بعد الخداع بقلم اماني السيد

يوصلهالها بنفسه ويعتزرلها ويشوف ابنه ويحدد معاها المواعيد اللى يقدر يجيى فيها ويقابل ابنه وقرر انه يروحلها بكره 
تانى يوم فى المستشفى كان في حاله اخت شخصية مهمه كانت فى حاډثه وعملت عمليه ومحتاجة دكتوره علاج طبيعي تتابع معاها عشان تقدر تمشي مره تانيه
ومدير المستشفى رشحلهم دينا 
اخو المړيضة فى الاول اعترض عشان هى لسه متعينه جديد ومعندهاش خبره كبيره لانها قاعدت فتره من غير شغل لكن مدير المستشفى اقنعه انها دكتوره ممتازه ودايما عندها حماس فى شغلها بيخليها تعمل نتايج مبهرة فى الشغل 
سيلا المړيضة خلاص بقى يا بيبرس خلينا نجربها 

بيبرس هو انتى فار تجارب 
سيلا يا حبيبي انا عارفه انك خاېف عليا طيب ايه رايك نشوفها الاول ونسمع خطه العلاج بتاعتها وبعدين نحدد 
الدكتور كلام الانسه سيلا صح انا هبعت اناديها 
دخلت دينا وعرفت نفسها واخدت الملف بتاع سيلا وكشفت عليها وبدات تتكلم معاهم فى خطه العلاج وازاى هتم 
سيلا تمام يا دكتوره انا موافقه بس ياريت نبدأ من انهارده
دينا تمام مافيش مشكله بس الاول هعمل تليفون مهم بس هستاذنك بعد كده نخلى المعاد بدرى شويه
بيبرس ايه يا دكتور هو احنا اللى هنيجى كمان على معاد الدكتوره 
سيلا قاطعته انا موافقه يا دكتوره من بكره هاجى الساعه ١١ حلو كده 
بيبرس سيلا انتى مش مجبرة على معاد معين 
هنا دينا بصيتله ورجعت غيرت وشها تانى وتجاهلته هى كده كده تعاملها بعد كده هيكون مع اخته مش معاه فقررت ماتتكلمش معاه 
دينا لسيلا خلاص اتفقنا حبيبتي انا هعمل مكالمه استاذن ماما انى هتاخر واجى نبدا على طول عشان متقلقش لان معاد خروجى كان من نص ساعه
اتصلت دينا بمامتها وعرفتها ظروف شغلها ومامتها طمنتها انها اكلت ابنها وبتزاكرله وتتاخر براحتها 
اخدت دينا سيلا غرفه العلاج الطبيعي وبدأت معاها العلاج
فى البيت عند والده سيلا وصل ماهر وخبط على الباب وفتحتله والده دينا سناء  
سناء خير فى حاجة
ماهر جاى اقابل دينا محتاج اتكلم معاها 
سناء وعايزها فى ايه 
ماهر اديها ورقة طلاقها واحدد معاها هقابل مالك ازاى اكيد مش هتحرمونى منه 
سناء للاسف انك متجوز واحده من بيت اصل مش هتحرمك من ابنك ثانيا هات الورقة انا هوصلهالها واتفضل ادخل شوف ابنك وانا هكلمها ابقى تظبط معاها مواعيد الرؤية وابلغهالك 
ماهر ومكلمهاش انا ليه 
سناء وتكلمها باماره ايه انت اللى ليك ابنك تشوفه وتتكل على الله
استحمل ماهر كلام حماته لانه عارف انها اكيد زعلانه على بنتها 
ماهر طيب ممكن ادخل اشوفه عشان وحشنى اوى 
