روايه فاطمه

إلى سهام قائلا خلاص يا سهام 
انا هتجوزك على سنة الله ورسوله 
سهام بفرحه الله يجبر بخاطرك يا بيه 
ويستر عرضك زى ما سترت عرضى يا قادر يا كريم 
ده انا هعيش خدمتك لاخر يوم فى عمرى 
مجدى متأكد من قرارك ده يا ادهم 
ادهم ايوه يا مجدى 
ثم نظر
ادهم إلى سهام ساخرا بقوله خدامتى ايه بس 
هو لغاية وقت معين 
وكل واحد يروح لحاله 
ومش هترجعى المصنع تانى وهعملك انا مصروف شهرى تقدرى تعيشى بيه على طول 
سهام محدثة نفسها ايه الجوازة اللى ملهاش طعم ولا لون دى 
على العموم بس هى أول خطوة تعدى وبعدين الباقى سهل 

ادهم إلى مجدى دلوقتى تقدر تقول فى المصنع أن الهانم مراتى وكان جوازنا فى السر عشان مراته متحسش بحاجة 
وده خلال عادى ومحدش يقدر يكلم بعد كده 
وأنه شغلها معاه عشان تكون جمبه لكن بعد ما حصل الكلام يستحسىن أنها تبعد عشان الاحراج 
وياريت محدش ينقل الكلام عشان ميوصلش لمراته 
والدنيا تخرب 
مجدى ربنا يستر 
ماشى كلامك يا ادهم وعداك العيب 
وان شاء الله أزمة وتعدى 
ادهم يارب 
مجدى بتفكير مهو ممكن نقول كده من غير عقد جواز  
واهو كلام وخلاص 
فكادت سهام أن تخلع حذائها وتضربه به من الڠضب 
لولا تدخل ادهم بقوله لا لازم جواز عشان أنا عارف أنه ممكن يقولوا 
أنه ده تمثيليه عشان نسكت عن اللى حصل وأنهم لا مجوزين ولا حاجة 
فساعتها تطلع لهم شهادة الجواز 
ادهم تصور صح 
طيب على كده ربنا يكون فى عونك صراحة 
وهنا ابتسمت سهام ابتسامة النصر 
وأشار إليها ادهم قائلا اتفضلى بينا على اقرب مأذون يا هانم 
وانت يا مجدى أجل الكلام لبكرا اكون استعجلت المأذون فى شهادة سريعة 
مجدى تمام زى ما تحب 
وبالفعل خرج ادهم ومعه سهام على مرأى من العمال 
ليتحدث أحدهم لا الأمر كده زاد عن حده 
والبنت جبارة عرفت تلعب عليه 
بس ازاى يخرج بيها كده عينى عينك !!
دى مكنتش اخلاق ادهم بيه خالص 
للدرجاتى وقع فى حبها 
أما كريم فقال مش شايفة البت عاملة زى المانجة تتاكل اكل 
من حقه ميقدرش يقاوم الجمال ده 
فسمع مجدى ذلك الكلام فقال ربنا يستر عليك يا ادهم من اللى جى 
وبالفعل ذهب بها إلى أقرب مأذون وكتب عليها بشهادة الشهود من قبل المأذون 
وكتب لها ادهم شيك بخمسون الف جنيه كمهر ومثلهم مؤخر 
كما مبلغ شهرى خمسة الالف جنيه تعيش به بديلا عن العمل فى المصنع 
فلمعت عين سهام من الفرحة وحدثت نفسها ايه ده انا حاسه انى بحلم يا ناس 
بس برده ده عنده شىء وشويات 
وانا لو صرفت من الفلوس ده هتخلص بسرعة  
على رأى المثل خد من التل يختل 
وعشان كده انا لازم اكون مراته حقيقى ويحبنى بجد 
واكون الكل فى الكل عشان يغرقنى من النعيم اللى عايش فيه 
استقلت سهام مع ادهم سيارته وجلست بجانبه 
فقال بنفور دلوقتى هوصلك للمكان اللى عايشة فيه 
فبكت سهام باصطناع برده دى تيجى يا باشا 
توصلنى بنفسك لحارة سد 
وياريت كمان شقة دى اوضة فى السطوح 
بتحرقنى ڼار الشمس فيها فى الصيف  
وبتغرقنى مية الشتا فى الشتا 
ادهم بحزن ليه كده 
وليه مرجعتيش تعيشى مع أهلك بعد ما اطلقتى من جوزك 
سهام اعيش مع مين !
