ورجعت وهي بتضحك بس لقيت ريم وقفه مضايقه
مايا باستغراب مالك يا ريم ....زعلتي ليه
ريم تبتسم ليها لا يا حبيبتي مزعلتش...... يلا اشتغلي
ويبدأ يجهزوا الكيك تاني وهم بيضحكوا
وفي شقه الهرم.....ميرنا فضلت تسال عن فايز...... وعرفت ان كل البنات مستنياه .... وكل واحده مجهزه نفسها ....وعاوزه ليها..... و عرفت ان الكل بيرمي نفسها عليه......ونفسهم يلفتوا نظره.......و عرفت ان فايز مش بيهتم بحد ... وقليل لما بيختار واحده....وان اللي بيختارها بتبقي