سمراء ولكن

شىء فهى مسلمة فى البطاقة فقط
فتراها ترتدى ملابس لا تصلح إلا لغرف النوم وتفنن فى وضع مستحضرات التجميل كذلك تسريحات الشعر المختلفة بجانب رائحتها النافذة من العطور
من الآخر يعنى موزة 
لفتت ريم نظر كل من يعمل معها والكل حاول التقرب منها وهى تبتسم للجميع فظن كل واحد منهم إنها معجبة به 
أما كريم فكان ينظر له نظرة المحب الولهان ويقارن دوما بينها وبين المسكينة مها التى أصبح لا يطيق النظر إليها ولا القرب منها بالرغم تفانيها فى إسعاده 
كريم بنظرة حب إزيك يا ريمو 
ريم بدلال ريمو كده بدلعنى 
كريم طبعا من حق الباشا يدلع 
ريم بخجل ميرسى كلك ذوق
كريم متيجى نتغدى مع بعض النهردة 
ريم اوكى مفيش مانع 
عزمها كريم على الغدا فى مطعم شيك اوي
ريم أنت ذوقك حلو اوى يا كريم 
كريم طبعا ذوقى حلو عشان كده أخترتك 
ريم أخترتنى 
كريم من غير لف ودوران أنا معجب بيك
ريم مصطنعة الخجل بس لعلمى إنك متجوز 
كريم بحنق مجوز إيه بس ! 
ولا تتحسب جوازة يا ستى 
ريم ليه بس 
كريم مش بحبها ولا عمرى حسيت بيها وكأنها مش موجودة ومتتحسبش أصلا على الصنف الحلو 
ريم طيب ليه أجوزتها 
كريم امى يا ستى ربنا يسامحها
ريم طيب مطلقها 
كريم عايز والله بس أنا امى ملهاش غيرى ومش عايزها تغضب عليه وهى بتحبها عشان غلبانة زيها 
بس أنا قلبى عمره مشاف ولا حن ولا دق إلا ليكى
ريم بالسرعة دى 
كريم من أول لحظة شفتك فيها قلت هى دى ال هتقدر تسعدنى وتعوضنى على الجفاء ال عشته 
ريم كلام جميل بس أنت برده مفهمتنيش هيكون إيه أخر الإعجاب ده 
كريم أخره جواز طبعا أنا مش بتاع حرام أبدا
ريم جواز ومراتك 
كريم اعتبريها مش موجودة وهتكون على ذمتى على الورق بس لكن هكون ليكى لوحدك 
ريم مش عرفة طيب إدينى فرصة أفكر 
كريم فكرى بس قلبى حاسس إنك هتكونى ليه 
ريم يسلام للدرجاتى 
كريم وأكتر كمان وبكرة تشوفى وكل طلباتك هتكون مجابة ولو حتى طلبتى نجمة من السما 
ريم محدثة نفسها ده واقع خالص وعلى العموم هو فرصة هيكون تحت إيدى وأمشيه زى منه عايزة بدل ماخد واحد يقلى يمين يمين شمال شمال وعقد وأنا عايزة أعيش حياتى بحرية 
ريم طيب يا كيمو مش نمشى عشان أتاخرنا على الشغل 
كريم بس متدنيش كلمة لسه أقول مبروك 
ريم بضحك اصبر شوية 
كريم يا صبر أيوووووب 
باليل عند مها 
داخل كريم يدندن ويغنى
رمش عينه اللى جارحني رمش عينه
رمش عينه اللى دابحني رمش عينه
مين ياناس يحكم مابين قلبي وبينه
رمش عينه اللى جارحني رمش عينه
مها الحمد لله شكله رايق النهاردة فيارب ميتعصبش عليه ويعاملنى كويس وربنا يهديه 
مها حمد لله على السلامة يا كريم 
كريم بضيق الله يسلمك 
مها تحاول تحضنه وتقوله وحشتنى 
كريم يبعدها 
هاخد دش وأطلع ألاقى الأكل جاهز 
مها بكسرة نفس حاضر يا كريم 
مها محدثة نفسها يمكن مش عجبه لبسى أروح اغير ألبس حاجة تانية واغير نوع البرفان وأغير شكل شعرى يمكن ياخد باله منى 
طلع كريم وشاف مها ولاحظ إنها غيرت لبسها وسابت شعرها الطويل الناعم وحس بريحتها جميلة اوى وشاف منظر السفرة على أحلى ما يكون من تنظيم وإبداع فى طريقة عرض الأكل فابتسم 
كريم محدثا نفسه صراحة هى فعلا بتعمل كل حاجة حلوة وبتهتم بنفسها بس برده مش حسسها كده وملهاش فى الدلع وبشرتها السمرة كمان 
أما ريم فحاجة تانية كلها على بعضها تتاكل أكل 
مها بإبتسامة اتفضل يا حبيبى يارب يعجبك الأكل 
