حارس ارض الشوق بقلم لارا

وقالتلهم حكاية خالد مع المقنع وخطيبته وكل حاجة لانها كانت قررت متحكيش لكن دلوقتى هى مضطرة...حتى احمد اتفاجىء لانه اول مرة يعرف ان لورا اللى وصلتهم لخالد هى لورا بنت امجد صاحبه
سيف ده كله كڈب علشان يوصلولك يا غبية..بس انا مصډوم فيكى انتى..سيبتى نفسك كدا عادى علشان قالك كلمتين...
خالد قرب من سيف پغضب لكن لورا وقفت ف وشه..

لورا بدموع خالد ارجوك امشى دلوقتى..ارجوووك
فعلا سابهم ومشي وهو هيتجنن..
لورا بعياط انت ازاى تشك فيا انا كدا يا سيف..ازاى ترفع ايدك عليا..
سيف پغضب انتى لسة مشوفتيش حاجة من غضبى
مسك تليفونها ورماه ف الارض اتكسر وشدها من ايدها طلعها اوضتها وقالها مش عايز اشوف وشك الفترة دى خالص لحد ما اشوف هنعمل ايه ف اللى حصل ده..ومهما امجد يمنعه لكن هو مش سامع حد
وقفل الباب ونزل لقي فريدة مغمى عليها..اتصلوا بالدكتور وطبعا قالهم انها تعبت بسبب قلبها اللى مش بيستحمل ضغط عصبى او نفسي..لورا فضلت ټعيط طوول اليوم ونامت وهى بټعيط..بالليل صحيت وفتحت الشباك وبصت لقت خالد قاعد تحت شباك اوضتها كالعادة..اول ما شافها شاورلها بحب..وهى شاورتله..قالها تنزل لكن قالتله ان سيف حپسها..دخلت لورا ودقيقتين وخالد لقي ملاية نازلة من الشباك ولورا نازلة عليها.. حاول يمنعها لكن هي نزلت بالراحة وهو مسكها..سابت لورا الملاية وخالد كان شايلها. .لورا بعدت عنه..وحطت ايدها على كام چرح ف وشه..
خالد باصطناع اه اه حاسبى..
لورا بدموع انا اسفة..
ضحك وقعدوا جمب بعض..خالد مسك ايد لورا وهى سندت على كتفه..
لورا وبعدين هنعمل ايه
خالد لازم اعرف مين اللى عمل الحركة دى
فضلوا يتكلموا كتير وفجاة نور الجنينة اشتغل وبصوا شافوا سيف واقف قدامهم پغضب..ومن غير ولا كلمة راح ناحيتهم وشد ايديهم من بعض واخد لورا ودخل..خالد دخل يجرى وراهم ولورا بټعيط..سيف دخل وزق لورا قدامه..خالد دخل لكن سيف وقف ف وشه..
خالد انا ساكتلك علشان خاطرها لكن اكتر من كدا هنسى انك اخوها وهوريك الوش التانى..
سيف لسة هيرد قاطعه امجد..
امجد استنى يا سيف..ادخل يا خالد..
فعلا دخل وراح ناحية لورا مسك ايدها واخدها وراح لأمجد..خالد واقف قدام امجد..
خالد انت تعرف ان لورا ممكن تعمل حاجة تكسر بيها ثقتكم..مش هقولك انك بتثق فيا..انت لو مش بتثق ف لورا اقټلها حالا وانا مش هتحرك من مكانى..لو انت عارف ان اللى حصل ده مش مجرد خدعة قڈرة من حد اقټلها واقټلنى انا كمان..
امجد انا واثق ف لورا وفيك انت كمان..
سيف هيتكلم لكن امجد شاورله يسكت..
امجد لكن الناس مش هتبص ان دى خدعة او لا..هما ما صدقوا لقوا حاجة ومسكوا فيها..تقدر تقولى هنعمل ايه دلوقتى
خالد سكت شوية وبعدها بص للورا..ورجع بص لامجد..
خالد انا عندى حل..
امجد بانتباه انا سامعك...
خالد انا ولورا هنتجوز..
الكلمة نزلت عليهم كلهم زى الصاعقة..لورا شدت ايدها من ايده پصدمة انت بتقول ايه
سيف انت اټجننت..انت فاكر انك كدا هتصلح الامور..ده انت كدا هتثبتها عليكم..
خالد بالعكس لما نقول اننا كان مكتوب كتابنا اصلا واننا كنا مخبيين الامر لاسباب شخصية مش من حق حد انه يعرفها واننا حان الوقت نقطع لسان اى حد بيتكلم عننا اعتقد ده سبب مقنع..
سيف پغضب انتو كدا بتاكدوا للناس انكم فى حاجة بينكم..
خالد بتحدى لانه فعلا فى حاجة بينا..انا ولورا بنحب بعض..
امجد وسيف اتصدموا ولورا بصت للارض..
خالد اللى حصل كان حيلة لكن ده ميمنعش ان الصور حقيقية..لكن انت شفتها من منظور تانى..
حكالهم خالد اللى حصل معاهم ف الرحلة ومناسبة كل صورة..
خالد انا قلتلكم اللى حصل ونقطة انكم تصدقوا او لا ده امر يرجعلكم..وبالنسبة للخدعة اللى حصلت دى فانا لازم هعرف مين عمل كدا وحاول يوقع بينا بالشكل ده..قلت ايه ف موضوع الجواز يا امجد باشا
امجد انتى ايه رايك يا لورا
لورا بصت لخالد پغضب انا مش موافقة ع الكلام ده..انا معملتش حاجة غلط علشان احاول اصلحها..ومش بيهمنى حد ولا كلام حد...انا مش هتجوز بالشكل ده..
سابتهم لورا وطلعت اوضتها..خالد استأذن وطلعلها..خبط..
لورا ادخل....دخل خالد..
لورا وقفت پغضب عايز ايه
خالد نفسي افهم معترضة ليه..كدا احنا هنخلى الكل يسكت وكمان هنكون سوا مش انتى بتحبينى..
لورا اه بحبك لكن مش دى الطريقة اللى اتمنيت نتجوز بيها ونكون سواا..لا يا خالد انا مش