لانك معي (الوصيه) بقلم نشوه عادل

ما لبسوا اللبس الخاص واتعقموا دخلوا ع فتحى اللى محطوط ع اجهزة القلب والاكسجين المركز
فتحى بتعب وخفوت تعالى يا ساجدة قربى
ساجدة كانت بتقرب پخوف وخطوات ثقيلة نعم
فتحى بابتسامة تعب سامحينى يا بنت الغالى انا ظلمتك وربنا بيحاسبنى عليك ابوكى امنى وانا مكنتش اد الامانة يمكن متفهميش كلامى بس عشان خاطرى قوليلى سامحتك يا عمو
ساجدة سامحتك يا عمو
ابتسم فتحى وبص ليوسف انت طلعت ارجل من ابوك يا يوسف وواثق ان ربنا هيعطيك من وسع بس لما اموت افتكرنى بدعواتك متنسنيش
يوسف قرب منه والدموع فى عيونه باس ايده وبص ليه جامد متقولش كده ان شاء الله هتكون بخير
فتحى خلى بالك من امك واختك يا يوسف هما ملهمش بعد ربنا حد غيرك
يوسف يا حاج بالله عليك كفاية كلام دلوقتى واللى انت عاوزه انا هعمله ليك بس عشان خاطرى ارتاح انت دلوقتى
فتحى برضا انا فعلا دلوقتى بقيت مستريح يالا اخرج برة بقى
يوسف حس ان ده الوداع حضڼ ابوه بقوة وقعد يبوس فى ايده ودماغه وفتحى باس ايده هو وساجدة وبعدها خرجوا دقيقتين ودخلت الممرضة ولقت الجهاز بيصفر خرجت بسرعة
الممرضة يا دكتور تعالى بسرعة
دخل الدكتور مع الممرضة وحاولوا انعاش قلب فتحى لكنه اتوقف تماما وهنا خرج الدكتور وقال البقاء لله يا جماعة انا هخلص تصريح الډفن على ما تدفعوا حساب المستشفى
فجأة ايناس قعدت تصوت ويوسف جرى عليها حضنها وقعد يهديها لحد ما هدى اما عمر فكان ماسك ساجدة وبيطبطب عليها وهى بټعيط لانها مستوعبة ان عمها ماټ خلاص ......تعدى سنة ايناس صممت تفضل فى شقتها ورفضت ان ساجدة تروح تعيش معاها فكان يوسف بيودها ع طول لوحده والنهاردة اهم يوم فى حيات يوسف فرحه هو ومريم وووو..........
استوب يا كتاكيت رأيكم يهمنى جدا وتوقعاتكم كمان للبارت الجاى 
يتبع
بقلم_نشوه_عادل
لانك_معى البارت الخامس
النهاردة اهم يوم فى حيات يوسف فرحه على مريم وكان فى قاعة جميلة جدا وكانت مليانة بالاهل والاصحاب اللى بيبارك للعروسين
ساجدة بمرح هيييييييييح جه اليوم اللى لبست فيه سواريه ولبست هيلز وحطيت ميك اب وانت متزعقش عجبت لك يا زمن
يوسف بضحك طب اسكتى بدل ما اقلب واخليكى تشيلى المحارة اللى فى وشك ده
ساجدة بقولك ايه انا مش مريم انا بقولك اهو ده انتى الله يكون فى عونك يابنتى والله
مريم بحب ع قلبى زى العسل والله
ساجدة اخص عليكى طب جاملينى واكدبى عليا طاه
مريم ده انتى حبيبتى والله
يعدى اليوم وياخد يوسف مريم ع البيت واول ما يقفل الباب يخدها فى حضنه جامد وهو بيهمس بحنان مش مصدق انك بقيتى معايا ومقفول علينا باب واحد
مريم بخجل لا صدق انا معاك وجنبك
كان بيقرب عشان يلتهم شفا..يفها لكنها قالت هى ساجدة راحت فين مجتش معانا ليه!
يوسف ساجدة ايه بس دلوقتى ما تخلينا فى اللى احنا فيه ده بس
مريم خبطته ع كتفه انت قليل الادب والله فين ساجدة!
يوسف هتبات النهاردة مع دينا اخت عمر هما اصحاب اصلا وانا مطمن عليها هناك لان عمر هيخلى باله منها كويس وانا واثق فيه وبكرة ان شاء الله هتيجى ....كان بيقرب لكن قاطعته مريم اهدى لازم نصلى الاول
يوسف ماشى يا سيتى حاضر اما اشوف اخرتها معاكى
بالفعل اتوضوا وصلوا وووو.... ملناش دعوة عند ساجدة اللى كانت واقفة فى البلكونة بتبص ع القمر جه عمر من وراها وقال الجميل سرحان فى ايه!
ساجدة اول مرة انام فيها برة الببت بعيد عن يوسف كنت بحط راسى ع المخدة انام لانى مطمنة