كريم أكل وقام من غير ميقول حتى تسلم ايديك
ومسك الموبيل وجاب صفحة ريم على الفيس وطبعا مغرقة الصفحة صور أشكال وألوان 
كريم زى القمر كنتى
غايبى عنى فين بس من زمان 
كانت فى الوقت ده جاية مها ومعاها فنجان قهوه وشافت الصور فى الموبيل وظنت إنها ممثلة لإنها مكنتش متوقعة من وحدة عادية إنها تصور باللبس ده وبالطريقة دى 
مها إستغفر الله العظيم إمتى بس يا كريم ربنا يهديك وتغض بصرك عن الحړام وأنا حولت أصبر وأغير من نفسى عشان تغض بصرك بس مفيش فايدة 
أنت شايف فيهم القشرة ال بره هى ال عجباك لكن مشفهتهمش على حقيقتهم وأشكالهم بدون ميكب وأغلبهم أصلا مغيرين فى شكلهم بسبب عمليات التجميل بس للأسف انتم مش حاسين بدء 
وحولت مها تكتم غيظها ونحنحت عشان يحس إنها جت ويقفل ورسمت على وشها إبتسامة رغما عنها وقعدت جمبه 
كريم قفل الموبيل وحس بإرتباك 
مها وهى تلمس شعره بيديها وتنظر فى عينيه بشوق لجعله يشعر بها وبإحتياجها له 
كريم محدثا نفسه إيه ده أنا أول مرة اخد بالى إن ملامحها بالرغم من إنها سمرة رقيقة وشفايفها حلوة اوى وخدودها كمان بتحمر من الكسوف انت غلبانة أوى يا مها 
وأحس كريم برغبة فى القرب منها ولكن تذكر ريم وشقاوتها وإن مها هتكون مجرد زوجة فى الورق فابتعد عنها سريعا 
كريم أنا داخل أنام 
مها وقد أحست بڼار ټحرق قلبها ليه بيبعد عنى بالشكل ده انا خاېفة يكون بيفكر فى وحدة تانية عشان كده متغير معايا اليومين دول 
حولت مها تهدى من نفسها ودخلت أتوضت وصلت بخشوع وسجدت وفضلت تدعى وتبكى 
كريم محدثا نفسه صعبانة عليه بس مش هقدر آجى على نفسى اكتر من كده ولازم أشوف حالى 
خلصت مها صلاة ومسكت المصحف وقرئت بصوت مسموع لغاية موصلت لأية
مثنى وثلاث ورباع فإن خفتم ألا تعدلوا فواحدة فخفضت صوتها فى هذه الأية من شدة غيرتها 
كريم صوتها حلو اوى وأديها قرئت بنفسها كلام ربنا يعنى أنا مش هعمل حاجة غلط 
وطبعا عجبه النص الاولانى ونسه كلمة فإن خفتم ألا تعدلوا فواحدة 
ولن تستطيعوا أن تعدلوا سبحان الله 
ربنا سبحانه وتعالى يعلم أنه لا يستطيع إنسان على وجه الأرض أن يعدل بين زوجاته إذا فالأصل هو الزواج بواحدة وليس الأصل التعدد كما يفهم الرجال 
إستمرت مقابلات ريم وكريم واتفقوا على الزواج وأشترى شقة وكتبها بإسمها مع شيك على بياض تكتب فيه المبلغ ال يعجبها وكل ده عشان ترضى عنه 
لكن مها كان يراضيها منه كلمة بس حلوة أو معاملة بالمعروف 
وقبل يوم زفافه على ريم بيوم واحد
كريم مع مها 
كريم مها أنا عايزك فى موضوع 
مها بساذجة خير حبيبى 
كريم حبيبى ايه بس هقلها إزاى كده بس لازم تعرف عشان هسيب البيت وهى حرة لو عايزة أطلقها هطلقها 
كريم بتردد بصى يا بنت الناس أنا عارف إنك كويسة وبنت حلال وحولتى تسعدينى بس أناااااااا 
مها وقد أحست أن قلبها قد سقط منها وجحظت عينيها خوفا فهذا ما كانت تخشاه أنت إيه يا كريم 
كريم صراحة أنا مش مرتاااااح وحبيت وحدة زميلتى فى الشغل وهجوزها 
وأنت ال تحبيه عايزة تستمرى معايا ماشى مش عايزة برحتك 
مها وقد شعرت بدوار من هول المفأجاة ولم تحتمل فسقطت مغشيا عليها 
كريم ربنا يستر ألا يكون جرالها حاجة واتصل كريم بالدكتور وجه بسرعة وحاول يفوقها وفاقت فعلا بس دموعها كانت مسابقها لغاية مسمعت الدكتور بيقول 
مبروووك يا فندم المدام حامل 
مها حااامل معقول وفكرت لثانية إن الحمل ممكن يغير