نوري فى ظلمه الحياه بقلم نشوه
ده درس يعلمك انك بعد كده متثقيش فى اى حد مهما كان قريب منك النوايا مش بتتشاف ومش اى حد قالك بحبك صادق بس ده مش معناه ان كل الناس كده فيه ناس كويسة كتير وافعالهم اللى بتثبت ده
سلمى اكيد بس انا صعبان عليا دكتور انيس اوى يا ماما مكنش يستاهل يحصل فيه كده ابدا
قمر ربنا يرحمه ويسكنه فسيح جناته ويجازيه خير عن ما فعله معاكى
خرجت سلمى وندهت ع زياد اللى دخل وسلم ع قمر حمدالله ع سلامتك يا طنط
قمرالله يسلمك يا ابنى ربنا يحفظك وشكرا من قلبى ع اللى عملته عشانى انا وبنتى جميلك ده دين برقبتى عمرى ما هنساه
زياد لا طبعا متقوليش كده انا معملتش الا واجبى وبس
ابتسم زياد وقال دكتور انيس حكالى حكاية سلمى من اول يوم جات فيه عندنا ع الفيلا لما اټقتل دكتور انيس وبعدها حصل هجوم ع الفيلا حسيت ان سلمى المقصودة عشان كده اخدت قرار انى اعمل العملية فى اقرب وقت لكن هما سبقونى بخطوة ولحسن الحظ ان هما مفكروش بالفون بتاعها ومن هنا الظابط قدر يحدد موقعها وبعدها هى قدرت تكلمنى والحمدلله قدرت اوصل بالوقت المناسب
زياد صدقينى انا معملتش اى حاجة ومفيش مشاكل ولا اى حاجة هتإذيكم بعد كده
سلمى استاذ زياد اناااا............
زياد ممكن نرفع الالقاب وبلاش استاذ زياد دى ده احنا عشرة يعنى
زياد بالعكس وجودك كان سبب انه يرجعلى حياتى بدون ما تاخدى بالك رجعتى لونتى حياتى من جديد
سلمى بعدم فهم مش فاهمة تقصد ايه!
زياد وهو بيفرك ايده بشعره مش مهم المهم شكرا انك كنتى بحياتى
زياد طب ينفع اوفرلكم انا الشقة وكمان محتاج ليكى تشتغلى معايا
سلمى اشتغل معاك فى ايه انا ممرضة بس حضرتك مش دكتور هشتغل معاك ازاى
زياد انتى عارفة انى كاتب ودى مش مجرد هواية دى شغلتى اصلا انا عندى كذا قناة ع اليوتيوب طبعا انتى عارفة ان الفيديوهات دى المشاهدات بتاعتها بتجيب فلوس كتير وخصوصا ان القنوات فيها مشتركين كتير كمان
زياد انتى صوتك ناعم ودافى وهيكون مميز جدا فى الفيديوهات بتاعتى وصدقينى مكسبك هيكون كويس جدا واحسن من شغل التمريض كمان قولتى ايه
سلمى ايوة بس يعنى انا مش بفهم فى الكلام ده خالص
زياد مټخافيش انا كده كده معاكى
قمر وانا هكون مطمنة عليكى اكتر وانتى معاه
سلمى خلاص موافقة
تعدى فترة ويزيد التقارب بين زياد وسلمى وترجع نادية من السفر بعد العملية ما نجحت ويقرر زياد يعمل حفلة كبيرة ليها ودعى ليها قمر اللى اتعرفت ع نادية واتصاحبت عليها
نادية حقيقى انا مبسوطة انى اتعرفت عليكى يا مدام قمر دلوقتى عرفت البشاشة اللى فى سلمى دى من مين
قمر تسلمى يارب
نادية انا مطمنتش على ابنى الا معاها كنت متأكدة ان هى الوحيدة اللى هتخلى بالها منه فى غيابى وكمان كانت سبب فى حاجة عجزت انا عنها بقالى سنين اقنعته يعمل العملية ويرجعله نظره ورجعته ع الحياة من جديد
قمر هو ابن حلال ويستاهل كل خير ونعم التربية
نادية تسلميلى
وفى يوم وهما بيعملوا التصوير كان حوار رومانسى بين البطل والبطلة واللى كانوا ع اسمائهم
زياد انا فعلا رجعتلى حياتى من جديد من يوم ما عرفتك انتى رجعتى الفرحة والضحكة ع حياتى
سلمى وانت كمان كنت دعوتى الثابتة اللى اخيرا ربنا حققها ليا
زياد انا بحبك يا سلمى
سلمى وانا بحبك كمان
زياد تتجوزيني
اتسعت عيون سلمى پصدمة وقالت احم هو ده مش فى الحوار اقول ايه!
زياد ده مش حوار ده اللى فى قلبى انا بجد ليكى تتجوزينى!
سلمى پصدمة مش عارفة انت فاجئتنى انا هو انت يعنى
زياد بصوت عالى بحبببببببك وعاوز اتجوزك
سلمى انت مچنون
زياد اه بيكى
سلمى بضحكة موافقة يا مجنونى موافقة
وبكده توتة توتة خلصت الحدوتة
