روايه رائعه الكاتبه عبير سليم
مش حيطلع
علالا يطلع فين كل سنه وانتى طيبه ده حيفضل ياحبيبي فى المحل لحد السحور
حياةالله يعينه ويقويه بس هو مش معاه واحد بيساعده
علابردو ياحياة مينفعش انتى عارفه طلبات الناس بتبقى
كتير فى رمضان
حياةربنا معاه
كان اسر يتحدث الى نفسهاحمدك يارب واشكر فضلك انك نورت بصيرتى عمرى ماكنت حسامح نفسي لو كنت وجهتلها تهمه وعرفتها انى شاكك فيها
بس بردو انا مش حرتاح غير لمااعرف الحكايه من اساسها
ايه وايه حكاية هدير دى كمان
ولعبت اللعبه دى على حياة لصالح مين
ياترى مين اللى كاره حياة اوى كده وليه مصلحه انى اخرجها من حياتى
عزيز كل اللى يهمه الملف وبس ايه علاقته بحياة
دلوقتى مفيش قدامى غير احتمال من اتنين
هما دول اللى واحد فيهم عاوز يخرج حياة من حياتى
يااما شريف اللى نفسه يخرج حياة من حياتى وفى نفس الوقت ينتقم منى
يااما شيرين بس انا معرفش عنها حاجه خالص من وقت ماسيبنا بعض
واختفاءها ده بردو مش طبيعى معقوله تختفى بالشكل ده
ده انا قلت انها اكيد حتحاول تتصل بية تانى عشان نرجع لبعض
معقوله تكون اشتركت فى حاجه زى دى عشان حياة تخرج من حياتى وارجعلها تانة
وده سبب اختفاءها الفترة دى كلها
عالعموم انا من بكرة حبدا امسك الخيوط من اولها لازم اعرف مين اللى عمل كده ومصلحته ايه
وحسابه معايا حيكون عسير
بينما فى شقة شادى
دالياكل سنه وانتوا طيبين
هبهوانتى طيبه يا داليا
ثم تبكى
شادىطب ليه الدموع دى دلوقتى بس
هبهكان نفسي اوى كريم يكون معانا
ياحبيبي يااخويا حيقضى رمضان وهو فى السچن
شادىان شاء الله حيخرج ياهبه
وحنتلم كلنا مع بعض وحيشتغل معايا ونجوزوه بقى هو والبت دى
داليايارب ياشادى يارب
شادىطب قوليلي بقى حتسحرونى ايه
هبهداليا عامله حاحات حلوة اوى للسحور
شادىطب انا حقوم اريح شويه وصحونى على السحور
هبهماشي
داليا تجلس بجانبهاطمنينى ياهبه عاملين ايه مع بعض
هبهزى مانتى شايفه ياداليا الحمد لله والله كويس معايا
داليابت انتى حتشيلينى انتى مش فاهمه قصدى واللا ايه
هبهلا والله ياداليا احنا زى مااحنا
دالياماعشان انتى خايبه ومعملتيش اللى قلتلك عليه
هبهلا والله ياداليا انا عملت اللى قلتيلي عليه بس انا مش حفرض نفسي عليه
انا مش رخيصه كده ياداليا
داليايخرببيت سنينك رخيصه ايه بس انتى مراته ياهبله وهو جوزك
طب هو محاولش حتى يبوسك
هبهيبوسنى لا والمصحف ماحصل
داليامش معقوله هو اخويا ايه حكايته بالظبط لا انا كده حقلق عليه
هبهانتى مخك راح فين يابنتى اخوكى راجل وسيد الرجاله كلهم
بس انا عذراه ياداليا
هو اكيد مش قادر يلمسنى وانا فى وضعى ده
مفيش راجل بيقبل على كرامته حاجه زى دى
اكيد احساسه انه مش اول راجل فى حياتى اكيد مضايقه
افهمى ياداليا وارجوكى بقى متتكلميش معايا فى الموضوع ده تانى
دالياحبيبتى حقك علية انا مقصدش والله انا بس نفسي اطمن عليكم
هبهداليا انا مش طمعانه فى اكتر من اللى انا فيه كفاية علية الستر
شهد ياللا ياحبيبتى عشان تتسحرى
شهدمليش نفس ياماما
خديجهيعنى ايه ملكيش نفس حتصومى من غير سحور يابنتى
شهد ايوة ياماما
خديجهيعنى ينفع حالك ده بردو
لو جوزك وحشك روحيله يابنتى خدى بنتك وارجعى بيتك
شهد اروح ازاى وهو طلقنى ياماما
ومن يوم ماطلقنى وهو مفكرش مرة واحده يسال عنى ولاحتى عن بنته
خديجهلا ياحبيبتى جوزك كل يوم بيتصل يسال عن البنت بس انا اللى مبقوليكيش
فوقى يابنتى لنفسك انتى خسيتى النص ياضنايا والبيوت ياما بيحصل فيها
شهد وهى تبكىنش حيسامحنى ياماما
هو قاللى انه مش حيسامحنى
انا ازاى كنت غبيه كده ازاى اتسرعت واتهمته كده ازاى ازاى
جوزى برئ ياماما جوزى مش ممكن يخوننى ابدا
ايوة الصور لما شفتها تانى وفهمنى محمود كل حاجه افتكرت ياماما
