روايه بنت اكابركامله بقلم مريم محمد

الفيلا مع جاسر وآسيا
ف جاسر أصر على أنهم يظلوا معهم ولو حتة فترة قليلة
بعد مرور أسبوع
آسيا يا جاسر مينفعش البس الفستان ده انا مش عروسة يا حبيبي
جاسر لأ عروسة يا حبيبتي واحلى عروسة كمان وبعدين انتي ناسية كنتي عاملة ازاي يوم فرحنا!
انا عايزك النهاردة تبقى مبسوطة بجد وتعملي كل اللي نفسك فيه
بس بحدود يا قلبي يعني الفستان هيبقى على ذوقك بس مش ضيق

وبلاش ميك اب لأنك قمر من غير اي حاجة
آسيا بأمارة شعري اللي شديته أول ما شوفتني 
جاسر ماهو بصراحة جميل أوي


آسيا بإبتسامة مش أجمل منك يا حبيبي.. عايزة اقولك إنك سبب الإبتسامة اللي على وشي دلوقتي
جاسر وانتي كمان سبب في كل حاجة حلوة في حياتي.. وبالذات قلبي اللي مش قادر يبعد عنك ثانية
وبيدق ويقول بحبككككك يا اسياااااا
آسيا بضحك طب وطى صوتك
جاسر اوطي صوتي ليه مادام بقول احلى كلمة في حياتي كلها
وهي انتي يا كل حياتي
آسيا بدموع يا ترى هيبقى عندنا خديجة ومريم ولا لأ!
جاسر وهو يحتضنها بحب هيبقى عندنا مريم وخديجة وآسيا الصغيرة
وكل اللي انتي عايزه.. بس انتي خلي عندك امل ويقين في ربنا يا روح قلبي
آسيا ونعم بالله
جاسر يلا بقى عشان اعملك احسن فرح في الدنيا كلها
وذهبت اسيا إلى المكان الذي ستجهز به ومعها شيري وباقي بنات العيلة وكانوا فرحانين أوي
وبدأت اسيا في تجهيز نفسها وباقي البنات
بعد مرور بعض الوقت
شيري وهي تزغرط لولولولوي.. الف مبروك يا روح قلبي.. والله فرحتي بيكي ملهاش وصف
آسيا بسعادة الله يبارك فيكي يا أجمل شيري
وبارك لها باقي البنات مع ارتفاع الزغاريط في المكان بأكمله
وجاء جاسر وباقي العيلة وأخذوا اسيا وباقي البنات
وذهبوا إلى يخت كبير في منتصف البحر وكان مزين بطريقة شيك أوي
ومكتوب عليه جاسر وآسيا بداخل قلب شكله حلو أوي
آسيا بفرحة انت عملت كل الحاجات دي عشاني!
جاسر هو انتي لسة شوفتي حاجة
ده احنا لسة بنقول بسم الله
وجلسوا في اليخت مع تشغيل الأغاني ورقص جاسر وآسيا وسعادة الجميع بهم
كان الجميع سعيد لسعادة جاسر وآسيا
جاسر بغمزة بس ايه الحلاوة دي كلها
آسيا بتكسف على فكرة
جاسر مفيش مشاكل بس ده ما يمنعش إنك حلوة اوي اوي



