روايه جوزي بيكرهني كامله

الفصل الاول
جوزي بيكرهني او بالاصح مش بيحترمني
سالم __انتي يا متخلفه يلا هنتاخر علي الدكتور اسمعيني عارفه لو طلعتي مبتخلفيش هطلقك واجوز مش كفايه مستحمل قرفك وزنك 
بصتله ببرود ما ده بقي الطبيعي بتاعه 
روحنا للدكتور وانا بدعي بقلبي ان انا اطلع بخلف مش عشانه لا عشان انا نفسي ابقي ام 
الدكتور _احنا عملنا التحاليل ليكو انتم الاتنين 

غمضت عيني ودموهي نزلت وانا بسمعه بيقول للاسف يا مدام حبيبه انتي مش بتخلفي
جوزي قام زي ما يكون اتكهرب وزعق وقال وكمان معيوبه لا كملت انتي طالق يا استاذه جتك قرف في شكلك فاشله في كل حاجه حتي دي
قلبي اتكسر مېت حته اذا كان من الخبر او من التصرف اللي سالم عمله ده حتي محترمش مشاعري قدام الدكتور اتحرجت جامد ووطيت راسي لان كل ده حصل والدكتور قاعد بصتله لقيته بيبصلي بعدين بص نحيه تانيه لما بصتله
حطيت ايدي علي وشي وفضلت اعيط بصوت عالي يعني انا مش هبقي ام محدش هيلعب معايا محدش هيزعجني مش هيتفالي ماما قلبي بيوجعني جامد
كنت قاعد ببصلها بحزن عارف شعورها كويس لان نفس الموقف حصل معايابصيت ليها مش قادر استوعب ان في حد اهطل يسيب حد بالرقه والحنيه دي مدام حبيبه كانت مريضه عندي وبتكشف من زمان وكنت بشوف معاملتها لجوزها وقد ايه هي رقيقه استغفرت ربنا مينفعش افكر فيها كده قولتلها يا مدام حبيبه كل حاجه ليها علاج متزعليش بعدين ده اول تحليل احتمال يكون غلط جوزك هو اللي غلطان لانه طلقك من غير ما يفكر
بصتله بامل يعني بجد يا دكتور زكريا ممكن ابقي ام 
بصتلها قد ايه هي بريئه مش زعلانه غير انها مش هتبقي ام
زكريا _بصي احنا هنعمل تحليل تاني ونتاكد ولو طلع صح هنشوف علاج كل حاجه ليها حل باذن الله مټخافيش يعني ممكن تكوني محتاجه علاج بسيط او عمليه وهتبقي تمام
مسحت دموعي وقمت وابتسمت وقولتله تمام هعمل تحليل تاني
روحت بيت ماما ونمت من غير ما اكلمهم صحيت تاني يوم علي عياط ماما وهي بتقولي سالم اتجوز عليكي 
بصتلها بحزن