انا سهر 35 سنه متجوزه من 13 سنه بقلم اسراء محمد

بانتباه نعم
سمير في اي
اياد علاقتك ببنتك حسستني قد اي كنت قاسې مع البنات
سمير المهم دلوقتي انك تحاول تصلح
اياد هحاول بس هما يدوني فرصه
سمير انا هتكلم معاهم متقلقش
اياد انا متشكر جدا يا استاذ سمير
سمير استاذ دي لما كنت شغال معايا لكن دلوقتي انا سمير وبس
اياد متشكر اوي يا سمير
سمير مفيش شكر بينا احنا الاتنين هدفنا اسعاد البنات وعلاقتك بيهم تبقي كويسه
اياد اه والله
سمير يبقي متقلقش
اياد مش قلقان طول ما انت موجود
سمير تسلم
واياد استأذن ومشي
وبعد اسبوع سمير كان بيحاول ميتكلمش مع البنات في الموضوع لحد ما يهدوا
وهما قاعدين
سمير انا عايزكم يا بنات في موضوع
البنات اتفضل يا بابا
سمير يزيد ادخل انت ونورسين وسليم جوا العبوا شويه مع بعض لحد ما اخلص كلام مع اخواتك
يزيد حاضر يا بابي
ودخل جوا
سمير هنتكلم من غير انفعال وعصبيه مفهوم
ريما يبقي هتتكلم في موضوع اياد ده صح
سمير اسمه بابا مش اياد
ديما احنا الثلاثه متفقين اننا ملناش بابا غيرك يبقي بتتكلم في اي
سمير بس هو ابوكم اللي بسببه انتوا جيتوا الدنيا وعرفتوني وعرفتكم وبقيت الاب ليكم وبقيتوا
بناتي
ريتا بعصبيه بس
ديما ثواني يا ريتا نشوف بابا عايز يقول اي الاول
سمير عين العقل يا ديما انا كل اللي عايز اقوله انكم تقعدوا وتفكروا انكم تسامحوه زي ما ماما سامحت
ريما انتي سامحتيه
سهر اه سامحته
ديما لي
سهر عشان لولا اللي حصل ده كله مكناش شوفنا سمير ولا عرفناه ولا اتجوزته واخواتكم جم عرفتي بقي سامحته لي
ديما باقتناع عرفت
سهر انتوا بقي هتعملوا اي
ريما انا مش هسامحه
ريتا ولا انا
سمير وانتي يا ديما
ديما هفكر
ريما نعم
سمير من غير عصبيه يا ريما
سهر عشان خاطري يا ريما فكري انتي كمان وانتي يا ريتا فكري
ريتا من غير ما افكر مش موافقه
سهر اقعدي وفكري وبعدين نتكلم
وبعد يومين
ديما مامي
سهر نعم
ديما انا عايزه اقعد مع بابا
سهر حاضر هقول لسمير يكلمه بس اقنعي اخواتك انهم يقعدوا معاكي
ديما حاضر
سمير رجع كانوا كلهم قاعدين مع بعض الريسبشن
قال السلام عليكم
كلهم وعليكم السلام
سمير متجمعين عند النبي
سهر يارب
سمير انا مېت من الجوع
ديما خمس دقائق والاكل يكون علي السفره
ريما انا جايه معاكي
ريتا وانا كمان
وقاموا البنات
سهر سمير ابقي كلم اياد وقوله البنات عايزين يقعدوا معاه
سمير انتي اللي غصبتيهم
سهر لا والله ديما هي اللي جت قالتلي من نفسها
سمير طب وريما وريتا رأيهم اي
سهر معرفش بس انا قولت لديما تقنعهم
سمير يبقي مش هكلمه غير لما كلهم يبقوا عايزين يقعدوا معاه
سهر خلاص اسألهم يمكن يوافقوا
سمير حاضر
ريتا الاكل جاهز
قاموا كلوا
وبعد الاكل
سمير مين بالظبط اللي عايز يقعد مع اياد
ديما احنا الثلاثه
سمير متأكدين
ريما اه متأكدين
سمير ماشي هكلمه وحدد معاه ميعاد بس بشرط
ديما اي هو
سمير انتوا اللي هتروحوا عنده
ريتا لا طبعا
سمير هو لما احتاج يشوفنا جه لحد عندنا انتوا كمان احتاجتوا تشوفوه يبقي تروحوا لحد عنده
ديما مواقفين بس بشرط
سمير اي هو
ريما هتكون معانا
سمير ماشي
تاني يوم
سمير كلم اياد
سمير ازيك يا اياد
اياد الحمدلله وانت
سمير الحمدلله
اياد والبنات عاملين اي
سمير ما انا بكلمك عشانهم
اياد مالهم البنات
سمير عايزين يقعدوا معاك
اياد بفرحه بجد
سمير اه
اياد طب ممكن اجيلهم امتا
سمير انا هجيبهم لحد عندك
اياد وهما هيوافقوا
سمير هما موافقين
اياد طب ممكن تجيبهم النهارده
سمير طب خليها لبكره عشان يبقوا عاملين حسابهم
اياد خلاص ماشي
تاني يوم
سمير اخد البنات وراحوا لاياد
اياد ازيكم يا بنات وحشتوني اوي
ديما احنا جايين نسمع منك عملت فينا كده لي
اياد 
يتبع.
