السكرتيره الحسناء بقلم نهله ابو شهبه

في بيت اخوها وخناقات مراته معاها بقت عايشه في هدوء بس يا ترى هتفضل عايشه كده من غير ما تعمل حاجه مفيده
رجعت مدام أحلام الساعه المغرب وغيرت هدومها وقعدت تتعشا مع شهد 
أحلام ها يا حبيبتي عملتي ايه انهارده
شهد قعدت عالنت واتفرجت عالتليفزيون
أحلام طب فكرتي عايزه تعملي ايه
شهد آه فكرت
أحلام ها قولي
شهد انا عايزه اشتغل
أحلام تشتغلي
شهد ايوه يا طنط انا لازم اخرج للدنيا واشوف ناس وكمان اكسب فلوس
أحلام طب وعايزه تشتغلي ايه
شهد بصي يا طنط انا خريجة تجاره انجليش ومعايا كورسات كتير فمتهيألي سهل الاقي شغل
أحلام طيب سيبيني افكر وارد عليكي
شهد ربنا يخليكي ليه يا احلى خاله في لدنيا
وبعد اربع ايام الصبح كانت شهد قاعده بتتفرج عالتلفزيون رن تليفون البيت
شهد الو
أحلام كويس انك صاحيه
شهد خير يا طنط في حاجه
أحلام عندي ليكي خبر حلو اوي
شهد خير فرحيني
أحلام عايزاكي تقومي تلبسي البدله البيج اللي اشتريناها سوا وتحطي ميك اب رقيق وتجيلي الشركه اللي بشتغل فيها خلال ساعه
شهد طيب بس قوليلي فيه ايه
أحلام سكرتيرة المدير خدت اجازة وضع وانا

رشحتك تاخدي مكانها
شهد بجد طيب قوليلي العنوان
أحلام اركبي تاكسي وقوليله الشركه المتحده للتسويق العقاري
شهد خلاص استنيني انا جايه 
أحلام اوعي تتأخري
شهد لا طبعا باي
أحلام باي يا حبيبتي
وجريت شهد على الحمام خدت دش بسرعه ولبست البدله البيج وكان بنطلونها ضيق والجاكت قصير ولبست تحتيها بادي بني وشوز بني بكعب وشنطه صغيره بني
بس كانت متدايقه من شعرها مكنش بيتعمل اي حاجه غير انه يفضل مفرود ونازل كيرلي وتقيل جدا وهي كانت مش بتحبه بس مفيش وقت تروح للكوافير وحطت ميك اب خفيف ونزلت وركبت اول تاكسي.................................
في الشركه كان معتصم قاعد مدايق اوي عشان السكرتيره خدت اجازه وهو مش عارف يلاقي اي ورق محتاجه بس كان مستني السكرتيره اللي قالت عليها مدام أحلام مديرة العلاقات العامه وفضل مستنيها.................
بعد ساعه سمع معتصم خبطه على باب مكتبه واتفتح الباب ولقي مدام أحلام داخله وبتبتسم ووراها بنت صغيره اوي في السن وشعرها كتير اوي وعينيها واسعه وبريئه وكان وشها احمر من الكسوف
دخلت شهد ورا خالتها مكتب المدير ولقيت شاب ممكن يكون في اوائل التلاتينات قاعد على مكتب فخم جدا ولابس بدله رمادي فاتح وتحتها قميص اسود وبشرته سمرا وعينيه سودا بس واسعه اوي وشعره اسود وناعم وطويل ولقيته بيبصلها من فوق لتحت فادايقت جدا وكانت عايزه تجري من ادامه
أحلام صباح الخير يا معتصم 
معتصم صباح الخير يا مدام أحلام 
أحلام اقدملك شهد السكرتيره اللي كلمت حضرتك عنها
معتصم اتفضلي اقعدي يا شهد 
شهد صباح الخير يا فندم ومدت ايديها تسلم عليه ومسك ايديها جامد وهي حست بان جسمها كله بترعش وقعدت على الكرسي
معتصم اتفضلي حضرتك يا مدام أحلام 
أحلام عن اذنكوا
معتصم فضل يبص لشهد و شهد
عايزه تقوم من ادامه عشان شكله مقتنعش بيها
معتصم انتي اتخرجتي امتى
شهد الصيف اللي فات
معتصم يعني من شهرين
شهد ايوه
معتصم معاكي كورسات
شهد قدمتله ملف فيه كل الكورسات اللي خدتها وكمان التدريب بتاع الكليه
معتصم بص في الملف وضحكده انتي شكلك شاطره اوي
شهد حضرتك تقصد ايه
معتصم اصل بصراحه شكلك صغير اوي
شهد طب ما حضرتك صغير على انك تكون مدير شركه
معتصم معاكي حق بس انا مسكت الشركه بعد ما بابا تعب وبعد ما علمني كل حاجه
شهد انا مقصدش كده انا قصدي ان السن ملوش علاقه بقدرات الانسان
معتصم يعني انت قد الشغل معايا
شهد ان شاء الله
معتصم طب بصي انا هوافق انك تشتغلي شهرين تحت التدريب
شهد ضحكت جامد اوي وعينيها كانت بتلمع من السعادهان شاء الله هكون عند حسن ظن حضرتك
معتصم والمرتب في الفتره ده 3الاف جنيه
شهد اوكيه
معتصم تيجي بكره الساعه 7 ومدام أحلام هتفهمك نظام الشغل
شهد اوكيه عن اذن حضرتك 
وخرجت شهد وفضل معتصم يبص عليها وهو مش مصدق انه وافق يعين بنت ضغيره كده سكرتيره بس قعد يضحك عشان حس انها شخصيه قويه وعايزه تحقق حاجه في حياتها.. 
خرجت شهد من مكتب معتصم لقيت أحلام مستنياها انا اتعينت
أحلام بجد
شهد اه وكمان هيديني 3 الاف جنيه تخيلي
أحلام مبروك يا حبيبتي
شهد انا هآجي بكره الساعه 7 الصبح
أحلام طيب تعالي معايا اعرفك النظام ايه في الشركه وكمان اعرفك مكان الملفات والاوراق المهمه 
الحلقة