طفله الفهد بقلم دعاء حجاج
المحتويات
فرحانه آخره دلعك فيها وحبك الزايد شوفتي وصلنا لفين
قعدت على الكرسي وحطت أيدها على دماغها وقالت كنت عايزنى اعمل اي البت بتحب فهد افهم بقااا بنتك بټموت في فهد
_طب انا عايز افهم اي دخل جمال في حبها لفهد
قامت وقالت فهد طلع متجوز
_
_ايوه طلع متجوز
فاق من الصدمه وقال عرفتي الكلام ده منين
_شيري قالتلى كل حاجه وقلبها كان مكسور بس هي قالت إن فهد مش بيحب البت اللى اتجوزها ولكن هي بتحبو
_اتجوزها عشان يتيمه وشيري قالتلى أنه هيسبها لما تتم ال١٨
_مش هيسبها عارفه ليه عشان هيحبها وبنتنا كده هضيع مننا ده مجنونه مستعده ټموت نفسها عشان فهد
_طب نعمل اي طيب
_مفيش الا حل واحد
_حل اي
_شيري لازم ترجع لأن وجودها هناك خطړ عليها يعنى لو فعلا فهد حب البت اللى متجوزها بنتك ھتموت نفسها
خد الجاكيت وقال انا مبقتش عارف اعمل اي انا طالع برا شويه
والده شيري قعدت تانى وقالت شيري فعلا لازم ترجع بس من غير ما تعرف بس ده ازاى
في البار
للاسف مالك رجع زي الاول ويمكن أسوأ
_مالك بيه اعتقد كفايه كده حضرتك شربت كتير
_روح هات مشروب كمان ٠٠٠٠٠مالك كان بيبشرب ومكنش واعى لنفسه خالص
_طب هنعمل اي سمعت أن فهد مش هنا سافر الامارات
وفجاه مالك رمي الكوبايه على الأرض وقال بعصبية ليه عملتى كده ليه
_هو بيتكلم عن مين
_مش عارف اعتقد حبيبتوا
مالك قعد على الأرض وماسك ازازه الخمره وقعد يشرب وفجاه اتخيل سمر
_انا فرحانه بحالتك ده اوى
مالك كان بيحاول يقوم لكن مقدرش
_كنت مفكره انك هتتغير بعد اللى حصل مش قولتلك الۏسخ عمره ما هيتغير مهما حصل
_غصب عنى مش قادر عارفه انا اول مره اتعلق بحد كده
_اللى بتعملوا في نفسك ده غلط
_طب مش هعمل كده تانى بس ترجعى
سمر ابتسمت وهزت رأسها وقالت حاااضر
مالك سند على الحيطه وقام بالعافيه وقال بصوت عالى سمر ٠٠٠سمر
_سمر مين
مالك مسك في هدومه وقال سمر فين كانت موجوده دلوقتى
_مالك بيه مفيش حد هنا غيرك محدش بيجى بدري كده
مالك زقوا وقال كانت هناااا يدوب غمضت عيني وفتحتها مالقتهاش
مالك اتحول إلى مچنون وقعد يكسر في كل حاجه
_حضرتك مينفعش كده
مالك مردش عليا وقعد يكسر الكراسي ومكنش في واعيه خالص
_رن على البوليس فورا
بالفعل طلع التليفون ورن على البوليس
مالك اعااااااا ٠٠٠٠٠٠وفجاه وقع على الأرض والدموع نزلت من عينه
في قصر الكيلانى
_بتول
_نعم يا ماما
_مالك فين يا بنتى
_كان بيسال على سمر وطلع برا مش عارفه راح فين
_ويا تري الخانم راحت فين بدري كده
_ماما انا مش عارفه حضرتك بتعملى كده ليه والله سمر عسل _دمرت حياه ابنى ما انتى عارفه ان مالك مكنش عايزها
_بس سمر مالهاش ذنب فهد اللى جوزهم لبعض
_وانا بردو مش عارفه ليه فهد عمل كده
_يمكن عارف حاجه احنا منعرفهاش
_انتى لبسه كده ورايحه فين
_الجامعه طبعاا يلا سلام عشان اتاخرت
_خدي بالك من نفسك
_حاااضر ٠٠٠٠٠٠وفجاه التليفون زينب رن
_الووو
_ماما
زينب بفرحه فهد اخبارك اي يا حبيبي
_الحمدلله يا ماما انتى اي اخبارك ومالك وبتول وشيري
_كلنا بخير انت اي اخبارك وزينه وهترجعوا امتى
_هنرجع بكره باذن الله
_باذن الله يا حبيبي القصر وحش اوى من غير زينه
فهد رفع حاجب وقال وعادي من غيري
_انت غيران ولا اي
_لا طبعاا بس كلامك غريب شويه
_لما اقول القصر وحش من غير زينه يبقا اقصد انتوا الاتنين
فهد باستغراب إزاي
_مش انت وزينه واحد ولا انا غلطانه
فهد ابتسم وقال بالامبالاه طبعااا
_اي
_احم ولا حاجه انا هقفل تمام
_خد بالك من نفسك
_يبقي قولى للطايش يرن عليا
زينب بابتسامه حاضر ٠٠٠٠٠٠ فهد قفل التليفون وبص لزينه اللى كانت شبه الملايكه وهي نايمه
فهد فتح الباب وقفلوا ورا ورن على تيم
_عايزك هكون مستنيك تحت في الكافتريا
في البار
_تعالى يا بيه والله كسر كل حاجه
محمود دخل واتفاجا انه مالك
_مالك انت بتعمل اي هنا
مالك مكنش شايف اوى وقال بتقطع م ح م و د
محمود سند مالك وقال خالتى لو عرفت هتزعل اوى
_محمود ما تاخدني السچن يمكن ارتاح
محمود ابتسم وقال ترتاح ده انت هتتروق ٠٠٠٠٠٠٠محمود قعد مالك على كرسي وقال في هنا ليمون
_ايوه يا بيه
_طب هات كوبايه ليمون لو سمحت وانت فوق كده عشان حالتك وحشه اوى
بعد شويه جاب فعلا كوبايه ليمون ومحمود مسك منه الكوبايه وقال لمالك اشرب الكوبايه ده عشان تفوق
مالك خد منه بالفعل وشربها وقال ده مش مشروب ده ليمون
_بجد تصدق نسيت اقولهم هاتوا خمره للاستاذ
محمود بعصبية مالك فوق كده عشان مش عايز اتصرف معاك تصرف وحش
بعد مرور ربع ساعه تقريبا مالك اخيراا فاق لنفسه وقال انا اسف تعبتك معايا
محمود حط ايدو على كتف مالك وقال
متابعة القراءة