ده ابويا مصدق يجوزنى عشان يخلاله الجو مع مراته 
واخواتى مراتتهم محدش بيطقنى منهم ولا عايزنى اعيش معاهم 
فعشان كده ملقتش غير الأوضة دى انستر فيها وخلاص 
وجيت اشتغل عندك عشان اعرف اجيب لقمة نضيفة 
وحصل اللى حصل 
ادهم لا حول ولا قوة الا بالله 
طيب بصى انا هوصلك بس تلمى هدومك 
وتنزلى تانى هشوفلك اى شقة ايجار جديد 
وانا هدفعلك الايجار بانتظام متقلقيش 
فأمسكت سهام يده لتقلبها 
فابعدها ادهم عنه 
فنظرت له سهام برغبة ايه يا باشا 
هو انا وحشة ولا وحشة 
وانا خلاص بقيت مراتك على سنة الله ورسوله 
فعادى المس ايدك وابوسها كمان 
ادهم بنفور لا ملهوش داعى 
ثم قال محذرا وزى مقولتلك ده جواز على الورق بس 
وفى اى لحظة هطلقك بس هصرف عليكى زى ما قولت 
غير كده انسى اى حاجة تانية 
فنظرت لها سهام بإنكسار مصطنع قائلة اللى تشوفه يا باشا 
ثم انطلق بها إلى مسكنها لتحزم ملابسها وتترك تلك الغرفة اللعېنة التى شهدت فقرها 
إلى عالم آخر صنعته بمكرها على حساب انسان كريم بأخلاقه وعلى حساب زوجة تحب زوجها ولكن ستظن أنها انخدعت به 
وستقلب حياتهم رأسا على عقب 
وبالفعل أخذها ادهم إلى أحد الشقق المفروشة لتعيش بها وسيدفع هو كما قال أجرها كل شهر 
وقف ادهم عند باب الشقة مودعا لها عايزة اى حاجة قبل ما امشى 
سهام بنظرة حب عايزة سلامتك يا باشا 
واكتر الف خيرك 
وربنا يسترك دنيا وآخرة 
ادهم طيب انا ماشى السلام عليكم 
فقامت بالنداء عليه قائلة ادهم بيه 
فالټفت ادهم لها قائلا نعم فيه اى حاجة 
فتقدمت إليه 
فاتسعت عين ادهم وارتجف وقال بنفور لا لا ارجوكى 
كفاية اللى حصل ومكنتش عايزه يحصل 
وياخوفى من اللى جى 
سهام ارجوك ده انا حلالك ومراتك
عشان احس ولو للحظة واحدة بالأمان والاستقرار 
مجرد لحظة واحدة ارجوك 
فاحتار ادهم ما يفعل 
نعم هى أصبحت زوجته وحلاله ولكن حبه لسارة يمنعه من فعل ذلك 
فماذا يا ترى سيفعل ادهم مع تلك اللئيمة 
وكيف ستعلم زوجته عن تلك الزيجة 
وما ستفعل 
وكيف سيكون تأثير ذلك على ادهم 
الحلقة التاسعة والعشرون
لا يكتمل الحب الا بالثقة وان تزعزت عند أحدهم فلا بقاء للحب 
وقع ادهم بطيبة قلبه تحت براثن سهام تلك اللعوب التى تريده من أجل المال 
ولم تكتفى بذلك بل إرادته لنفسها أيضا لتنعم به بعد أن اعجبها مظهره الوسيم 
فبعد أن حصل لها على شقة لكى تعيش بها بدلا عن تلك الغرفة النائية التى لا تصلح للعيش الادمى 
ووعدها بتكفل الايجار وايضا عمل لها مرتب شهرى 
غير ما قدمه لها من مقدم واخر مؤخر 
عشان احس ولو للحظة واحدة بالأمان والاستقرار 
مجرد لحظة واحدة ارجوك 
ادهم قولتلك مينفعش واعتبرى أن دى اول واخر زيارة 
ليكى وبعد كده هبعت ليكى حد بمصروفك الشهرى 
وهو أول ما تطلع شهادة الجواز هكون فى يوميها رامى اليمين 
فبكت سهام مرددة كده للدرجاتى مش طيقنى 
ايوه انا بحبك يا ادهم معرفش ازاى وامتى بس حبيتك من قلبى 
ولو مش مصدقنى خد شيك الفلوس اهو انا مش عايزة حاجة ومستعدة ارجع اوضتى تانى 
ولو حتى أموت من الجوع بس اكون على عصمتك ومطلقنيش 
واشوفك كل فترة أن شاءالله كل شهر بس 
واشبع عينى بيك حتى لو ملمستنيش 
لكن متحرمنيش منك ارجوك 
اوجعت كلماتها ادهم لانه يعلم معنى الحب ولكن ليس بيده شىء يقدمه لها 
فهو يعلم مقدار الکاړثة أن علمت سارة بزواجه هذا 
لذا يجب أن يطلقها فى اسرع وقت 
ادهم انا مقدر مشاعرك بس صدقينى مش هينفع 
انا بجد بحب مراتى جدا ويستحيل اقدر اكسر قلبها بالشكل ده كفاية اللى حصل 
والطلاق لازم يكون فى أقرب وقت 
سهام بتصنع بكت وقالت بصوت منبوح من البكاء طيب خاېف على قلبها طيب وقلبى انا !
