فيروز بقلم ايمان عبدالرشيد

طلعت بغيظ ودموعي علي خدي 
هتفكلي السوسته ولا لا. 
اتكلم بضحكه حاول يداريها 
ما كان من الاول لازم تعملي فيها جامده. 
بصتله بعصبيه 
تصدق انا غلطانه. 
مسك ايدي واتكلم بنبره حنونه 
خلاص متتقمصيش تعالي. 
شال شعري علي جنب ومد ايده يفكلي سوسته الفستان نظرا لفرق الطول بينا اتكلم بجمود 
انت قصيره كده لي. 
انت الا عمود نور. 
لسانك ده عاوز القطع.
مشيت من قدامه عشان اغير الفستان اتنهدت بضيق وقعدت اعيط علي الا حصل وان مهما حاولت ابين ان
عادي ومش فارقلي بس انا موجوعه في يوم وليله
الحال اتبدل واحلامي اتهدت لقيت نفسي مع شخص
لا هو بيطيقني ولا انا بطيقه وكل ده
عشان الناس مع
ان هما في كلا الحالتين بيتكلموا بس علي رأيه اهون.
بصلي واتكلم بشك 
كنتي بټعيطي 
اتكلمت بصوت مبحوح 
لا مش بعيط. 
ايوه مهو باين علي وشك وصوتك اهو. 
حاولت اغير الموضوع 
انت يا بني ادم بتعمل اي. 
اي هنام. 
نامت عليك حيطه حالا اتفضل قوم نام في اوضه الاطفال. 
واي لازمتها اتفضل بعدين لو مش عاجبك روحي انت. 
دبدبت پغضب 
مش راحه. 
خلاص اتهدي وتعالي نامي عشان مش ناقص صداع. 
اوف وسع. 
انت هتنامي كده !. 
كده ازاي. 
بالاسدال. 
ايوه هنام كده انا مرتاحه كده. 
قومي غيري ربنا يهديكي قومي. 
انت مالك انا مرتاحه كده الله. 
مټخافيش مش هغت صبك. 
اتكلمت باحراج وتلعثم 
اا...اا.. انت قليل الادب. 
ضحك وبصراحه ضحكته ټخطف القلب 
طب قومي.
وفعلا سمعت كلامه وقومت لاني مكنتش مرتاحه في الاسدال غيرت هدومي لبيجامه نوم حلوه ومريحه 
وسيبت شعري علي ضهري.
شهقت بخضه 
انت البس التيشرت بتاعك انت مش لوحدك. 
بصلي من فوق لتحت واتكلم بجمود 
لا جمر بالبيجامه. 
نفخت خدودي بضيق واحراج 
البس التيشرت انت مبتفهمش.
قرب مني ورجعت لورا بخضه كل ما يقرب خطوه ارجع لورا خطوه لحد ما اتخبطت في الحيطه اتكلم بابتسامه وهو بيبص ف عيني مش هلبس بيتي وانا حر وبعدين انت مراتي في عادي جدا. 
مراتك علي الورق. 
بطلي تستفزيني عشان مخليهوش حقيقه. 
طب البس التيشرت. 
مش هلبس. 
بصتله باعجاب فتابع كلامه 
هتاكليني بنظراتك. 
علي فكره مكنتش ببصلك. 
طب اسكتي عشان عاوز انام اليوم كان متعب.
اتنهدت ونمت جنبه بهدوء .
انت مفكر نفسك جوزي بجد ابعد يعم. 
يعم !! 
ايوه ابعد عني انا قولتلك مليون مره متقربش مني. 
اتخمدي واسكتي عشان مش هسيبك مهما عملتي.
سمعت كلامه وفعلا نمت من التعب اليوم كان متعب جدا.
______________
تاني يوم الصبح 
مين كان هنا...واي صوت الخبط ده. 
اهلي واهلك كانوا جايين يطمنوا علينا. 
هما لي محسسيني ان الجوازه دي حقيقه. 