الحلقة الرابعة والعشرون
سمير اخد البنات وراحوا لاياد
اياد ازيكم يا بنات وحشتوني اوي
ديما احنا جايين نسمع منك عملت فينا كده لي
اياد اللي حصل اني وحيد امي بسبب ان ابويا ماكنش بيحب البنات وكانت كل ما تحمل ويعرف انها حامل في بنت يجبرها تسقطها لحد ما اخر مره وهي بتعمل العمليه حصلها ڼزيف و الدكتور اضطر يشيل الرحم وابويا لما عرف انها شالت الرحم ولايمكن تخلف تاني طلقها وسابني وسابها وراح اتجوز عشان يخلف ولاد كتير وبسبب اللي حصل ده هي کرهت البنات وكرهتني فيهم لحد ما قابلت سهر كانت احلي حاجه حصلتلي واقنعتها بالعافيه انها توافق اتجوزها ولما اتجوزتها وخلفت بدل البنت ثلاثه معرفتش اسيطر علي مشاعر كرهي ليكم مع اني كنت ببقي مبسوط أن هيبقي ليا بنت تحلي ايامي بس للاسف امي كانت دائما بتفكرني باللي بابا عمله فيها وانه سابنا عشان كده كنت بعاملكم وحش وفي الاخر اتخليت عنكم زي ما هو عمل
فينا بس والله العظيم والله العظيم وحياتكم عندي انا ماكنتش عايز ده كل يحصل
ديما طب ولما هي پتكره البنات اوي كده كانت لي عايزه تجوزك كل شويه
اياد مين قالك انها كانت بتحب اللي بتجوزها
ريما اومال اي
اياد هما كانوا بالنسبه لها اداه مستخدمه لخلفه الولد مش اكتر
البنات بعد ما عرفوا اللي هما عايزنه استأذنوا ومشيوا من غير ما يسلموا على اياد
سمير متزعلش منهم بس اللي حصل النهارده ده خطوه حلوه
اياد انا مش زعلان منهم انا زعلان من نفسي اني في يوم قسيت عليهم
سمير كل حاجه هتتصلح متقلقش المهم دلوقتي هنزل عشان ميقفوش كتير في الشارع لوحدهم
اياد ماشي وشكرا اوي بجد
سمير مفيش شكر بينا
وسابه ونزل
اياد صعب علي البنات وحسوا انه ضحيه لأفكار غلط بس لسه مسامحوش
رجعوا البيت
سمير السلام عليكم
سهر ها عملتوا اي
سمير طب ردي السلام الاول
سهر وعليكم السلام عملتوا اي بقي وزعلانين لي يا بنات
ديما بعدين يا مامي
وسابتها وقامت
سهر احكي انتي يا ريما مالكم
ريما انا عايزه اتغدا
سهر انا معملتش اكل عشان المفروض ان سمير قال هتجييوا الاكل وانتم جايين
سمير نسيت معلش طب قوموا ريحوا شويه يا بنات عقبال ما اطلب
البنات قاموا فعلا من غير ما يتكلموا
سمير فين باقي العيال
سهر في اوضه اللعب بتاعتهم
سمير طب كويس هطلب الاكل وندخل نتكلم في الاوضه عقبال ما يجي
سهر ماشي
وسمير فعلا طلب الاكل ودخل هو وسهر الاوضه
سهر في اي والبنات مالها يا سمير
سمير حكالها كل حاجه
سهر پصدمه انا مش مصدقه اللي بسمعه
سمير لا صدقي لان هو ده الكلام اللي قاله واكيد مش هيكدب ويطلع أبوه وحش عشان من بناته
سهر يعني في الاخر هو طلع ضحيه زيننا
سمير للاسف اه كلكم ضحيه
لمعتقدات وافكار غريبه من ابوه واتنقلت لامه بسبب اللي حصلها
سهر طب والبنات كان ردهم اي
سمير سمعوا ومشيوا ومن ساعتها وهما في حاله صمت زي ما شوفتيهم
سهر طب اي انا لازم اتكلم معاهم واخرجهم من اللي هما فيه
سمير سيبيهم مع نفسهم يومين
سهر يعني اي
سمير يعني متتكلميش معاهم في الموضوع ده هما هيقعدوا مع نفسهم ويفكروا ولما يوصلوا للقرار هيتكلموا
سهر ماشي مع اني مش مقتنعه
وعدا اسبوعين وسهر كل ما تحاول تكلم البنات في موضوع اياد سمير يقفل الكلام
لحد ما في مره سهر وسمير قاعدين في الريسبشن
دخلوا عليهم البنات
ديما احنا عايزين نتكلم معاكم شويه
سمير اقعدوا واتكلموا
قعدوا
ديما احنا اللي فتره اللي فاتت دي كنا بنفكر في اللي حصل مع اياد
سمير قولت قبل كده اسمه بابا مش اياد
ديما كنا بنفكر في اللي حصل مع بابا
سهر ووصلتوا لاي
ديما قررنا نحاول ننسي اللي فات ونبدأ معاه من جديد عشان طلع ضحيه زينا
سمير عين العقل بس عايز اسمع الكلام ده من اخواتك
ريما انا موافقه