بعد الصبر جبر كامله بقلمRahma Mohamed
المحتويات
هتعملي كل حاجه بعد كده اكل جوزك وكل حاجه تخصه انتي هتعمليها كل يوم الصبح ما تقوميش من النوم غير لما هو يقوم وبالليل ما تناميش غير لما هو ينام ابني لو لقيته في يوم زعلان هيبقي اليوم ده اسود بالنسبالك..
شيماء بقلق
حاضر بس هو ده طبيعي يعني دي حياتنا انا وهو واحنا حرين فيها..
روحيه
ابني يمشي زي ما انا عايزه مش زي ما انتي عايزه..
حاضر وممكن اعرف انا دلوقتي هعمل ايه ولا امشي اروح اوضتي..
روحيه
هو مش جوزك صحي جهزيله الفطار ووديه ليه يفطر وبعدين انتو عرسان جداد يعني ما اشوفش وشك بره الاوضه غير لما هو يطلب منك تعمليله حاجه..
شيماء
حاضر بعد اذن حضرتك..
_ وراحت شيماء وجهزت الفطلر ودخلت لقيت احمد قاعد مدايق وحطتله الفطار وقالت..
اتفضل الفطار اهو حاجه تاني..
احمد
ما تزعليش يا شيماء بس انا قولتلك انا ما اقدرش اقول لماما علي حاجه لا..
شيماء
هي لو امك قالتلك تطلقني توافق وتطلقني ولا لا..
احمد
لا طبعا ماما مستحيل تطلب حاجه زي دي...
شيماء
لا والله وايه بقي اللي هيخليها ما تطلبش حاجه زي دي..
احمد
عشان انا هقولها ديما اني بحبك ومرتاح معاكي وامي بتحبني ومش هتبعد عني اي حاجه انا بحبها..
بجد انا مش عارفه امك هي كده يعني طبيعيه في حبها ليك بس علي العموم انا مش هعملها مشكله..
احمد
برافو عليكي يا حبيبتي انتي اسمعي كلامها وخلاص وبيني وبينك احنا حرين بقي..
شيماء
ماشي يا احمد يلا بقي نفطر ..
_ وبعد كام يوم راحت شهد اخت شيماء تزورها وكانو قاعدين مع بعض وشيماء قالت..
ايه اللي في وشك ده انتي حد مد ايده عليكي يا شهد..
شهد بدموع
مرات عمك دي مفتريه اووي بتخليني اعملها شغل البيت كله واي حاجه ما تعجبهاش تعدمني العافيه..
شيماء
انا هكلم احمد هخليه يجيبك تقعدي معانا هنا..
شهد
لا والنبي لاحسن عمك يعرف مرات عمك ايدها اهون بكتير من عمك. انتي ربنا ريحك منهم الهم والباقي عليا انا..
يا بت ما تخافيش جوز اختك كويس ومش هيردلي طلب..
شهد
المهم طمنيني عليكي يا حبيبتي انتي كويسه حماتك وجوزك شكلهم كويسين معاكي مش كده..
شيماء بضيق
هو احمد كويس المشكله كلها في حماتي تحسيها مش طبيعيه مغروره اوووي وبتحب ابنها بطريقه مش طبيعيه حتي احمد عيبه الوحيد انه ما عندوش شخصيه مع امه خالص مهما عملت او قالت مش بيقولها غير حاضر ونعم والمفروض انا زيه اقول حاضر ونعم علي اي حاجه..
_ نتقابل الحلقه الجايه..
البارت الثاني
يوسف انتي بتلمي هدومك ليهه
نرمين هروح عند بابا ي يوسف
يوسف هتروحي عند ابوكي تعملي اي
نرمين هروح ارتاح شويه من الهم اللي هنا اناا استحملت كتيرر ومحدش مقدر دا انت حتي مامتك شتمتني قدام عينك ولما جيت ارد زعقتلي ومش اخدتلي حقي
يوسف اعمل اي يعني عايزني اشتم امي
نرمين متعملش حاجه ي يوسف اناا هريحك مني وسيبهالك خالص اهو
يوسف انتي مش هتمشي من هناا وسيبك بقاا من شغل الهبل دا ي نرمين
نرمين لا ي يوسف همشي عشان اناا خلاص تعبت
يوسف اي اللي حصل لدا كله اي يعني لما ايه اخدت زياد منك ليه عندك حساسيه من الموضوع دا
نرمين لما تقولي هخاف عليه منك وانتي مجربتيش يعني اي عيال وامك تقولي انتي ارض بور وهتدفني شباب ابني معاكي يبقاا دي حساسيه زياده ي يوسف لما اختك تقولي انا مش عارفه اي اللي مصبره عليكي والمفروض يتجوز ويرميكي يبقاا كدا مليش حق
يوسف اټصدم من كلامها اللي محدش قال عليه اخدها ف وطبطب عليها عشان تهدي وتبطل عياط
يوسف حقك علياا مكنتش اعرف كل دا وصدقيني هجبلك حقك
نرمين اناا مش عايزه حقي ي يوسف كل اللي اناا عاوزه ان هماا يسبوني ف حالي كلامهم بيوجعني اوووي اناا مش بايدي ان طلعت مش بخلف حاجه مليش دخل فيها ليه بيعملوا فياا كدا
يوسف مش تشغلي بالك بكلامهم
نرمين اناا قولتلك ي يوسف لو عايز تتجوز اتجوز اناا مش ممانعه اناا مش عايزه اظلمك معايااا
يوسف اناا قولتلك مېت مره متقوليش الكلام دا ي نرمين
نرمين مش عايزه احرمك من الخلفه
يوسف مش انتي اللي حرماني دا اختبار من ربناا
متابعة القراءة
