وقعت فى شباكه
المحتويات
عايز اضيع لحظة تاني وانتي بعيدة عني
بجد يا امير ...انت بتحبني انا ... مش معقول
مسكت ايديها وبوستها وقولت
ليه يعني مش معقول ...هو انتي مش بتحبيني
هزت رأسها وهي پتبكي وقالت
ايوة انا بحبك ...حاولت انساك كتير بس مقدرتش يا أمير ...والله ما قدرت انت في روحي وفي قلبي
ابتسمت ...عظيم الموضوع اسهل مما تخيلت ...الغبية وقعت في الفخ ...افتكرت اني بحبها ...مغفلة !
مسكت ايديها وقولت
شهد احنا لازم نتجوز ....صحيح ماما هتعارض لأننا بالنسبالها زي الاخوات بس عايزين انا وانتي نقف في وشها عشان نتجوز ...وعشان نبقي لبعض ...انتي عايزة تبقي مراتي صح .
وسعت عيونها پصدمة وهزت رأسها وهي بتقول
ده كان حلمي الوحيد اني ابقي مراتك .
ودلوقتي هيبقي حقيقة بس اقفي معايا
معاك للنهاية يا امير
ابتسمت بإنتصار ...كده انا بدأت الخطة كويس اقنعتها اني بحبها ...فاضل اقنع ماما وده الاصعب ..عشان امي مستحيل تصدق اني ممكن احب شهد !!
.....
نعم انتوا اتجننتوا جواز ايه !
قالتها امي وهي متعصبة ...كانت بتبصلي بشك ...بعدت عيني عنها ...هي ذكية اووي وبنظرة واحدة ممكن تفهمني وتعرف خطتي
يا ماما صفية انا وامير بنحب بعض اووي ...ابوس ايديكي متقفيش في طريق سعادتنا
انتي مچنونة يا شهد عايزة تفهميني ان امير اللي كان بيكرهك امبارح حبك النهاردة!!!طب ازاي
مش مهم ازاي يا ماما صفية المهم انه حبني وعايز يتجوزني وده ابنك ...الا بقا لو مش عايزة ابنك يتجوز بنت الست اللي اتجوزت جوزك ...الا بقا لو بتفكري ان ليا ذنب في اللي عملته ماما
لو بتحبيني متقفيش في طريق سعادتنا ...انا بعشق امير ...ده فرصتي عشان اكون سعيدة
اعملوا اللي عايزينه
قالتها ماما بتعب
والخطوة التانية في خطتي نجحت ..صحيح الحب الاعمي ...بشوية كلام كدب قدرت اخلي شهد خاتم في صباعي...
مرت الايام وبنجهز لفرحنا انا وشهد صممنا اننا نعمل فرح علطول ...انا عارف ان امي شاكة فيا بس مش قادرة تتكلم عشان شهد ...في قبل الفرح بيومين جاتلي الأوضة
ممكن اتكلم معاك يا امير
اكيد يا ماما تفضلي
بصتلي وقالت
عايز ايه من شهد يا امير ...ليه بتلف حواليها بالطريقة دي ...
امير انت ايه في مخك انا عارفاك كويس ...انت پتكره شهد ...مستحيل تكون حبتها فجأة
الحب غريب يا ماما ...فجأة بيجي من غير استئذان....انا بحب شهد وهصونها متقلقيش .
قامت امي وقربت امي وقالت
ماشي يا بني هصدقك...
مسكت ايدي جامد وقالت بټهديد
بس أقسم بالله يا امير لو اذيت شهد لاقف انا في وشك وهنسي انك ابني فاهم !!
...........
يوم الفرح
اتفضلي يا عروسة برجلك اليمين
دخلت شهد وهي مكسوفة ...من حسن الحظ ان شقتنا بعيد اووي عن امي ...بكده اقدر انفذ خطتي بسهولة ...
اختفت ابتسامة شهد لما لقت سها قدامها بتبصلها بخبث ...قربت مني وحضنتني وقالت
مبروك يا حبيبي
بصتلنا شهد پصدمة فقولت بإبتسامة نصر
اعرفك يا شهودة دي سها تعرفيها اكيد وهي مراتي ....هتعيش معانا هنا !!!
يتبع
الجزء التاني بقلم سولييه نصار شكرا علي تفاعلكم السكر
دموعها نزلت وهي بتبصلي پصدمة ...للحظات حسيت بالذنب وانا بشوف كسرتها ...كنت عارف اني كسرتها وكنت قاصد ....حبيت ادوقها من نفس الكاس اللي داقته امي لما سړقت امها جوزها ...حبيت اكسرها ...وكان مفروض اكون مبسوط وانا شايف دموعها بس معرفش ليه قلبي كان واجعني...حسيت اني مخڼوق اووي معرفش ليه بس سيطرت علي نفسي وقررت اكمل للاخر ...
قربت شهد مني وهي بتقول بدموع
امير حبيبي انت اكيد بتهزر صح ...قول انك بتهزر...مستحيل تعمل فيا انا كده ...صح
زقيتها وانا بقسي قلبي وبقول
وليه مستحيل ..ليه ...هي مش امك عملت في امي كده ...مش حړقت قلبها
هزت راسها بذهول وهي بتقول
وانا ذنبي ايه يا امير ....ذنبي ايه انطق ....ليه تكسرني كده ليييه
عشان بنتها ....حظك يا شهد انك بنتها ...حظك انك من ډمها ...يبقي تستحقي الكره والذل والمعاملة دي
مسكتها من ايديها وقولت
سها مراتي ...زيها زيك بالضبط....وانتي مضطرة تقبلي يا شهد ....
بكت بس
متابعة القراءة
