دره الغالب من الجزء_الاول للجزء السادس بقلمي...زهرة الربيع

زقتو وقالت بتوتر شديد وارتباك ...انت...انت حيوان وقليل الادب
ولسه هتطلع من الاوضه رجعت تاني وضړبتو في صدرو وقالت..وۏسخ كمان ربنا ياخدك.... ومشيت تاني وكانت هتطلع غالب قال بضحك..رايحه فين بلبسك ده
دره بصت لنفسها لانها كانت بالفستان المكشوف ورجعت خدت بلوزتها وجيبتها من على السرير وقالت...اتفضل ادخل الحمام خليني البس
غالب ابتسم عليها وقال..طب ما تلبسي انا حوشتك
دره قالت بعصبيه..هقلع يا بني ادم هقلع انت ليه محسيني انك خالتي
غالب ضحك وقال...طيب انا هدخل لاني بجد عايزك تقلعيه...لانو الصراحه مخليكي صاروخ ومش قادر استحمل اكتر
دره اتكسفت ونزلت عيونها على الارض بتوتر وغالب ابتسم واخد هدومو ودخل الحمام
دره قلعت الفستان ولبست هدومها و قعدت بتوتر وقالت..يتجوزني...اتجوز مين ايه الهبل ده
تحت كانت ناريمان بتحط تلج لحازم على عينه علشان البوكس الي غالب اداهولو وقالت پغضب...احسن احسن يا رب يموتك علشان مش ناوي تجبها لبر معاه
حازم قال بضيق....خلاص يا ماما كفايه الي انا فيه و
بس قطع كلامهم دخول بنت قمه في الجمال والشياكه والانوثه ..دي ملك نور الدين بنت اللوا عمرها ٢٣ سنه قالت ...احم اذيك يا طنط اذيك يا حازم سلامتك
حازم وقف وفضل باصص لها وقال بهدوء وابتسامه...الله يسلمك يا ملك عامله ايه احم..ليه مش بنشوفك
ملك قالت ...كنت مشغوله الفتره الي فاتت بس جيت اهو...وبقت تبص يمين وشمال وبتدور على حاجه بعنيها
ناريمان لاحظت نظراتها قالت بضيق بتحاول تداريه...هو فوق..احم غالب فوق يا حببتي
ملك قالت ..اه طب ممكن اطلعلو
ناريمان لسه هترد حازم قال بسرعه وتوتر لا.. لااصلو اصلو نايم انا انا هروح اصحيه وانزلو ارتاحي انتي
وناريمان اتنهدت بيأس وحازم طلع عند غالب
غالب كان بيمشط شعره ودره بتنضف اللي ۏسخو وهو كان قاصد يبوظ كل حاجه بترتبها وكانت ھتموت من الغيظ قالت بعصبيه..حرام عليك بقى كفايه جنان ومترميش حاجه تاني ..انت عيل يلا
غالب بصلها بزهول..وقال عيل....يلا ...واتقدم عليها بعصبه مسك دراعها وقال...انتي اټجننتي يا بت ها و
بس سمع خبط الباب وقال..الباب انقذك بس لسه لينا كلام انا هعرف اذاي اقصر لسانك الي بقى اطول منك ده
وراح يفتح وكان حازم غالب بصلو پغضب وقبل ما يتكلم حازم قال...احم..ملك تحت..بتسأل عليك..كانت عايزه تطلع وانا منعتها علشان البنت الي هنا
غالب شافها فرصه يضايق دره قال بصوت عالي..عادي كنت سبها تطلع دره مش اي بنت...دره الخدامه بتاعتي يعني اي حد يحب يشوفني يطلع عادي بس انا كده كده نازل يلا بينا ونزل هو وحازم ودره كانت ھتموت من الغيظ رمت حاجتو على الارض وقالت..خدامه استني عليا شوف الخدامه هتعمل فيك ايه
بقلمي...زهرة الربيع
تحت غالب نزل وسلم على ملك وقال..عامله ايه وايه اخبار حضرة اللوا
ملك قالت بابتسامه..بيسلم عليك..وقلي انو عازمك علي عيد جوازو هو وماما..تعالو كلكم بقى
ناريمان قالت ..اكيد يا حببتي
على جنب حازم كان واقف بيبص عليهم بابتسامه ومركذ مع كل حركه بتعملها وكل كلمه بتقولها
عكس غالب الي كان مش مهتم ابدا وبيعاملها برسميه مع انها بتحاول بكل الطرق تلفت نظرو
ملك قالت..طيب استأءن بقى انا ماشيه
غالب وقف ومد ايده وقال..سلميلي على نور باشا
ملك سلمت عليه وقالت...اكيد وخرجت وهيه مضايقه من معاملتو الي ديما مفهاش اي مشاعر
غالب لسه هيطلع اوضتو امه قالت بسخريه...مستنيها تطلبك للجواز يعني علشان تحس
غالب اتنهد وقال..اللهم طولك يا روح..ده يهمك في حاجه يا ناريمان هانم
ناريمان قالت پغضب.... انت كلك على بعضك متهمنيش ومش مستنيه منك اصلا انك تكلمها او انك تعمل حاجه صح في حياتك... الي اتعود على الغلط مستحيل يصيب
غالب قال بسخربه شديده وطريقه مستفزه ..معاكي حق ...بتعلم منك يا ...ماما
غالب مشي يشم هوا وناريمان كانت بتبص لطيفه پغضب ورجعت بصت لحازم پغضب اكبر وقالت... وانت يا اخر صبري ليه مسبتهاش تروح تشوفو فوق خاېف على مشاعرها قوي..واتنهدت وقالت ياحازم يا حبيبي مش شايف بيعاملها ازاي البنت لازم تفوق من اوهامها غالب لا حبها ولا هيحبها
حازم قعد بهدوء وقال...بس مش لدرجه انها تطلعلو ومعاه واحده فوق...اكيد هتفهم انو مش هيحبها بس مش بالطريقه الجارحه اوي دي
ناريمان قعدت بضيق وقالت..ربنا يصبرني عليكم
غالب طلع الجنينه بس وقف باستغراب لما شاف دره واقفه مع بنت وكانت سهى قرب منهم وقال...اهلا وسهلا اي خدمه مين دي
دره قالت بارتباك..دي ...دي سهى اختي هتاخد فلوس وتمشي على طول
غالب سكت وكان هيمشي بس سمع سهى بتقول...بس دول قليل ..انا عايزه اشتري لاب جديد علشان بتاعي مكسور ومبقتش اقدر افتحو وكل دروسي عليه وماما كل علاجها خلص
دره اتنهدت وقالت..تمام فيه فلوس كنت شيلاهم احتياطي هجبهم واجي على طول ودخلت جوه تجيب الفلوس
غالب قال في نفسو انا مقعدها هنا من غير شغل وهيه بتصرف عليهم ازاي نسيت الموضوع ده
سهى قالت ..احم..حضرتك غالب بيه..اختي ديما تشكر فيك
غالب استغرب وقال..بتشكر فيا ازاي يعني بتقول ايه
سهى قالت...بتقول انك انسان محترم جدا وبتعاملها كويس
غالب قال..عليا انا الكلام ده..اممم على العموم حتي اختك
زي النسمه الحقيقه... وبقاها ...بقها ده يستحيل تطلع منو العيبه
سهى ابتسمت بعدم فهم وغالب بقى يهزر معاها بس شاف دره جايه من بعيد ابتسم بخبث وقال...ايه ده حلقك ماسك في شعرك
سهى بقت تبعد شعرها وقالت ..فين ده ..
يتبع