روايه اماني وعوضي

بس اللي مش فاهم 
مراد طيب ما تفهمني 
عز مش وقته يامراد مش وقته 
ايمان سيب عز لوحده مع غرام شويه يامراد 
مراد جه يمشي ووقف علي الباب ولسه بيطلع
عز مراااد 
مراد نعم ياعز 
عز مافيش اخبار عن شريف 
مراد للاسف لسه في اوضه العمليات 
عز بتنهيده طيب يامراد 
مراد انت عارف انه هيقوم منها 
مراد طول ما انت فيك نفس 
عز ههه انت لسه فاكر 
مراد كمل بس 
عز شريف بيتنفس 
مراد صح كده 
مراد مشي وساب عز وعز بعدها حط ايده علي قلبه وحس بدقات قلبه وافتكر زمان لما شريف وهما صغيرين دايما يعمل الحركه دي عشان يتأكد ان عز عايش وهيرجعله تاني لما كان بيسيبه 
وبعدها بص لغرام وهي نايمه قدامه علي السرير وبقي يقول في نفسه 
عز انا عذرك ياغرام عذرك في كل حاجه عملتيها عشان تنقذى اختك زي ما انا عملت كل حاجه ولسه هعمل عشان انقذ شريف بس اللي عمرى ما هعذرك فيه هو انك تخبي عليا وماتثقيش فيا كان نفسي تيجي تقوليلي تشكيلي ترمي همومك عليا ووقتها كنت هحتويكي واحطك جوه ضلوعي واقفل عليكي واحميكي انتي واختك من الدنيا كلها تفتكرى بعد ما عيشتي معايا وعرفتيني ماستهلش ثقتك فيا ياغرام انا كنت كل اللي بطلبه انك تكوني واثقه فيا اكتر من كده 
الدكتور جه وبلغ عز 
الدكتور مبروك العمليه نجحت بتاعت شريف 
عز اخد نفس وابتسم الحمدلله يارب
مراد حمدالله علي سلامته ياعز 
عز انا كنت عارف انه هيبقي كويس 
الدكتور احنا دلوقتي هندخله العنايه المركزه وبكره بالكتير ان شاء الله هنطلعه اوضته 
الدكتور جه يمشي 
عز دكتور اي اخبار الحاله التانيه اللي معاه 
الدكتور للاسف الحاله صعبه الړصاصه جنب القلب ادعولها 
عز شكرا يادكتور 
ايمان مراد انت لازم تروح عشان ترتاح 
مراد انا كده مرتاح يا ايمان 
عز طيب ياريت تريحنا احنا من ريحتك روح استحمي كده وارتاح شويه وتعالي انا هستناك 
مراد ايوه ياعز بس 
عز مافيش بس يلا يا ايمان خودي خطيبك 
مراد ماشي انا هرجعلك علي طول 
مراد مشي هو وايمان وراح الحمامات واتوضا ورجع الاوضه وفرش المصليه وبقي يصلي ركعتين شكر لله ان اخوه شريف قام منها بالسلامه وبقي يدعي لولاء اخت غرام انها تقوم منها بالسلامه 
وبعدها قعد علي الكرسي وبقي قاعد قدام السرير بتاع غرام وكل شويه يروح في النوم ويقوم تاني يعدل رقبته وكان ھيموت ويريح جسمه 
غرام فاقت وفتحت عنيها واول كلمه قالتها 
غرام ولاء .. فين ولاء 
عز بسرعه قام من علي السرير وبحركه لا اراديه منه قعد جنب غرام وحط ايده علي كتفها وغرام
حطت راسها علي صدره 
غرام ولاء كويسه ياعز 
عز كويسه ياغرام
ماتقلقيش عليها هي بقت كويسه 
والاتنين غمضوا عيونهم وناموا 
وغرام لاول مره تنام وهي في حضن عز 
الممرضه فتحت الباب ودخلت عليهم عشان تبلغ عز ان ولاء اخت غرام اتنقلت للعنايه المركزه بس اول ما لاقيتهم كده راحت قفلت الباب بالراحه جدا عليهم وسابتهم ومشيت
رواية حب خارج ارادتي 
البارت التاسع والعشرون وقبل الأخير
الممرضه لاقيتهم كده راحت سابتهم وقفلت الباب بالراحه ومشيت
غرام كانت نايمه في حضن عز ولاول مره تحس بأمان ماحستهووش طول عمرها رغم ان قاسې عليها في اوقات كتير بس لحظه حنيه منه عليها بتنسيها قساوته كلها
ومع اول خيط شمس طلع عليهم
غرام فتحت عنيها لاقت نفسها في حضن عز رفعت وشها وبصيتله واتكسفت انها في حضنه بعدت عنه بسرعه وهو كمان صحي
عز مممم احم انا لاقيتك تعبانه امبارح
غرام قطعته في الكلام بسرعه 
غرام اه .. اه انا عارفه
