امراه من ڼار بقلم مرفت
وبالمساء عاد لمنزله ليجد بانتظاره عند الجد حسن وحسين ولاد خاله جايبين ورد وشيكولاتة وبيتكلمو مع الجد وبيضحكو
دخل عدي وهو مستغرب والقضول هايق. تله لمعرفة سبب زيارتهم
سلمو عليه وقامو وانصرفو وقال حسن للجد_ لازم نمشي عشان عندنا مناقصة بكرة باسكندرية وبانتظار ردك وابقى فهم عدي
حسين_ معلش ياعدي احنابقالنا كتير مع جدو وعندنا شغل وهوهايفهمك سلام عليكم
وانصرفا وسط ذهول عدي
الي قبل ماينطق الجد قاله_قبل ماتتكلم انا هشرحلك بس نتغدا سوا الاول احسن حلا طبخت وعاوزاني ادوق واحنا هنحتاج رأي محايد زيك كدة
حبيبة قالتله لسة بنحضر وقبل ماناكل ولاد خالك شرفو
حلا وهي بتحضر الاكل_ عيب يابيبة
عدي كان باين عليه الارهاق والزعل
الجد قاله_ مالك يابني وكنت فين انت ومراتك بعد الفجر شوفتكم وانا رايح المسجد
عدي_ انا طلقت عبير
حلا_ ياساتر ليه كدة
عدي_ نصيب
الجد_ لأ اكيد حصل حاجة
عدي_ بعد الاكلة الجامدة دي نشرب الشاي واقولكم
حبيبة_ داخل على طمع يامعلم بتسبق بالشاي طب هاتلنا بسبوسة ولاجاتوه عشان. نحتقل
حلا ضحكت وقالت_ المهم الاكل عجبه
حبيبة_انتي لو طابخة ميةساقعة هاتعجبه
ضړبتها حلا بمزاح
فنظر عدي اليها وسرح وهي تمازح اختها حتى انه مكانش سامع كلامهم
الجد قاله_ عدي مالك
حبيبة_ ياعيني دة اټصدم
ضحكو كلهم واثناء شرب الشاي قص عليهم. عدي كل الي حصل
الجد_ لاحول ولاقوة الابالله امك دي مريضة ياابني
حلا_ ربنا يعوضك خير وتصرفك معاها بعد الطلاق موقف رجولي منك
عدي_ مهما كان هي ست ولوحدها احنا اتربينا على كدة تسمح بقى ياجدو تريحني وتقولي ولاد خالي عاوزين ايه
الجد_…….
دخلت نورا سلمت على الجميع وقالت_ خير ياجدو في حاجة
الجد_ متقدملك عريس
نورا_ مين
عدي_ حسن ابن خالك
الجد_ وحسين متقدم لحلا
نورا بسعادة_ الله هانبقى سوا في كل حاجه
عدي_ يعني انتي موافقه
نورا بخجل_ الي تشوفه ياعدي
الجد_ الي تشوفيه انتي دي حياتك
نورا وشها احمر وقالت_ هو انسان كويس ومهندس وطموح بس استخير الأول وارد عليكم
الجد_ تمام بس القبول باين عليكي
بصت في الارض وابتسمت_ متحرجنيش ياجدو
عدي_ وانتي ياحلا ساكتة ليه ايه رئيك
حلا_ انا مش هاتجوز دلوقتي
الحد_ يعني ايه رافضة
حلا_ لأ مش رافضة
عدي بلهفة_ يعني موافقة
حلا_ لأ برضه
نورا_ فهمينا طيب
حلا_ مش هافكر اتخطب او اتجوز الا بعد مااخلص دراستي
عدي تنهد براحة والجد_ دة قرارك طبعا
عدي_ عين العقل
نورا_ ايوة ممكن تتخطبي لحد متخلصي دراسه
