جدي

وقبل ما نبدا الحكايه اعرفكم بنفسي 
انا هاله عندي 15سنه وليا أخين كريم وكرم 
وفي يوم كنا رايحين بيت جدي مع امي وهي 
قالت له
سهير 
اسمع يا راجل أنت عيال ابنك اهم 
انا مش هربيهم لوحدي مش ابنك طلقني 
وراح اتجوز انا كمان من حقي اتجوز
الجد 
عيب يا سهير الكلام ده وبعدين دول عيالك 
وفيهم بنت مينفعش انك تسيبي البنت كده لوحدها
سهير 
خلاص يا حبيبي زهقت ومش لاقيه حد يصرف 
عليا ومصدقت لقيت عريس 
ومش راضي اخد العيال
الجد 
انتي عارفه ان انا راجل كبير 
واكيد مش هعرف اربي العيال

سهير
خدهم بقي 
ربيهم ولا شوف ناوي تعمل ايه معاهم ما هو مش معقول اللي هتجوزه هيصرف عليا وعلى عيالي ما حدش في الزمن ده بيعمل كده اذا كان ابوهم رماهم ومش عاوز يصرف عليهم الغريب هيرضى يربيهم
الجد 
طب ما انا هصرف عليهم منين انا يا دوبك معاش التضامن بيكفيني يعيش حاف حتى الاوضه اللي قاعد فيها دي الراجل صاحبها بيرفع الايجار كل كم شهر انا عاوز اللي يصرف عليا في كبري مش اخذ عيال اربيهم من اول وجديد واصرف عليهم
سهير
اهو ده اللي حصل تصرف عليهم تاكلهم تجوعهم ملزومين منك هو ابنك يتجوز 
وانا اللي اصرف علي عياله ولا اي 
ومن غير سلام ابقي ادخلوا ل جدكم يا عيال 
وبعدها مشيت ولقيت جدي بيبص لينا وبيقول
الجد
ما انا هعمل بيكوا ايه دلوقتي امكم مشيت وراميتكم والدنيا غلا وانا اجيب لكم اكل منين
هالة
طب وانت يا جدي بتجيب فلوس لاكلك وشربك منين وانت بتقول ان المعاش ده ما بيكفيش يومين ثلاثه في الشهر
الجد
ولاد الحلال بيدوني انا بمشي بالعكاز ده اللي انا ماسكه في ايدي وبطلع على اول الشارع على السكه الكبيره العربيات هناك كثيره وبقعد في الارض كل شويه يجي حد يحط في ايدي حاجه وبعد كده اجيب لقمه اكلها وارجع انام وكل يوم على كده واليوم اللي ما اقدرش اخرج فيه ما باكلش
كريم
طب وليه بابا مش بيدي لك فلوس
ماما دائما بتقول انه مبسوط ومعاه 
فلوس كتير اوي
الجد
امك كدابه طول عمرها 
ابوك ما فلحش في المدارس من صغره حتى لما وديته يشتغل في الورشه بتاعه جارنا
هنا اثر رقبتي ومن ورشه لورشه واتجوز امكم وعمري ما شفت منه جنيه واحد اداه لي في ايدي ولا حتى جاب لي كيس فاكهه وهو جاي يشوفني ولا حتى بيسال عليا
كرم
يا جدي طب احنا جعانين انا جعان قوي وبطني بدات توجعني اعمل ايه
الجد
بنت يا هاله اطلعي الدور اللي فوق مننا شوفي الست ام مصطفى عندها لقمه ولا حاجه تديها لكم
هاله
هو احنا يا جدي هنعيش كده على الشحاته على طول هطلع اخبط على الجيران كل يوم ياكلونا اللي هياكلنا يوم مش هياكلنا الثاني يا جدي
الجد
بقول لك ايه يا بنت انت جبت اللي فيها انا اعرف واحده ست بتطلع العيال اللي قاعدين معاها تشغلهم في الشحاته بيلموا فلوس كثير واللي يشوفهم الصبح ما يشوفهمش بالليل بياكلوا مبسوطين مقاعدهم في ورشه كبيره قديمه لماهم فيها وبتعاملهم كويس
كرم
مش فاهم يا جدي يعني نعمل ايه
هاله
يعني انت يا جدي عاوزنا نطلع نشحت ازاي بس
الجد
بقول لكم ايه النهار ده يعدي وبعد العشاء اخدكم للست بدريه
هاله
وانت عرفتها منين يا جدي
الجد
اول كم يوم وانا قاعد جاء واحد كده يجي عنده 19 سنة وشه مشلفط وحد معلم عليه ومع عصايه تخينه ده قعد ينغز بيها فيا ويقول لي قومي يا راجل انت قوم من هنا الحته دي مش بتاعتك مين اللي بعتك هنا ومين المعلم بتاعك
هاله
هو 
الجد
لا الناس اللي في
الشارع
اتلمت وبان
عليه عيل