مالك وحشتني اوى اوى يا بابا كده تغيب عنى كل ظه 
ماهر انا آسف يا حبيبي بعد كده مش هتاخر عليك تاتى 
مالك طيب احنا هنفضل هنا عند تيتا مش هنرجع تانى
ماهر اه يا حبيبي وانا بعد كده هاجى ازورك على طول وفضل قاعد يتكلم معاه وبعدين ساله على مامته 
ماهر مالك هى ماما فين 
مالك ماما فى الشغل تيتا قالت انها هتتاخر انهارده شويه فى الشغل 
ماهر هى دينا نزلت تشتغل من امته 
مالك اول ماجينا هنا على طول 
ماهر تمام يا حبيبي كمل انت مزاكره وانا هجيلك مره تانيه وسابه وقام ونادى على حماته 
ماهر ايه اللى بنتك عملته ده نزلت تشتغل من غير ماتقولى 
سناء وانت مالك تقولك بتاع ايه تشتغل ماتشتغلش انت مالكش فيه سامع 
ماهر لأ مش سامع هى تقعد فى البيت وانا هصرف عليها انما شغل لا سمعانى بلغيها بكده ونزل ڠضبان وسناء ضړبت كف بكف مچنون ده ولا ايه 
فى المستشفى خلصت دينا جلسة العلاج مع سيلا وسيلا حست بتحسن وفعلا شافت أن دينا دكتوره مناسبة وممتازه وطول الوقت بيبرس كان مراقبها ولقى انها فعلا عندها ضمير فى شغلها 
سيلا شكرا يا دكتوره على تعبك
دينا مافيش تعب ولا حاجه اهم حاجه انك تقومى تمشى وتجرى كمان فى اقرب وقت وواضح ان بإذن الله التحسن هيكون سرع 
خرجت سيلا ز
وهى فرحانه من عند دينا وبعدها خرجت دينا بسرعه عشان تلحق تروح ومتتاخرش اكتر من كده وطلبت عربيه اوبر شافتها سيلا وهى واقفه وماسكه التليفون وخمنت انها بتتصل بابلكبشن سيارات واصرت عليها انها توصلها 
وفعلا ركبت دينا معاهم ووصلت عند البيت لقت جوزها واقف في الشارع مستنيها نزلت من العربية وتجاهلته وجت تطلع هو وقفها 
ماهر دينا
استنى انتى مش شايفانى 
دينا لأ مش شايفاك ومره تانيه اوعى توقفنى كده تانى 
ماهر شدها من ايديها لا استنى سبتى البيت ليه مش قاتلك ده بيتك وسيبتى العربيه وسايبه الناس توصلك عايزه توصلى لايه باللى بتعمليه 
دينا شدت ايديها منه وسابته ومشيت وهو رجع تانى وراها شدها من ايديها 
اسمعى بقى الشغل ده تسيبيه وترجعى البيت وانا هتكفل بيكى انتى وابنى 
دينا شدت ايديها ابعد عنى ومره تانيه هعملك محضر عدم تعرض 
هنا بيبرس اتدخل محتاجه حاجه يا دكتور
دينا لأ شكرا يا بيبرس بيه ده طليقى كان بيطمن على ابنه وماشى 
ماهر ماشى يا دينا هسكت وهقدر انك بتعملى كده بسبب الغيره بس افتكرى لينا كلام بعدين
وسابها ومشى 
دينا شكرا جدا ليك عن اذنك وسابته وطلعت وهو رجع العربية
سيلا شكل حكايتها حكايه 
بيبرس فعلا بس مالناش دعوه لو هى طلبت المساعدة وقتها ندخل غير كده لأ
يتبع.......