لسانك دايما بينقط دبش. 
بصتله بكسوف 
طب انا جعانه في اكل هنا !.
فيه علي السفره بره. 
انا مش باكل الاكل ده. 
امال بتاكلي اي. 
باكل تشيكن فرايز وسوشي و... 
قاطع كلامي واتكلم پحده 
سوشي اي وبتاع اي هو البط والحمام والكوارع والمحشي. 
انا مش هاكل من ده انا ممكن اكل المحشي. 
عنك ما كلتي هاكل انا. 
بصلي بطرف عينه 
تاخدي !.. 
هجرب انا اصلا مش عاوزه اكل عشان متختش. 
عاجبك وانت عامله شبه العود القصب كده. 
بصتله بغيظ 
ده عود فرنساوي انت مبتفهمش اصلا. 
لا مبفهمش الا في الكير في بصراحه. 
طب اسكت متعصبنيش. 
تقريبا كنتي بتقولي مش هتاكلي من الاكل ده. 
انا اصلا شبعت. 
بعد ما خلصتي الاكل علي العموم بالهنا والشفا.
البط معجبنيش الباقي حلوين اوي. 
____________________
بعد مرور اسبوع 
صباح الخير يا جماعه. 
صباح النور. 
لسه صاحيه سيادتك. 
اتكلمت بعفويه 
ايوه لسه صاحيه في حاجه. 
لا نموسيتك كحلي. 
يعني اي مش فاهمه. 
هتعملي فيها من باريس. 
اتكلمت اخت ايوب
سيبك منهم. 
مشوفتوش ايوب!. 
هتلاجيه في الجنينه. 
وانا بجول ايوب هيسيبها تنزل كده ازاي. 
بصتلها باستغراب فكملت كلامي طب هروح اشوفه.
روحت الحديقه بتاعتهم ادور عليه كنت عاوزاه في موضوع مهم وبعدين ازاي يسيبني وينزل وهو قالي هننزل سوا يعرفني علي اهله الا انا مش فهماهم دول.
لقيته بس مكنش قاعد لوحده فشاورتله مشافنيش فندهتله 
ايوب. 
بصلي بعصبيه مش فاهمه سببها وجز علي اسنانه پغضب وقرب مني شدني من ايدي 
ده انت ليلتك طين ومش هتعدي.
يتبع...
part3
لو انت اهلك معرفوش يربوكي انا هربيكي انت ازاي تنزلي بالمنظر ده. 
ماله منظري وازاي تتكلم معايا بالاسلوب ده !. 
اتنهد پغضب وعينه بتطق شرار وشدني من دراعي 
نزلالي بنص كم وشعرك باين والهدوم مفصله جسمك!. 
وانت مالك البس اي وملبسش اي ملكش حكم عليا. 
لا لو ناسيه افكرك انا جوزك لو كنت زمان كده ده كان في بيتكم مش عندي ومش هسيبك تمشي علي حل شعرك. 
بصتله بعصبيه 
جوزي علي الورق يا ايوب اوعي تنسي نفسك. 
ولو علي الورق هتعملي زي ما جولت. 
ما انا دايما بشعري ويوم فرحي كنت بشعري. 
كنتي بشعرك عشان معاكي واحد لا مؤاخذه مش راجل انما انت مراتي وانا مش زي ناس والا قولته يتنفذ سامعه!.
اتكلمت
بعصبيه 
وانا مش هعمل غير الا علي مزاجي. 
يبقي انت الا جلبتيه لنفسك اتقي شړي. 
سيب ايدي يا ايوب انت بتوجعني. 
بصلي بجمود وقلع الجاكت بتاعه وحطه عليا 
انجري اطلعي علي فوق . 
مش عاوزه الجاكت بتاعك اتفض... 
قاطع كلامي بجمود 
قسما بالله يا فيروز لو قلعتي الجاكت ما هيحصل خير.
