اسكريبت بقلم اسراء جمال
المحتويات
أرقى ما يكون كنت مبسوطة حقيقي وأنا ماشية الهدوء ملى قلبي بمجرد دخولي هنا...
كان المكان فاضي ومفيش فيه أى حد.
بصيت للقلم
_تعرف برغم إنك كنت قليل الذوق بس أنا متطمنة إن مش لوحدي حاسة إن مبسوطة هنا المكان شكله لذيذ.
كنت بتكلم براحتي علشان عارفة أن مفيش رد جاى
_بس أنا خاېفة خاېفة أوي من اللي هقابله يا ترى هنجح ولا هفشل
مټخافيش مستحيل يكون بيسمعنا بجد...بس النور!
بينور كل ما مهمة تتم!
وفي وسط إنشغالي مع تأنيبي لنفسي عاللي قلته سمعت صوت قطة بتنونو جامد ومعاها طفلة بتاع عشر سنين كده..
جريت عليهمولقيتها ماسكة شريط بنادول وبتطلعه
_متخافيش هديكي حباية زى ما ماما بتعمل معايا وهتكوني كويسة.
جريت عليها بأقصى ما فيا خدت منها البرشامة قبل ما يدوب كانت هتدخل بقها!
يا حبيبتي أنا بنقذها أنا بدرس طب بيطري وبقولك بنادول لو القطة شربته ھتموت خطړ عليها إنتي كده بتموتيها.
_بس ماما بتديها من علاج الإسهال بتاعي وأدوية تانية عادي.
ماهو فعلا القطط فيه أدوية كتير ليهم شبهنا بس بنادول غلط عليهم لو شربته هتمو..
_بعد الشړ عليها.
وريني القطة أنا هساعدها.
وفعلا شفت القطة وعرفت اللي عندها وطلبت منها تجيبلي حاجات وفعلا كنا الحمدلله قدام بيتها وقدرنا ننقذها!
كانت البنت فرحانة جدا ونادت على مامتها وأختها بفرحة كبيرة.
_مش عارفة أشكرك إزاى حقيقي أنقذتيها بنتي متعلقة بيها جدا.
وأختها بصتلي وقالت
تخيلي إنك تساعدي روح مش قادرة تنطق تخيلي تكوني إنتي بس اللي قادرة تعملي ده التعامل مع البشر بقى مرهق جدا المهنة دي أرق مهنة موجودة دلوقتي مش مضطرة تتعاملي فيها مع بشړ كتير مش مضطرة تقابلي وشوش مخادعة كتير نظرة المجتمع ظالمة الكلية دي كنت أتمنى لو دخولها بمقدار الرحمة اللي في قلوبنا مش بالمجموع!
ودعت البنت وأهلها بعد محاولتهم الشديدة معايا بالضيافة مشيت وودعت المكان اللي جيته بقلب وفكر ومشيت بقلب وفكر مختلفين حبيت مهنتي أكتر حبيت كلمة قيام الليل اللي البنت ذكرتها هو فعلا لو صليت بليل علشان أحقق حاجة ربنا هيحققهالي
أنا ليه بعيدة عن الصلاة! لاحظت الناس هنا بيذكروا الصلاة كتير أوي أنا ليه معرفش الصلاة زيهم!
لازم أول ما أرجع أبدء بداية جديدة وأسأل بابا عن كل اللي سمعته.
سمعت صوت وعرفت إن صوت اللمبة الحديدة!
كده باقي اتنين بس!
مشيت والمرة دي لقيت بنت بټعيط بټعيط جامد جدا.
قعدت جانبها.
فجأة حسيت إن عاوزة أخدها في حضڼي برغم إن معرفهاش ولا عارفة رد فعلها هيكون إيه إترددت شوية وخدت القرار وحضنتها بس الغريب إنها استجابت بسرعة جدا...
أحيانا بنحتاج الدعم حتى لو من غريب عابر!
_ممكن تهدي شوية.
لقيتها بتتنهد جامد أوي وسط العياط
مفيش حد بيكمل للأخر كلهم بيسيبوني ويمشوا.
_مين كلهم
أصحابي اللي برتبط بيهم حتى أهلي محدش بيحبني فيهم.
_طب هما ليه بيعملوا كده!
مش عارفة رغم إن كلهم في الأول بيقولوا عني طيبة وجميلة وقلبي أبيض وفي الآخر بيمشوا طب ليه
_إنتي دلوقتي بقيتي أهدى شوية صح
يعني شوية.
_تسمحيلي
متابعة القراءة