افتكرت الصور دى لما اتصورناها سوا
وانا انا اللى كنت معاه فى الصور دى مش حد تانى
ولما رجعت الشقه ودورت على الصور ملقيتهاش ياماما ملقيتهاش يعنى الصور اتسرقت من البيت
واللى سرقها مرجعهاش
بس ليه ليه يحصل معانا كده مين اللى عاوز يخرببيتى كده
ده انا عمرى مااذيت حد ياماما عمرى مااذيت حد
وظلت تبكى بشده اه اه ياناما ضيعت جوزى منى خلاص
فريد راح منى ياماما
خديجهاهدى ياحبيبتى وصلي على النبي
هو بس عشان مضايق منك لكن فريد قلبه طيب وحيسامحك والله
فى صباح اول ايام شهر رمضان المبارك
شاديصباح الخير يا هبه عامله ايه النهارده
هبهصباح النور الحمدلله احسن والله
شادييعنى بقيتى احسن
هبهايوة والله احسن ربنا يخليك
شاديهى داليا صممت وراحت بردو
هبهمعلش ياشادى متزعلش منها هى مكنتش عاوزة تروح عشانك انت
بس مامتك والله اتحايلت عليها كتير تفطر معاهم النهارده وبصراحه كده انا اللى اقنعتها تروح عشان مامتك بس والله
شادي ليه كده ياهبه انا مكنتش عاوزها تروح هناك تانى
واللا انتى اللى ليكى مزاج انها تسيبلك البيت وتمشي
هبهانا انا عاوزاها تمشي ليه كده ياشادى ليه تقوللى كده
ده ربنا يعلم والله انها بحبها اد ايه
هو انا بقى لية مين غيرهابتكلم معاه ده انا معرفش لو داليا مكنتش عايشه معانا انا كنت عملت ايه
ثم تنزل الدموع من عينيها
شادىخلاص ياهبه متعيطيش انا مقصدش والله بس انتى عارفه انى مصمم ان داليا متروحش عند بابا تانى
هبههى رايحه عشان خاطر مامتك ياشادي مامتك ملهاش ذنب فى حاجه هى كانت مغلوبه على امرها ومينفعش داليا
تقطع علاقتها بيها مفيش اغلى من الام ياشادى ياريت ماما كانت عايشه وانا كنت قعدت تحت رجليها العمر كله
شاديخلاص ياهبه متضايقيش نفسك قوليلي عشان خاطرى
واللا انا مليش خاطر عندك
هبهخاطرك غالي عندي اوى ياشادى
شاديطب قوليلي بقى حتفطرينا ايه النهارده
هبهاللى انت عاوزه قوللى نفسك فى ايه وانا اعملهولك
شاديبقولك ايه مادامت داليا مش حتفطر معانا ايه رايك نخرج نفطر برة فى اى مكان
هبهبجد ياشادى
شاديايوة ياهبه بجد طبعا بصراحه احنا اتخنقنا من قعدة البيت ومش بنخرج خالص والمحل واخد كل وقتى بصي انتى اجهزى وانا قبل المغرب بساعه حطلعلك تكونى جاهزة ونفطر فى المكان اللى يريحك ونتمشى شويه ونعدى ناخد داليا واحنا راجعين
هبه تمام ياشادى
فى المستشفى
مالك وهو يتحدث لزوج المريضهواضح ان الادويه الكتيرة اللى اخدتها كانت مجرد مهدئات مش اكتر وبالتالى ضرتها اكتر مانفعتها وبدل ماتساعدها على الشفا زودت الحاله تعب لانها كانت بمجرد مابتسترد وعيها بترجع حالتها تسوء اكتر من الاول
الزوجهى اصلها كانت مرتبطه بالولد جدا ومقدرتش تستحمل مۏته
بس اللى عاوز اعرفه فى امل واللا مفيش
مالك اكيد في امل ان شاء الله والحمد لله انا اتعاملت مع حالات كتير زى المدام وبقت كويسه
وان شاء الله حتبقى زى الفل المهم انا محتاج شوية وقت
الزوجتمام مفيش مشكله خد الوقت اللى انت عاوزه المهم بثينه ترجع لعقلها
مالك ان شاء الله
خللى إيمانك وثقتك بالله كبيرة
يخرج الزوج بينما ينتظر مالك معها فى الحجرة وهو جالس امامها وهى نائمه لاتدرى بما يدور حولها
مالك وهو يتحدث اليهاربنا يكون فى عونك ويقدرنى انى اساعدك عشان تخرجى من المحنه دى على خير
بعد قليل تبدا بثينه فى استعادة وعيهااه دماغى مش قادرة
مالكتعبانه حسه بايه
بثينهدماغى راسى مش قادرة صداع جامد
مالكطب ممكن ترتاحى شويه
بثينهانا راحتى فى موتى انا مفيش حاجه حتريحنى غير انى اموت اناعاوزة اروحله عاوزة اموت زيه
مش عاوزة اعيش وهو مش عايش
ليه ليه يسيبنى ده انا مكنش لية غيره
اشمعنى انا اللى ابنى ېموت ماكل الناس ولادها عايشين
وبيكبروا قدامهم ليه ياخدوه منى ليه يروح