سمعت كلامه فعلا وطلعت علي فوق بغيظ فضلت اتحرك في الاوضه راحه جايه ازاي يكلمني كده هو مفكر نفسه جوزي بجد لما يطلع انا مش هسكتله انا محدش يزعقلي 
ولا يكلمني كده مفكرني هعيط واسكتله يبقي بيحلم.. 
طب مش عاوزك تسكتي. 
شهقت بخضه 
بسم الله انت دخلت هنا ازاي !. 
من الباب انت الا كنت مشغوله في الكلام مع نفسك. 
بصتله پصدمه 
انت هنا من امتي. 
من اول ما بداتي كلام مع نفسك. 
قصدك اي. 
الا فهمتيه. 
قصدك اني مقنونه. 
مقنونه وبتتريقي علي كلامنا !!. 
ده تريند علي التيك توك يا جاهل. 
ما قولتلك قبل كده سبنالك التكنولوجيا. 
هوف انا بتكلم مع مين اصلا. 
الا كنت بتقولي تقريبا مش هسكتله. 
اتكلمت بتوتر وتلعثم 
مين الا قال كده لا مقولتش هتلاقيك سمعت غلط بس. 
اها فكرت يبوي علي الناس الجبانه. 
بصتله بطرف عيني 
علي فكره انا مش هغير لبسي ولا اسلوبي. 
هتغيري لبسك بالذوق لاما بالعافيه انت حره. 
بصتله واتكلمت بصوت عالي نسبيا 
انا ده لبسي ودايما عايشه في مدينتي كده. 
بس الوضع اختلف وصوتك ميعلاش عليا. 
دبدبت علي الارض پغضب 
مش هغير لبسي يا ايوب. 
متخلنيش استخدم اسلوب ميعجبكيش.
اتنهدت بضيق واتكورت علي نفسي حاولت اتماسك ومعيطش بس عيطت پقهر علي دنيتي الجديده كنت
فين وبقيت فين ازاي هقدر اتأقلم واتعايش مع تقاليد مختلفه تماما عني.
قرب مني ورفع وشي واتكلم بنبره حنينه وهو بيمسحلي دموعي 
بټعيطي لي الوقتي. 
عشان انا حاسه ان انا غريبه يا ايوب. 
غريبه كيف يعني وانا موجود. 
بصتله بدموع 
انا عاوزه انام يا ايوب اطفي النور وسيبني. 
لا مش هتنامي تعالي هخرجك وهعرفك علي اهلي جومي. 
بصتله بابتسامه ممتزجه بالحزن 
انا مقولتلكش انا نزلت بس مفهمتش منهم حاجه. 
ضړب كف علي كف 
نزلتي لوحدك كده !. 
ايوه وانا نزلالك. 
اتنهد بقله حيله 
مش هتكلم عشان مترجعيش ټعيطي تاني. 
البسي يالا. 
ما انا لابسه اهو. 
هو انا كنت بتكلم اجنبي من شويه ولا اي. 
هو انا مقولتلكش ما انا معنديش هدوم طويله اه والله. 
سبحان الله هو انا مقولتلكيش انا كمان مش انا جبتلك هدوم طويله. 
اتكلمت پصدمه 
جبتهم امتي دول انا مشوفتهمش. 
ما انت مفتحتيش الدولاب.
اتنهدت وروحت فتحت الدولاب كان فيهم دريسات وفساتين شكلهم جميل ويبهر بصراحه بس مش ذوقي لان مش بلبس كده مديت ايدي وخدت دريس البسه عشان مش قادره فعلا اجادل او اټخانق مع ايوب.
بصلي بلهفه واعجاب بان في عنيه اتكلم بهمس يكاد مسموع 
اي الهم ده هيا بتحلي الحاجه ولا اي. 
ابتسمت بخجل 
مش يالا ولا اي. 
ملبستيش الطرحه لي . 
بصتله بضيق 
طب والله ما هنزل سيبني علي راحتي. 
هتلبسيها. 
قولت لا يعني لا استحاله.
وطبعا مش محتاجه اقولكم