حكايه منار

ال...
دلال قاطعته متشتمش من فضلك كريم هيلقط منك
محمد بقولك ايه زى ما عايزانى اراعى مشاعرك ممكن تراعى انتى مشاعرى وتقدرى غيرتى شوية
واقف قدامك مولع ودمى فاير وانتى شغالة تقوليلى لا متقولش عليه صايع لا متشتموش علشان كريم ميلقطش منك 
اخر مرة تروحى مناسبة من غيرى
دلال والله انا دى حاجة تفرحنى انت اللى مبتحبش الدوشة
محمد بابتسامة صفرا بقيت بحبها من هنا ورايح رجلى على رجلك فى اى مناسبة يا حلوة يا يا اللى بيجيلك عرسان وانتى على ذمتى 
دلال برضه مصر تشكك فيا وتحسسنى انى عملت حاجة غلط
محمد دلال انتى حمارة ليه 
لا بجد عايز افهم الغباء ده جايباه منين
انا لا بتهبب بشكك فيكى ولا بتزفت بقول انك عملتى حاجة غلط
انا متنيل غيران انا متنيل على عين امى غيرااااااااان
ازاى واحد ملوش لازمة يبصلك ويتمناكى زوجة ليه
دلال طبعا مينفعش ما انا اصلى ملكك زيى زى البيت والعربية مينفعش حد يبصلى غيرك
محمد لا يا غبية انتى عندى اغلى من مية بيت وعربية
انتى مينفعش حد غيرى يبصلك علشان انتى على اسمى علشان انتى مراتى
وانا غيران علشان انا بحبك 
وانتى مش فاهمة ولا حاسة بكل ده علشان انتى غبية
امى وابويا واخواتى وحتى ابوكى شايفين انى بحبك 
كل الدنيا شايفة انى بحبك الا انتى البعيدة عامية ومبتفهمش
مصرة تعيشى فى دور الضحېة 
ماشى انتى حصلك حاجات صعبة بس ربنا بيعوض
ابويا وامى بيحبوكى وبيعاملوكى زينا واحسن كمان 
امى كانت بتعوض حبها لمرات عمى فيكى انتى 
كانت بتدلعك اكتر من منى وسالى 
يا شيخة ده بابا كان بيديكى مصروف اكبر منهم 
مفكرة انك مكنش ينفع ترفضينى
انا بابا لما فاتحته فى انى عايز اتجوزك قال هيشوف رأيك وان رفضتى انتى حرة ومحدش هيغصبك على حاجة 
يوم جوازنا هو وماما كانو بيوصونى عليكى ولا اكنى واحد غريب مش ابنهم
طول عمرى بحبك ومخبى واقول مينفعش اختك الصغيرة انت اكبر منها بكتير
روحت بليت نفسى بواحدة لا تنفع زوجة ولا ام علشان انساكى واطلعك من قلبى ومعرفتش 
بسببها حبيتك اكتر لأنك احسن منها واحسن من كل ستات الدنيا
وفى الأخر خلفت منها ابن محتاجلك زى ما انا محتاجلك 
وملوش غيرك زى ما انا مليش غيرك 
وبيحبك زى ما انا بحبك
قولت ابعد عنك علشان ارتاح تعبت اكتر وفى الأخر لفيت لفيت ورجعتلك 
وانا بحبك اكتر وعارف قيمتك اكتر واكتر
وانتى ولا هنا ولا حاسة بأى حاجة
كل اللى بتفكرى فيه ان عمى باعك
ماشى مش هقولك لا عمى باعك بس ابويا وامى واحنا اشتريناكى
انا بايع الدنيا وشاريكى يا دلال
مستاهلش تقدرينى وتحسى بيا مستاهلش تحسسينى ولو لمرة انك بتحبى حياتك معايا مش انجبرتى عليها
حرام عليكى والله العظيم حرام عليكى
كريم وهو بيعيط ماما هو بابا راح فين هو سابنا...هيسيبنا ويسافر ومش هشوفه تانى هو كمان
دلال لا يا حبيبى هو بس زعلان منى شوية
انما هو مش هسيبنا ولا حاجة 
كريم يعنى هو مخاصمك 
دلال اه 
كريم طيب صالحيه
دلال حاضر يا حبيبى هصالحه
بعد يومين
دلال بقاله يومين سايبلى البيت ومبيردش على مكالماتى ولا رسايلى
داليا انتى مش عارفة هو فين
دلال لا عرفت امبارح انه فى بيت عمى
شروق ولما انتى عارفة انه فى بيت عمك مروحتيش تصالحيه ليه 
ولا انتى مش شايفة انك غلطانة
دلال لا انا عارفة انى غلطانة
بعد كلامه لقيت انى فعلا بقالى سنين عايشة فى دور الضحېة 
حياتى فيها حاجات صعبة بس كمان فيها حاجات حلوة كتير انا اللى كنت مركزة فى الۏحش بس
شروق خلاص يبقى تروحى تقوليله انا فعلا حمارة وغبية حقك عليا انا اسفة
داليا بس ايه ده
محمد كده بيحبك من وانتى ستاشر ولا سبعتاشر سنة
دلال اه هو اتجوز قبل ما أتم التمنتاشر سنة فغالبا بيحبنى من وانا ستاشر سبعتاشر سنة
شروق والبعيدة جبلة
طيب قبل ما يتجوز كنتى صغيرة ومش فاهمة
انما دلوقتى كبرتى اهو محستيش بحبه ليه
دلال كنت فكراه متجوزنى شفقة علشان اربى ابنه واهو احسن ما ياخدنى واحد غريب يا عالم يعاملنى ازاى
شروق لا مش ممكن على الغباء حرام كده والله
الراجل بقاله سنين بيعانى فى حبك وانتى مفكراه متجوزك شفقة
داليا الصراحة يا دلال انتى اوفر
فى ايه ده انتى مش عايشة فى دور الضحېة ده انتى عايشة فى دور
العامية 
ايه يا بنتى مش كده
دلال ما كفاية تقطيم عرفت انى غلطت
خلاص هروح اصالحه انا