حمل غير معروف بقلم مجهول
الجزء الاول
وقبل ما نبدا الحكايه اعرفكم بنفسي أنا ميار
متجوزه وجوزي مسافر وفي يوم كنت عند صاحبتي رقيه
رقيه
متعرفيش انتي وحشاني ازاي والله يابنتي
اي هو انتي كده عالطول بتغيبي واشوفك
كل فين وفين
ميار
اسكتي يا رقيه والله ما تعرفي اللي حصلي
بعد جوزي ما سافر وحماتي وعيالها قاعدين
عندي وعامله اخدم فيهم كلهم
رقيه
الله يكون في عونك والله يا بنتي مش عارفه
انتي هتستحملي اي ولا اي
ميار
رقيه انا جايه وعايزه منك خدمه ويا ريت ما تكسفنيش فيها
رقيه
اخص عليكي يا ميار هو انتي عارفه ان انا اقدر اقولك انتي بالذات لا على حد
ميار
ربنا يخليكي يا حبيبتي انا كنت محتاجه شغل وعارفه ان جوزك عنده ورشه صغيره كده ينفع انزل اشتغل فيها
رقيه
على عيني والله يا حبيبتي اني اقولك لا على حاجه بس انت عارفه ان الورشه صغيره جدا وانا واخواته اللي شغالين فيها واللي بتجيبه يا دوبك بنقسمه على بعضنا
ميار
ربنا يوسع رزقكم يا حبيبتي خلاص انا هنزل ادور على شغل في اي مكان اصل بصراحه مكنتش حابه اشتغل بره
رقيه
ربنا معاكي يا حبيبتي لو احتجتي فلوس سلف او اي حاجه تعاليلي على طول
ميار
ربنا يخليكي يا حبيبتي ده العشم برضه
وبعدها مشيت وخرج يحيي
يحيي
ايه الكلام اللي انتي قولتيه ده ما انتي عارفه ان احنا بندور على بنت تشطيب وان كنت خليتيها تيجي تشتغل معانا وخلاص
رقيه
دي بالذات لا يا يحيى عشان كنت عارفه ان عينك منها زمان
يحيي
بطلي الكلام الغريب اللي انتي بتقوليه ده بقى خلاص انا بقيت راجل عاقل
رقيه
مش هحط الڼار جب البنزين وفي الاخر
هقعد اعيط قولت لا يعني لا يا يحيي
وبعدها دخلت الاوضه وفي شقتي
دخلت لقيت اخوات جوزي قاعدين بيكلوا
اسماء
تسلم ايدك يا بت يا ميار الاكل طعمه يجنن قوي تعالي اقعدي كلي بس معلش بقى يا حبيبتي خلصنا الفراخ
ميار
مين اللي قالك يا اسماء تعملي الاكل ده النهارده احنا قلنا النهارده هناكل اي حاجه علشان خاطر انا عازمه ماما عندي على الاكل بكره وخرجت حماتي وقالت
حماتي
انا يا حبيبتي قولت ليهم يعملوا الاكل امك ايه دي بقى ان شاء الله اللي عامله لها محشي وفراخ
ميار
يا حماتي انتي عارفه ان ماما بتيجي عندي في السنه مره ايه المشكله اني اعملها اكل
كويس
حماتي
فلوس يا ابني يا حبيبتي وانا حره فيها اعمل فيها اللي انا عايزاه واخلصي بقى علشان في مواعين كثيره جوه عايزه تتغسل
ميار
اعملي حسابك ان انا هنزل بكره شغل يا حماتي
حماتي
وانا مالي يا حبيبتي عندك جوزك روحي اتصلي بيه واستاذنيه واعملي اللي انتي عايزاه. بعدها
دخلت الاوضه وفضلت اعيط واسماء وقفت
جم امها وقالت
اسماء
هو انت موافقه يا ماما على موضوع شغلها ولا ايه امال مين اللي هيروق الشقه بقى
ان شاء الله
الحما
خليها بنت تنزل تشتغل حتى تجيب قرشين اخوك ما
بقاش يبعت فلوس كفايه
اسماء
يا ماما ده الفلوس اللي فاتت اللي جابها جبتي بيها كلها ده
الحما
تعرفي تسكتي انتي مش عايزه اسمعلك صوت خالص اخلصي يلا وريني الطبق اللي هناك ده
وفي شقه يحيي كان قاعد هو وإخواته
سمر
بصراحه مش لاقيه اي بنت توافق على المرتب اللي انت بتقول عليه ده طب زوده شويه يا يحيى
يحيي
منين بس يا بنتي ما انتي عارفه الظروف عامله ازاي
رقيه
خلاص يا يحيى هتصل بميار عشان تنزل الشغل بس عارف طول ما هي موجوده لو شفتك هناك هعمل ايه
يحيي
يا حبيبتي انتي عارفه ان عمري ما كان في القلب غيرك اتصلي بيها بس وشوفيها هتوافي على المرتب ده ولا هتقولك حاجه
رقيه
طبعا هتوافق هي كانت لاقيه شغل اساسا علشان خاطر تتنك وبعدها اتصلت بيا
ازيك يا ميار يا حبيبتي عامله ايه ايه مال صوتك عماله ټعيطي ليه كده
ميار
مخنوقه قوي من حماتي ما تعرفيش انا عامله ازاي بجد ربنا يهديها
رقيه
اسمعي يا حبيبتي انا قعدت افكر ما بيني وما بين نفسي وقولت لا حرام اسيبك تشتغلي عند حد بره انزلي الشغل بكره وربنا ييسرها يا رب
ميار
انتي بتتكلمي بجد والله العظيم ما تعرفي يا رقيه
