اه من سكر بقلم زهره الربيع

دي من الاول ربنا ياخدني بقى
وطلعت على اوضتها وهيه پتبكي امها قالت بزعيق... ايوه سبقي سبقي علسان محدش يحاسبك..استني عليا ده انا لسه هطلع عينك النهارده
بعد ساعات معدوده كانت سكر لبست وجهزت وبقت اسم على مسمى وكانو بنات العيله حواليها
الست الي بتعمل لها الميك اب حطت لمساتها الاخيره وقالت..ما شاء الله عروسه زي القمر مش محتاجه اي شغل 

امها كانت بتزغرط والناس كانو مجتمعين بره
يامن كمان لبس وبقى زي القمر ..وراح خبط عليها علشان ياخدها 
اول ما خبط انطلقت الزغاريد وسابوهم مع بعض وطلعو
يامن قال بحرج ..احم ملحقتش اعتذر لك عن اللي حصل
سكر بصتله بدموع وقالت.. هو انت ذنبك ايه انا الي المفروض اعتذر ياريت كنت اتكسحت خالص ولا طلعت اوضتك
يامن ضحك على طريقتها هي وبتتكلم بغيظ وبكا وقال..طب انتي زعلانه قوي كده ليه خلاص المكياج هيبوظ وبعدين هو لو كانت عجباه الجوازه من الاول ما كانش خلع بالسهوله دي
بصتلو بزهول وقالت ..نعم يعني ايه لو عجباه لا يا حبيبي انا اعجب اي حد اذا كان ابن عمك ده غبي فهو حر في نفسه
يامن ضحك من قلبو وبصلها باعجاب شديد وقال فعلا غبي قوي كمان ...ومد ايده وقال ...يلا
سكر بصتله بتوتر ومسكت يده وقالت...قل لن يصيبنا الا ما كتب الله لنا
يامن ضحك بشده وقال انتي رايحه تفجري نفسك 
واخدها ونزل بيها وتم كتب الكتاب وسط تساؤلات الناس اللي بتسال انهم كانو فاكرين ان الفرح فرح عادل وهمسات كتيره حواليهم اتجاهلوها تماما وعدت الليله على خير.
يامن طلع هو وسكر على اوضتو وهي دخلت بارتباك وبقت تفرك في ايديها بتوتر وقالت... هو ابن عمك راح فين يعني ده مكانش موجود في الفرح
يامن اتنهد بضيق وقال هعمل ايه لجنانه عمال ارن له مش بيرد 
سكر قالت بغيظ...احسن عنه ما رد .. اتردت الميه في زوره
يامن ضحك وسكر اتنهدت وقالت...طب بقولك ايه انا حاجتي في الاوضه الثانيه اللي كنا فاكرين اني هقعد فيها يعني
يامن قال... اه.. اه صح كل حاجه جت بسرعه ما حدش لحق ينقل الحاجه بس قولي على اللي عايزاه وانا هخليهم يجيبهولك بقى
سكر قالت بارتباك لا مش هينفع ينفع اروح اجيبها انا
يامن اتنهدو وقال..للاسف مش هينفع ..الناس لسه تحت وفيه ناس بايته في البيت قرايبنا وكده ومش هينفع تطلعي انا هرن على عمتي وهي تجيب لك اللي عايزاه كله 
سكر اتنهدت وقالت...تمام خليها تجبلي بيجامه للنوم الفستان ده خانقني
يامن رن لولدتها وقالها تجيب البيجامه وكل الي هتحتاجه بنتها
خلص مكالمتو وبيبص لقاها قاعده على السرير وبتفرك ايديها بحزن وتوتر
يامن قعد جنبها وقال زعلانه قوي كده علشان اتجوزنا ولا كنتي عايزه تتجوزي عادل
سكر رفعت عنيها فيه وقالت بدموع...انا مكنتش عايزه اتجوز اصلا بس الي مضايقني الي عملو ابن عمك ..واهانتو ليا... وبصتلو بغيظ وضړبته في كتفه پغضب و قالت ...وانت كمان تقول لماما انا علشانك اعمل اي حاجه ...لبست حزام ناسف علشانها حضرتك
يامن ضحك بشده وقال يا بنتي وانا هعمل لك ايه في مواقف زي ده...وبعدين انا فعلا ممكن استحمل اي حاجه علشان اهلي
بصت له بزهول وقالت تستحمل..لا على فكره انت المفروض تحمد ربك انت تطول اصلا يا ابني
يامن بصلها بطرف عينه وقال ..ما بلاش حكايه تطول دي ...انا لو اطول اديكي متر من عندي عشان تباني من على الارض شويه كنت عملتها
سكر بصت لنفسها وقالت ..على فكره انا مش قصيره قوي
يامن رمى البدله على السرير