روايه رائعه الكاتبه زهره اللوتس الجزء الاول
مش بعيد يحاولوا يأذوها زيادة ومنلحقش نعمل حاجة
رجع عاصم من الفلاش باك
فريد _ بابا انا بكلمك انت سامعني
عاصم بيقوم يقف وبصوت عالي _ وانا قولتلك مش هاتكلم في حااااااجة يافريد قولت اللي عندي واختك هتتجوز بدر ومش هقول لحد أسباب ولا هفسر
اتفضل روح شغلك عشان متتأخرش يافريد
بدر بيفتح باب بيتهم وداخل
دخل بدر باس دماغها _ صباح الخير ياحبيبتي
هند _ انت ايه اللي عملته مع مها ده يا بدر انت اټجننت !!!
ناهد _ صباح الفل ياحبيبي .. حماتك بتحبك اقعد بقا عملالك الأكل اللي بتحبه
هند _ اكل ايه ياماما انتي كمان احنا في ايه ولا في ايه
ناهد بتسيب الطبق من ايديها وبتطبطب عليه _ لا ياحبيبي مش عايزة اقولك حاجة
بدر _ انتي عرفتي اللي حصل صح
ناهد _ عرفت .. وواثقة فيك وفي اختياراتك وعارفة انك مش هتعمل كدا من غير سبب
بدر _ ساكتة عشان واثقة فيا وفي اختياراتي ولا ساكتة عشان انتي مكنتيش قابلة مها من البداية ولا نزلالك من زور
التليفون الأرضي رن راحت ناهد ترد
هند _ بدر هي الأسئلة اللي سألتهالي امبارح ليها علاقة بانك عايز تتجوز زهرة بدل مها
بدر بخبث _ لا خالص .. دا كان سوء تفاهم في دماغي بس وراح لحاله خلاص
هند _ اومال ايه السبب في انك تعمل كدا
هند بتبرق _ نعم
هند خلصت الفون ورجعت _ يالا ناكل بقا
قعدوا عشان ياكلوا
بدر بيبص لهند وبينه وبين نفسه _ اقسم بالله لأجننك يا هند لحد ما توقعي نفسك بنفسك واعرف اللي حصل
في بيت زهرة
جرس الباب رن
راح فريد يفتح الباب .. زهرة داخلة من باب الشقة لقت عبير واخواتها الاتنين قاعدين في الصالة
محدش رد عليها السلام
عبير _ كنتي فين ياابلة ومقولتيش لحد ليه انك خارجة هي لوكاندا !
راحت زهرة تسلم علي خالتها اللي قاعدة
خالتها بتزقها _ اوعي كدا انا مبسلمش علي خطافة رجالة
زهرة بتتعدل _ خطافة رجالة
خالتها _ أيوة ياختي خطافة رجالة ايه جبت حاجة من عندي
خالتها التانية _ صحيح اللي سمعناه دا يازهرة
زهرة _ مفيش حاجة اسمها خطافة رجالة او واحدة تاخد من واحدة راجل لأن ده مش دكر بط اي حد يخطفه ويعمل عليه شوربة ده راجل
خالتها _ باختلاف المسميات .. انتي موافقة تتجوزي الجوازة دي
زهرة بتبص في الأرض بتفتكر كلام بدر
عبير _ ما تردي عليهم يا زهرة موافقة علي الجوازة
زهرة _ آه يا ماما موافقة
كلهم بيبصوا بذهول وكأن اللي واقفة قدامهم واحدة تانية .. مها واقفة علي باب اوضتها سمعت الكلمة وشها اصفر وبلمت .. دخلت اوضتها وقفلت الباب تاني بمنتهي الهدوء
عبير بتبرق _ اااااه قولي كدا بقا
قولي ان دي كانت خطتك من الأول
فريد_ بس ياماما ايه اللي بتقوليه ده
عبير _ ده انتي طلعتي حرباااااية ياشيخة حسبي الله ونعم الوكيل فيكي
عاصم _ عبييييير .. مش عايز أسمع صوت تاني اكتمي
زهرة _ انا داخلة أنام شوية ياجماعة عشان منمتش من امبارح وانا أصلا تعبانة .. عن اذنكو
سابتهم زهرة ودخلت علي اوضتها تنام
بعد ساعة
بدر طالع على السلم في بيت ابو زهرة عمال يفكر في كل حاجة بتحصل واللي هيحصل اول ما يدخل عندهم البيت .. وقف قدام باب الشقة مش عارف هل يخبط ولا ياخد بعضه وينزل تاني .. وقف قدام الباب
في نفس الوقت
زهرة في اوضتها غطسانه في النوم من التعب سواء تعب الحاډثة او تعب الإچهاض او تعب قلة النوم .. مها بتفتح باب الأوضة وبتدخل عليها بتتسحب
بتبص عليها وهي نايمة وبتطلع من جيبها سکينة صغيرة
مها بصوت واطي _ قديما قالوا كل شئ متاح في الحب والحړب وقالوا
بردو من الحب ما قتل
انا آسفة يا زهرة بس مش انا اللي هتسمحلك تاخدي منها خطيبها بالطريقة دي واقف اسقفلكو وتقولولي عقبالك
مش كفاية عليكي انك خدتي حب ابويا كل السنين دي ومكانش شايفنا بسببك جاية دلوقتي وعايزة تاخدي خطيبي كمان واسكت عشان اختي ده على چثتي يازهرة
رفعت ايديها وغرزت السکينة في ضهر زهرة
صړخت زهرة صړخة سمعها البيت كله
