حكايه منار حكايه صدفه

يا سندس علشان خاطرى لو رديت عليه احمد هيزعل منى واساسا انا مش هعرف ارد 
سندس وهى بتاخد منها الموبايل وعلشان احمد ميزعلش وعلشان انتى مش هتعرفى تردى البس انا
منة علشان خاطرى افتحى بسرعة بس
سندس حاضر...الو مين معايا 
زياد انا زياد حليم يا منة انتى مسجلتيش رقمى ولا ايه
سندس واسجله ليه
زياد عادى احنا زملا وبنشتغل فى نفس الشركة 

سندس وهى بتتاوب وانا المفروض اسجل رقم كل زمايلى فى الشركة يعنى 
زياد لا خلاص مش مشكلة...صوتك نايم هو انتى كنتى نايمة 
سندس اه وصحيت بسببك
زياد متوقعتش تكونى نايمة دلوقتى ده مش وقت ينام فيه اى حد 
سندس رجعت من الكلية تعبانة نمت وبعدين انت مالك اصلا انام ولا منامش يخصك فى ايه انا حرة
زياد رجعتى من الكلية نمتى ازاى قصدك من الشغل 
سندس ها...ااا عادى ممكن اكون بحضر ماجستير ممكن اكون كنت عند اختى هى لسه فى الجامعة ممكن اى حاجة يعنى 
انت مكلمنى ليه اصلا
زياد مش عارف
سندس افندم انت مصحينى من النوم علشان تهزر
زياد لا دى الحقيقة بجد مش عارف
بقالى شهر من ساعة ما اتكلمت معاكى وانا بفكر فى كلامك 
حاسس انى مضايق ليه انا مفياش المواصفات اللى انتى عايزاها ليه انتى مش شيفانى انسان كويس
مهما قولت لنفسى ان كلامك مش مهم إلا انه بيزن فى دماغى طول الوقت وحقيقى تعبت من الزن اللى فى دماغى ده فقولت اكلمك ومش عارف ليه ولا حتى رتبت هقولك ايه
سندس انت ليه مكبر الموضوع كده يا عماد
زياد اسمى زياد انا كلامك مبيطلعش من دماغى بقاله شهر وانتى مسجلتيش رقمى وحتى اسمى مش فكراه 
زياد يا منة اسمى زياد لا عماد ولا اياد زياااااد
سندس خلاص سمعتك زياد
انا اسفة بس انا ذاكرتى ذاكرة سمك وبنسى بسرعة مش قصدى اضايقك يعنى ولا حاجة 
وبعدين مش علشان رفضتك تبقى انسان مش كويس 
لا عادى جدا انت كويس بس لحد غيرى زى ما انا كويسة لحد غيرك
مفيش حد بيكون مناسب لكل الناس طبيعى تكون مناسب لناس وناس لا
زياد وليه انتى مش شايفة انى مش مناسب ليكى
سندس اهو احساسى كده 
وبعدين على فكرة من اسبوع منة اتقرت فاتحتها على احمد ابن عمى
زياد ايه اتقرت فاتحتك ازاى يعنى وبعدين ليه بتتكلمى عن نفسك كأنك بتتكلمى عن حد تانى
سندس اااا انا بحب اتكلم عنى وانا بقول اسمى كأنى بتكلم على حد تانى انا حرة 
وبعدين عادى عمى وابنه جم لبابا وطلبو ايد منة ايدى يعنى وقرينا الفاتحة زى ما كل الناس بتتقرى فاتحتها
بص احنا مينفعش نتكلم تانى احمد بيقفش وبيزعل وهيطين عيشتى وعيشتك عادى 
فانت متطلبنيش تانى ومش محتاجة اقولك ان فى الشركة ولا كأنك تعرفنى انا مش عايزة حد فى الزملا هناك يقول علينا حاجة 
وبالنسبة لفكرة انى رفضتك دى متاخدش الموضوع بشكل شخصى اوى كده 
عادى انك ترفض ناس وتترفض من ناس 
لحد ما تلاقى اللى تليقلك وتليقلها 
ويا سيدى يا رب تعتر فيها بسرعة جدا
انا هقفل ولو سمحت متكلمنيش تانى او اقولك انا هعملك بلوك علشان حتى لو حاولت تكلمنى تانى متعرفش 
زياد بحزن مش مستاهلة بلوك يا منة خلاص انا مش هكلمك تانى
ومبروك قراية فاتحتك
سندس الله يبارك فيك مع السلامة
منة انتى بتعملى ايه
سندس بحطه على البلاك ليست
منة ما هو قالك مش هيتكلم تانى
سندس ماشى والأضمن اننا منخليش عنده فرصة يتكلم اصلا
انتى عرفتى منين ان هو اللى بيتصل انتى مش مسجلة رقمه
منة ظهرلى على التروكولر
كويس انه مش هيتصل تانى احمد لو خد خبر بالموضوع ده مش بعيد يخلينى