حب مستحيل ساره اللومي

بقول ادينا من بعض بس كل مره بحس اني ببعد عنك اكتر !
كان بيتكلم وكان ھيموت من الغيظ !
جاوبته ببرود من الاخر يا نادر عاوز ايه يعني !
استغرب من برودة اعصابي دي !!!
قالي حاسس انك بتتهربي مني ومن يوم ما اتقدمتلك عمرك حتى ما قولتيلي كلمه حلوه ولا اديتيني ريق حلو .
رديت عليه ببلاهه والله هو دا اللي عندي يا نادر ..

هو دا يعني كل اللي عندك طاب انا مستنيكي بكره في حديقة الميدان وهنحاول نحل الموضوع دا بهدوء .
مش جايه يا نادر ما تتعبش نفسك
يعني هو دا آخر كلام عندك يا بسمه 
ايوه
طب ايه رأيك بقي لو ما جيتيش اعتبري دا نهاية علاقتنا وكل واحد فينا يروح لحاله يا بنت الناس وابقي قولي لاهلك إنه احنا مش راجعين تاني وقوليلهم عن السبب .
هو قطع الاتصال وانا كنت هزغرت من الفرحه مش معقووووووووله اخييييرا !!! خالتيييي باركيييييييلي يا خالتي الخطوبه إتفسخت
نادر كان معاه حق في حاجه واحساسه كان صح ما هو مشكلته إنه حاول مني وانا بمر باسوأ مرحله من مراحل حياتي وكان چرحي لسه طازه وقلبي مجروح على حبيبي اللي بالڠصب فرقوني عنه كنت باشمئز من فكرة وجودي مع أي حد غيره حتي بعتبرها خېانه
مستحيل اتخيل حد تانيي أو إيدي غير محمد باختصار كانت عندي فكره واحده مسيطره على كل تفكيري كنت معتبره نفسي ملكيه خاصه لمحمد وبس .
صحيح في الاول لما اتقدملي نادر لا كنت بحبه ولا بكرهه بس من كتر ما كنا بنتكلم ويجيبلي سيرة زواجي منه بقيت كل يوم بأبعد اكتر من اليوم اللي قبله ودا لا ذنبه ولا ذنبي وفهمت خالتي إن دا جواز يعني هبقى انا وهو طول عمرنا وشنا في وش بعض معقوله يعني أنام طول عمري جنب واحد وانا مش طايقه ابص في خلقته حتى !
إتفهمت خالتي الموضوع وقالتلي سيبيني ادبرها بمعرفتي 
اتصلت بامي وفهمتها إن الخطوبه إتفسخت لأنه مفيش توافق ما بينهم او البنت مش قادرة تتقبله زوج المهم إنها بلغت ابويا إنه نادر فسخ الخطوبه لأنهم مش متفقين على حاجات كثيرة و اهمها أنه مش قادر يفتح بيت قبل ثلاث سنين بسبب كثرة التزاماته .
أخيرا خلصت من الخطوبة دي ويارب بقى ما يطلعليش حد تاني.
ف الوقت ده بالذات كانت البنتين اللي معاي اتحولوا من المنطقة واحدة ابوها مفتش مركزي و ضبطلها شغل في مكان قريب من بيتهم و الثانية خطيبها ضابط انتقل لمحافظة تانية و نقلها معاه بعد الجواز
فضلت لوحدي و طبعا رفضت افضل في شقة ايجار و من حسن حظي كان فيه وحدة ست متجوزة تشتغل معاي اتعرفت عليها ساكنة مش بعيد عن بلدتنا بقيت استناها كل يوم اروح معاها الصبح و نرجع سوا المساء .
كان التفكير هيخلصني و حكايتنا انا و محمد مش باينة اخرتها ايه فينك يا محمد بس وفين المستحيل اللي انت وعدتني إنك تعمله عشاني !! انا صحيح قطعت كل اتصالاتي بيك لما اتخطبت بس إنت عارف انه مش بايدي و اني اتجبرت عالخطوبة دي بس عمري ما نسيتك وكده كده كنت هفشكلها 
بعد ما فسخنا طبعا قلعت الدبله اللي انا كنت لابساها وبعد اسبوع بالضبط جه الناظر بتاعنا قالي عاوزك في موضوع خاص يا بسمه
اتفضل يا حضرة الناظر خير 
كل خير يا بسمة ٫ انتي تعرفي انك في مقام بنتي واتمنالك كل خير فيه مدرس هنا معانا وعارف إنك ما انتبهتيش حتي إنه موجود ولا شوفتيه اصلا بس هو معجب بيكي من زمان وكان شايف الدبله في ايدك عشان كده ما اتجرأش يسأل بس اللي لاحظناه كلنا مش هو و بس انك قلعتي الدبله دي من اسبوع
و هو كان مكسوف يكلمك وطلب مني انا اسألك .
كنت بسمعه وانا حاطه وشي في الارض ومكسوفه منه عاوز تعرف ايه حضرتك 
الراجل عاوز يعرف انتي مخطوبه ولا لا عشان يجيب اهله مش عارفه طلعت مني الكلمه دي ازاي وقولتله زي العبيطه لا مش مخطوبه .
روحت سايباه وماشيه .
لما قعدت وحدي فضلت افكر ايه الغباء دا يا بسمه ما كنتي قولتي إنك مخطوبه بس نسيتي الدبله هو يعني كان هيحقق معاكي ولا هيفتش وراكي عشان يعرف إنك بتكدبي ولا لا 
ومين دا كمان اللي معجب بيا وعاوز يتقدملي هما عاوزين يجننوني ولا ايه في سنتهم السوده دي 
حكيت مع صاحبتي و هي نفس تخصصي سامية انتي تعرفي مين هو المدرس دا اللي حاطط عينه عليا 
ضحكت وقالتلي والله يا بنتي انتي شكلك كنتي في عالم تاني لوحدك ومش عايشه في العالم بتاعنا !
ليه بقى 
ضحكت وإتنهدت وبدات تتكلم بتريقه اسمه أحمد اشقر وحليوه عينيه خضر ومتدين وبيتكسف من