ادهم ارجوكى متصعبيش عليا الموضوع اكتر من كده 
انا ماشى وان شاء الله ربنا يرزقك بإنسان تانى تحبيه ويحبك 
وبرده المرتب الشهرى مش هقطعه عنك 
فنظرت لها سهام وشعرت لوهلة بالندم لما رأته منه طيب خلق ورحمة وسخاء 
ثم قالت طيب بدال حضرتك برده مصمم على الطلاق 
حقق ليا اخر أمنية ارجوك 
وهتكون اول واخر مرة 
ادهم ايه هى الأمنية دى 
فتنهد ادهم بعدم ارتياح ولكن غلبته طيبة قلبه وحدث نفسه ماشى معلش خلينا نخلص من الموال ده 
سهام يا لهوى عليا اسيبه ازاى ده بعد كده 
بس اعمل ودماغه الناشفة دى 
ياريت كنت اقدر اخليه يحبنى زى مراته 
بس إظاهر هى القلب كله وانا مليش اى طريق للأسف 
ويسرع للمغادرة 
وكأنه ندم أن سمح لها بذلك 
واخذ يلوم نفسه طوال الطريق انا ازاى سمحت ليها تعمل كده !!
ادهم محدث نفسه انا فعلا مخڼوق وحاسس انى خدعت سارة وخونتها 
بس اعمل ايه الأمر كان كله ڠصب عنى بجد 
بس مش عارف ازاى هروح دلوقتى وهحط عينى فى عينيها 
انا خاېف تحس من عينى اصلا قبل ما تسمع بالكلام 
لا حول ولا قوة الا بالله 
يارب عديها على خير 
تستمع لضربات قلبه 
فتأوهت اه يا قلبى من ادهم ولى عمله فيه  
انا جيت اصطاده لقيته هو اللى اصطدنى 
اه يا قلبى 
لتخرج من شرودها على صوت تعلمه جيدا 
جاء إليها ضاحكا بقوله صراحة برااااافو يا سهومتى 
مثلتى الدور ولا كأنك أمينة رزق 
ولولا انى عارف اللى فيها يا بت كنت صدقت انك حبتين صح 
ليجد بالفعل دمعة عين فرت من عينيها  
ليقول بإنفعال ايه مالك يا سهام فيه ايه 
هو انتى مثلتى الدور لغاية ما اقتنعتى أنه حقيقى ولا ايه 
لا فوقى كده واعرفى أننا دفنينه سوا 
سهام بتنهيدة حارة عارفة يا واد يا خالد بس اعمل ايه عليه عينين تجنن 
فضحكت سهام ضحكة ماكرة سيب ايدى يا خالد 
ومكنتش اعرف انك بتغير اوى كده عليا يا راجل 
خالد بحب طبعا أبت بغير عليكى من زمان اوى 
وكنت هجن لما وفقتى تجوزى الزفت طليقك ده 
سهام متجبش سيرته 
قطع وقطعت سيرته 
ثم تابعت بقولها 
ومدام كنت هتجن عليا كده مجتش من اول ليه وخطبتنى 
كريم مش عارف كنت بحبك من سكات من واحنا صغيرين 
من ساعة ما سكنا جمبكم بس انا كنت فاشل من يومى وسبت المدرسة وروحت اشتغلت مع ابويا الله يرحمه فى مصنع الحاج ناجى 
وانتى ماشاءالله اتعلمتى ودخلتى كلية 
فقولت لا يمكن ترضى بيك دى يا واد يا خالد 
عشان كده سكت ومكلمتش 
بس لما لقيتك اتخطبتى كنت ھموت فيها ومكنتش عارف اعمل ايه ولا تسوى ايه 
بس برده مقدرتش اكلم 
سهام واهو الفاس وقعت
فى الرأس 
عشان افضل فى بيته 
ولو تكلمت يرعقنى علقة تمام وفى الاخر برده طلقنى 
عشان يعيش حياته من غير زن منى 
ورمانى فى الشارع 
وطبعا مرات ابويا مردتش ترجعنى البيت 
وقالت ده احنا مصدقنا مشيتى 
وروحى حبى على جزمة جوزك عشان يسامحك ويرجعك 
فروحت أعدت على الرصيف اعيط 
مش عارفة اعمل ايه ولا اروح فين 
مهو لا يمكن اروحله عشان يرجعنى تانى 
ولو