حكايه عايده

فيه وفي لي لة وهو نايم اخدت تليفونه ادور فيه علشان اشوفهم بيتصلوا ببعض والا لا
لاقيته عامل رقم سري للتليفون وديه اول مرة يعمل فيها رقم سري لتليفونه
قلت يمكن علشان قفشته قبل كدة اكتر من مرة بيكلم بنات
واستنيت تاني يوم وقلتله هات تليفونك ارن علي ماما علشان مش معايا رصيد
فتح لي التليفون خدته وعملت اني بكلم والدتي ودخلت لمطبخ علشان الاكل علي الڼار طلبت رقمها ولاقيته مسجله باسم ابراهيم شركة 
وفتحت رسالتين بسرعة كدة بينه وبين رقمها بتقوله محمود جوزها عنده مأمورية بكرة واحدة تانية بتقوله وحشتني!
من سكات مسحت الرنة اللي رنيتها عليها ورنيت علي والدتي
قولتلها عاملة ايه 
قالتلي مال صوتك 
قولتلها ماليش بس داخل عليه دور برد المهم انتي كويسة 
قالتلي الحمد لله
قفلت مع والدتي ورجعت له التليفون
وبعد ماخرج رنيت علي اخويا وانا مڼهاره وبعيط قولتله كل حاجة
طبعا ماكانش مصدق في الاول بس
قالي اوعي تبيني لجوزك انك عرفتي اي حاجة !
وانا هتصرف قلتله هتعمل ايه 
قالي هفهمك بعدين
وبالرغم من ان اخويا قالي مابينش لجوزي اي حاجة بس ما قدرتش وكنت بحاول اتجنبه علي غير عوايدي بس هو حتى من كتر ما كان دماغه مشغول بيها ما اخدش باله !
وبعد يومين لاقيت اخويا بيتصل عليه
قالي انا قلت لمراتي اني عندي مأمورية بعد بكرة وهبات بره
الجزء الثالث
أخويا اتصل بيا وقالي أنو قال لمراتو أنو عندو مأمورية
بعد بكرة وقالي كمان أن بكرة اخواتي
هيتجمعوا عند أهلي لازم أروح وكمان اخد جوزي معايا
قلتله بلاش مش هتقدر تتحكم في أعصابك
لو حصل أي تجاوز قدامك بعد ما عرفت اللي بيحصل من وراك 
قالي انا عاوز أشوف كل حاجة علي الطبيعة
المهم أنك ما تبينيش أي حاجة لجوزك 
قلتله ماتقلقش بس عرفني أنت ناوي تعمل ايه 
قالي ماتشغليش بالك أنت سيبيها علي ربنا 
قلتله ونعم بالله وقفلنا 
قبل ما جوزي ييجي بالليل كنت نيمت البنات وجهزت العشا
زي كل لي لة لما جه واحنا بنتعشي
قولتله ان شاء الله بكرة هروح عندنا أقضي اليوم مع اخواتي
هتيجي معايا انا والبنات ولا هتعمل ايه 
رد عليه والفرحه هتنط من عينيه
وقالي هقعد لوحدى أعمل ايه هاجي أقضي اليوم
معاكي أنت والبنات 
قلتله هنروح علي الغدا ان شاء الله!
قالي علي الغدا مانروح من أول النهار زي كل مرة 
قلتله غريبة !
قالي ايه اللي غريبة !
قلتله ده انا كنت بتحايل عليك قبل كده تيجي بس تتغدي معانا
مش تقعد اليوم كله ما كنتش بترضي
قالي لو مش عاوزاني اروح هفضل هنا
شكلك مش مبسوطة أني هق ضي اليوم معاكم 
قلتله لأ طبعا مبسوطة بس خلينا نروح علي الغدا أكون خل صت اللي ورايا 
وزي ما يكون خبر مرواحنا لأهلي فتح نفسه علي الأكل 
بعد العشا
قعد هو يتفرج علي التيليفزيون وأنا دخلت نمت
تاني يوم قبل العصر بحاجة