البارت الثالث
عدى بقيت اليوم بدون احداث جديده
تانى يوم الصبح وصلت دينا للمستشفى وبدات شغلها وجات سيلا عشان تبدأ معاها الجلسة
دينا ازيك يا انسه سيلا عامله ايه
سيلا بخير الحمدلله انتى عامله ايه كنت فكراكى مش جايه انهارده
دينا ليه بس 
سيلا عشان امبارح كان شكلك مرهق غير يعنى المشكلة اللى حصلت
دينا لا عادى بالعكس بقى الشغل هون عليا كتير اوى قاعده البيت بتخلينى افكر دايما في حاجات عايزه انساها 
سيلا انا موجوده لو حبيتي تتكلمى واهو ادينا بنجرى وقت الجلسة
دينا المشكلة انى لو اتكلمت هطلع اقرب ناس ليا وحشين وخاينين 
سيلا يعنى هما اذوكى ووجعوكى وخاېفه على شكلهم  
دينا لان جوزى او اللى كان جوزى واختى هما الاتنين
سيلا ايه ده خانوكى مع بعض
دينا لا باختصار هو كان متجوزنى عشان يغيظ اختى عشان ترجعله اكتشفت بعد سبع سنين كنت عايشاهم معاها انى كنت كبرى شفتى 
سيلا احكيلى وصدقينى سرك في بير
دينا حكتلها حكايتها بالتفصيل
سيلا وهو امبارح كان عامل المشكلة دى عشان سبتيله الشقه والعربية واشتغلتى 
دينا اه وده اللى مخلينى مستغربه يعنى المفروض يفرح انى رجعتله حاجته على الاقل لو باعها هيستفاد بتمنها 
سيلا على فكره طليقك ده انانى عايزك انتى واختك وهو خاېف تشتغلى وتعتمدى على نفسك وتنسيه عايزك تفضلى فكراه ومعتمده عليه عشان لو حب يرجعلك تانى تبقى موجوده ومستنياه وخاېف انك تقابلى حد فى شغلك ترتبطى بيه وتتجوزيه عايز كل حاجه 
دينا تفتكرى 
سيلا هتشوفى كلامى وبكره الايام تثبتلك 
دينا اصلا انا شيلته من حساباتى خالص هو مش اكتر من ابو ابنى وبس 
وانتى بقى ايه حكايتك والحدثه دى سببها ايه لو مش حابه تتكلمى خلاص 
سيلا لا يا ستى هقولك اخويا بيبرس كان متجوز واحده بقالهم ٤ سنين كان جواز عن حب انا وماما كنا شايفنها مش مناسبة بس هو الوحيد اللى شايفها مناسبه حذرناه منها كذا مره بس كان دايما على لسانه كلمه واحده لما تعاشروها زى هتعرفوها 
دينا وبعدين
سيلا اول سنه جواز كانت معيشه اخويا فى النعيم لدرجه اننا قلنا لنفسنا اننا كنا ظالمينها 
تاتى سنه لما ضمنت وجودها في حياتنا بدأت تظهر شخصيتها البشعه غيره مش غيره على اخويا لا غيره لو اى حد فينا جاب حاجه جديده حقد مش عايزه حد فينا يحصله حاجه حلوه تالت سنه جواز اكتشفنا إن اخويا عنده مشكله في الخلفه ده بقى خلاها ساقت في قله ادبها وطمعها 
دينا وده ايه علاقته بالحاډثه 
سيلا الهانم حبت تخلص منى انا وماما عشان تبقى الوريثه الوحيده لخويا وقطعتلنا فرامل العربيه بتاعتى 
كنت انا وماما رايحين مشوار لقيت الفرامل مش موجوده فتحت باب العربيه وزقيت ماما لانها كانت رافضه تنزل وتسبنى وقبل مالحق انط انا كمان العربيه اخدت مطب وانا فيها واتقلب وحصل اللى حصل وطبعا مع التحقيقات كل حاجه ظهرت الكاميرات اللى فى الجراج جبتها وهى مكنتش تعرف ان فى كاميرا صوت وصوره فى الجراج واخدت ١٠ سنين تستاهلهم بصراحه 
دينا هو فى ناس كده
سيلا اه زى اختك وطليقك كده 
ناس غير سوية
دينا طيب ومامتك عامله ايه
سيلا خرجت من الحاډثة بكدمات الحمد لله وخفت وانا عملت كذا عملية والحمد لله نجحت منتظره ارجع امشي تانى عشان اتجوز 
دينا انتى مخطوبه ربنا يتمملك على خير
سيلا بصراحه يحيى خطيبى انسان محترم واحد غيره كان سابنى