حبيبي المجهول

لو انت نسيت انا ما نسيتش!! انا طلقت مراتي بسببه 
على مراتك قدامك ارجعلها 
ادهم سكت ومردش 
على سكت ليه مين ما نعك ترجعلها دلوقتي سليم ما اعتقدش انت مش عايز 
ادهم انا اسف مش هقدر 
سابهم ومشي وليلي مسكت ايد علي 
ليلي انا هاجي معاك انا وكريم وادهم هيهدي وهيجي 
راحت فعلا لسليم ودخلتله واول ما شافها وشاف كريم عيط 
ليلي اهدي الانفعال وحش عليك 
سليم سامحيني اني حرمتكم من بعض... انا عمري ما حبيت ولا عرفت يعني ايه حب بس عرفته منكم 
منك انتي وادهم انا اسف علي كل حاجه عملتها سامحيني يا بنتي 
ليلي انا مسمحاك مسمحاك 
سليم شال كريم وضمھ وندم انه ضيع وقت كتييير قوي في الكره والحقد 
اخر الليل سليم تعب جامد ودخلوه الانعاش وبيلفظ انفاسه الاخيره 
سليم علي خلي ادهم يسامحني ارجوك 
علي اهدي بقي الكلام غلط عليك 
سليم خلاص دي النهايه مافيش فايده المهم ادهم 
سليم بيكح وفجأه لقي ايد بتمسك ايده 
ادهم انا اهوه جنبك ومسامحك وزي ما علي قال انت برضه جدي ولا ايه 
سليم سامحني علي كل لحظه الم عيشتهالك سامحني 
ادهم مسامحك هشش خلاص اهدي بقي 
سليم سامح مراتك!!! انا كنت عارف انها لو شافت المنظر ده عمرها ما هتسامحك لان كل ما الحب يزيد الالم بيزيد والچرح بيكبر وانا استغليت حبكم 
خلي ابنك يتربي في وما تخليهوش وحيد زيك انت وابوك هاتله اخوات كتير 
خلف كتير يا ادهم واعمل عيله واملي البيت ضحك وحب وفرح __ علي انت كمان سامح ريهام هيا ملهاش ذنب دي كانت خطتي انا وهيا حاولت تقولكم بس انا منعتها وخوفتها وعلشان كده سكتت 
سامحو بعض 
ادهم خلاص بقي اهدي كفايه كلام 
سليم اوعديني انك خترجع ليلي وكريم 
ادهم اوعدك 
سليم ابتسم ودقايق والسر الالهي خرج 
كام يوم عدي وليلي معاهم في البيت علشان العزاء والناس وخلصت الجنازه 
ليلي طلعت اوضتها بتلم حاجتها علشان تمشي 
ادهم بتعملي ايه 
ليلي همشي الجنازه خلصت خلاص 
ادهم ومين قالك انك انتي هنا علشان الجنازه وبس 
ليلي انا هنا بحجه الجنازه لكن الحقيقه ان انا هنا علشان ابقي قريبه منك 
ادهم ولما

انتي عايزه تبقي قريبه مني ماشيه ليه 
ليلي وبعدين انت عايز تعزبني وخلاص شاور بس يا ادهم وانا هفضل تحت رجليك العمر كله 
ادهم وفي اول خڼاقه تسيبي البيت وتمشي صح 
ليلي انا ما سيبتش البيت غير مره واحده وانت طردتني فيها 
ادهم ونسيتي المره التانيه لما جيتي لقيتي دولي عندي في مكتبي ولمېتي هدومك ومشيتي 
ليلي لا دي ما تتحسبش 
ادهم ليه بقي ان شاءالله سيبتي البيت ولا مسيبتيهوش 
ليلي مكنتش مراتك وبعدين ده بيتي انا مش بيتك 
ادهم بيتك ولما هو بيتك سيبتيه ليه ورحتي بيت ابوكي 
ليلي علشان انت ضايقتني 
ادهم يعني بتعترفي انك سيبتي البيت علشان ضايقتك 
ليلي انا ما بعترفش بحاجه 
هو انت من امتي بتتكلم كتير كده 
ادهم انتي عايزاني اعمل ايه 
ليلي اي حاجه وكل حاجه غير الكلام 
ليلي قربت منه ومنعته يتكلم نهائي وهو كان ھيموت ويستسلملها وكان احلي استسلام
اخر الليل وهيا في 
ليلي ادهم انت نمت ولا لسه 
ادهم لا لسه ما نمتش
ليلي بتفكر في ايه 
ادهم بفكر في السنه اللي بعدنا فيها عن بعض 
شد نفسه من جنبه واتعدل ولسه هيقوم مسكت من ايده 
ليلي رايح فين هتسيبني تاني ما تعبتش من الفراق 
ادهم ما تعبتش هو مين اللي ساب مين يا ليلي رمين اللي رفض يرجع تاني 
ليلي حط نفسك مكاني 
تخيل للحظه تدخل تلاقيني في راجل تاني تخيلها يا ادهم
ادهم الوضع مختلف انتي ما ينفعش 
ليلي ليه علشان انت راجل 
ادهم لا طبعا مش حكايه راجل وست بس برضه ما ينفعش العقل والمنطق ما يقبلهاش وبعدين حتي الشرع حلل للراجل يتجوز اربعه لكن الستات لأ تقدري تقولي ليه 
ليلي ادهم انا بتكلم من منطق الحب وبس لو انا خنتك هتسامحني 
ادهم برضه بتقولي خېانه 
ليلي انت نفسك يا ادهم مكنتش عارف تبررلي كنت عايزني اعمل ايه اقولك حصل خير 
ادهم لو الدنيا كلها قالولي انك پتخوني مكنتش هصدقهم ابدا لكن الوضع اللي شفت فيه كان صعب!! 
ادهم عارف انه كان صعب بس انا تخيلت انك هتاخدي فتره وترجعيلي تاني مش نوصل ابدا للطلاق 
ليلي احنا ما اطلقناش بسبب الموضوع ده 
ادهم امال احنا اتطلقنا ليه صدقتي ان انا رفعت عليكي قضيه الحضانه انتي متخيله اني لو حبيت اخد