عز حط ايديه ورا شعره وقام من علي السرير بسرعه
غرام ولاء عامله ايه دلوقتي انت قولتلي انها بقت كويسه
عز اه .. اه طبعا اكيد بقت كويسه
غرام انا عارفه ان شريف قام منها عشان كده مطمنه
عز وعرفتي منين
غرام من الهدوء اللي في عنيك
عز بتوتر عشان غرام كانت في حضنه طيب .. طيب .. انا .. انا هطلع اشوفهم عاملين اي دلوقتي
غرام استني انا جايه معاك
عز كان قلقان ان ولاء يكون جرالها حاجه خصوصا انه مايعرفش عنها حاجه
عز لا لا خليكي انتي .. انا جاي علي طول
غرام دخلت الحمام اللي في اوضه المستشفي تغسل وشها وعز طلع بره بسرعه يسأل علي ولاء وشريف
عز طمنيني الحاله اللي جت امبارح في طلق ڼاري طلعت من العمليات
الممرضه ايوه يافندم انا كنت هبلغ حضرتك امبارح بس ماعرفتش
عز طيب هي فين
الممرضه هي دلوقتي في العنايه المركزه
عز متشكر جدا
غرام جت ورا عز
عز اوضتها فين ياعز
غرام هي في العنايه المركزه لسه
غرام ارجوك عايزه اطمن عليهم هما الاتنين ارجوك ياعز
عز طيب ياغرام اهدي
عز طلب من الممرضه ان غرام تشوف اختها
وراحت لبست لبس التعقيم ودخلت لولاء
غرام مسكت ايد ولاء وهي نايمه علي السرير والاجهزه كلها محوطاهه وبقت تبوس في ايديها
غرام بدموع كل اللي انتي فيه ده بسببي ياولاء .. ماقدرتش احميكي حاولت بس ماقدرتش حقك عليا ماتزعليش مني عايزه اقولك انك اغلي حاجه عندي في دنيتي ياولاء وانتي عارفه ده كويس
الممرضه ارجوكي كفايه كده لازم تطلعي حالا بلاش تجبيلي مشاكل
غرام حاضر انا طالعه
غرام طلعت وراحت لشريف وبقت تبص عليه من ورا الازاز
وبقت تبصله وهي قلبها بيتقطع عليه
غرام في نفسها ياريتنا كنا اتقبلنا في ظروف غير دي ياشريف كان في حاجاااات كتييييير اوي كانت اتغيرت
عز راح لغرام وجابلها coffee
عز خدي ياغرام
غرام وهي بتاخد ال coffee من عز
غرام صدقتني اني كنت مضطره ياعز ولا لاء
عز هيفيد بأيه اني اصدقك ياغرام
غرام يعني ايه
عز يعني كان لازم تثقي فيا اكتر من كده ياغرام كان لازم تحكيلي وتقوليلي علي اللي حصل وقتها بس كنت هصدقك
غرام بصت لعز بصه غيظ 
غرام انت ازاي كده
عز ببرود قدام غرام مع ان من جواه قلبه پيتحرق عشان انا كده ياغرام .. انا عز القدرى كده ومش هتغير في يوم
غرام انا عمرى ما قدرت افهمك ياعز
عز عشان صعب علي اي حد يفهم عز القدرى ياغرام
غرام عشان كده هتعيش لوحدك وټموت برضوا لوحدك ياعز القدرى
غرام سابت عز وخبطت كتفه وهي ماشيه وسابته ومشيت
عز بص وراه وفضل باصص عليها وهي ماشيه لحد ما طلعت من المستشفي
عز بقي يكلم نفسه
عز عمرك ماهتفهميني عشان مش قادره تفهمي اني مابزعلش اوي غير من الناس اللي بحبهم اوي وانا مابحبش غيرك ياغرام ولا هحب في يوم
غرام وقفت تاكسي ورجعت علي الفيلا
عم حسين پخوف اي يابنتي طمنيني علي شريف بتصل بعز من امبارح وبمراد ماحدش بيرد عليا
غرام اطمن ياعم حسين شريف بقي احسن الحمدلله
عم حسين مالك يابنتي فيكي ايه
غرام مافيش ولا حاجه
غرام طلعت شنطتها وبقت تلم هدومها
عم حسين اومال بتلمي هدومك ليه 
غرام خلاص ياعم حسين اللي كانت مقعداني هنا ڠصب عني رجعت لحضني مافيش اي سبب تاني يخليني اقعد هنا واتحمل اللي بشوفوه هنا اكتر من كده
عم حسين انا مش فاهم حاجه يابنتي ماتفهميني
غرام قعدت وحكت كل حاجه لعم حسين
عم حسين وتفتكرى ده سبب كافي انك تسيبي البيت عشانه
غرام افتكر ان كل حاجه عز بيعملها بتأكدلي اني ماليش مكان هنا
عم حسين طيب ده عز وشريف برضوا نفس الكلام
غرام بتنهيده شريف 
عم حسين ايوه ياشريف شوفتيه كان