آسيا ميرسي
جاسر ميرسي سادة كدة!
اسيا اومال اقولها ازاي يعني!
جاسر بغمزة لأ مش دلوقتي لما الجماعة دول يمشوا هقولك ازاي يا حبي
آسيا بضحك مش فاهمة
جاسر بضحك يا شيخة
اسيا طب بطل بقى عشان عيب كدة
جاسر بقى ده عيب!
وظلوا يتحدثون وكانوا فرحانين اوي
وانتهى الفرح وذهب الجميع
وأخذ جاسر اسيا وعاشوا حياتهم في حب وغرام وكانت حياتهم مليئة بالحنان
وذهب جاسر إلى المخزن الذي به جهاد وامرها بأن تسافر إلى الخارج ولا تعود م جديد وبالفعل سافرت ولم تعد وسلم هؤلاء الرجال للشرطة بعد أن ادبهم على ما فعلوه بهم
بعد مرور 8 سنوات
آسيا بضحك والله يا حبيبي انا عملت البيتزا صح بس مش عارفة العيب في مين
جاسر العيب فيا انا
آسيا صدقني انا دخلت العجينة الفرن وخرجت اجهز حاجة تاني رجعت لقيت الفرن مطفي ومش عارفة حصل كدة ازاي
مريم وخديجة بضحك إحنا اللي طفينا الفرن يا مامي 
آسيا والله وبتقولوها في وشي كدة عادي!
جاسر وفيها ايه يعني.. براحتكم يا حبايبي اعملوا اللي انتوا عايزينه
آسيا نعم يا عنيااااا
جاسر في إيه انتي هتردحيلي قدام البنات ولا إيه
مريم بضحك مامي بابي بيكلم بنت ويقولها انها قلبه التاني.. وهيجبلها شيكولاتة لما يشوفها
آسيا الكلام ده صح يا جاسر!

جاسر بضحك كنت بكلم نورسين بنت فارس والله
خديجة ده مش بس كدة يامامي ده في حاجات تانية كتير أوي 
جاسر بضحك اطلعوا برا شكلكم كدة عايزين تتربوا من أول وجديد
والله ما حصل حاجة من ده كله
آسيا بضحك ما انا عارفة.. هو انا لو مش عارفة هسيبك كدة!
عز ابنهم الصغير خالص انا عايز بوسة زي بتاعة مامي 
جاسر هما دول عيالك ولا جيباهم منين 
آسيا دلوقتي بقوا عيالي!
عز يلا يا بابي بدل ما اروح واقول لجدو برا 
حمله جاسر بحب ثم قبله في خدوده وهو يقول وربنا انا مكنتش كدة وانا صغير.. انا كنت محترم 
آسيا طب يلا يا حبيبي عشان إحنا خارجين وهنروح السينما سوا إحنا وكل العيلة
جاسر ماشي يا حبيبتي
بعد شوية
ذهب الجميع الي السينما لحتى يشاهدوا احد الأفلام العائلية مع بعضهم البعض
جلس الجميع وجلست اسيا بجانب جاسر وكانت تضع رأسها على كتفه وتضع يديها في يديه بحب
مريم وخديجة وعز بضحك بيحبوا بعض أوي وإحنا ثمرة حبهم زي ما قالولنا.. اوعوا يكونوا بيتفقوا يجيبوا ثمرة جديدة تونسنا 
جاسر بضحك عيالك دول طلعوا قرود زيك تفكيرهم ماشاء الله 
آسيا عارف ايه احسن حاجة حصلت بجد يا جاسر!
جاسر إيه يا روح قلبي
آسيا إن العيلة متجمعة في مكان واحد وكلنا مع بعض ومتجمعين في كل الأوقات

جاسر بغمزة وانا نفسي نتجمع تاني في نفس اليخت ده
آسيا بطل يا حبيبي عشان الولاد بيسمعوا من غير ما تحس 
نظرت آسيا إلى عيون جاسر بعشق قائلة له وعينيك إذا نظرت إليهم اكتفي بهم وعندما المس يديك أشعر بأمان العالم بأكمله.. وعندما احتضنك اشعر بالطمأنينة ف انت الأمان والحب والحنان وكل شئ فيه سلام 
جاسر بحب وملامحك البريئة تجعلني اعشق النظر إليك دول ملل وابتسامتك تشعرني بالسعادة وتجعلني انسى كل شئ سئ..وعندما اقترب واضع يدي على قلبك أشعر به وهو يقول لقد خلقت تلك النبضات من أجل أن تنبض لك انت فقط
________تمت بحمدالله___