يوم فرحى استنيت جوزي لكن مجاش وكسرني

صفقات محتاجه امضته ومقابلات كتير اجلناها كده هنخسر العمله بتوعنا ياهانم والشركة ممكن تقع خلال شهرين او أقل آدم بيه اللى بيمشى كل حاجه
وانتوا لازمتكم ايه
ياهانم الشركه لازم يكون ليها مدير احنا كل واحد بيقوم بشغله بس فيه حاجات مش من اختصاصنا قايمه على آدم بيه لازم يرجع الشركه فى اقرب وقت
خلاص روح انا هتصرف 
حاضر ياهانم
كده ياادم بتلوى دراعى انا هوريكى يانغم
اميرة جمال
انا اسفه اووى ياندى انا السبب
ايه اللى بتقوليه ده يانغم السبب فى ايه بس
اترفدتى من الشغل بسببى 
دى أرزاق يابنتى وربنا هيرزقنا بالاحسن 
ونعم بالله بس لولا انى جيت ماكنش حصل كل ده
اوعى تقولى كده تانى هزعل منك بكره ان شاء الله هننزل ندور على شغل تانى وربنا ييسر ونلاقى 
بإذن الله
اميرة جمال
الو 
ايوه يانجوى هانم
موافقه انك تتجوز نغم ياادم وهروح معاكوقفلت السكه 
يتبع
الحلقة 9 
ايوه ياليلى خير
نجوى هانم اتصلت بآدم بيه وقالتله انها هتروح تخطبله نغم 
ايه انتى متأكده 
ايوه ياهانم ده اللى حصل سمعتها بنفسي
اه اتفقوا مع بعض بقا
وقبلها استاذ مصطفى المدير المالى للشركه جه للهانم
كان عايز ايه ده كمان!!
بيقولها ان الورق واقف وفيه صفقات كتير هتضيع بسبب غياب آدم بيه عن الشركه وكده ممكن الشركه تقع وتخسر
اه كده فهمت نجوى وافقت ليه...تمام كده ياليلى ركزى فى كل اللى بيحصل وحلاوتك عندى
حاضر ياهانم مع السلامه
سلام.....بقا كده كل واحد بيشوف مصلحته ماشى يانجوى هانم انتى وآدم بيه خلى نغم تيجى البيت علشان تبقا انتهت من الوجود
اميرة جمال
آدم بيه ونجوى هانم
اسف انى جيت من غير ميعاد ياندى بس رنيت عليكى تليفونك مغلق ونغم مش بترد فقلقت يكون فيه حاجه
لاابدا تليفونى فصل شحن بس ونغم بتعمل فونها صامت
اه دى عادتها دايما 
هتفضلوا تتكلموا كده واحنا بره ولاايه
لا طبعا يانجوى هانم اتفضلى انا اسفه
شكرا عدينى كده واقفلى الباب
لا هسيبه مفتوح لان احمد جوزى مش هنا وماينفعش انا ونغم لوحدنا
وانا ايه هوا
لا طبعا ياهانم بس دى أصول 
وانا مش بعرف فى الأصول يعنى
ماما ندى ماتقصدش ده اللى عملته صح والمفروض انا مااجيش من غير ميعاد وبعتذر عن ده 
حصل خير ياادم بيه
يبقا ندخل بقا ياندى
اتفضلوا....ثوانى هقول لنغم
وهى المحروسه بقا قاعده معاكى ازاى وجوزك موجود
لا ياهانم نغم بتقعد معايا وأحمد مش هنا لما بييجى هى بتطلع شقتها فوق فى الدور اللى فوقيا
خلاص لو سمحتى ياندى قولى لنغم انى هنا
حاضر
يلهووووى وليه حربايه
مالك يابنتى بتتكلمى عن مين
حماتك المفتريه
حماتى!!!
اه نجوى هانم بره ومعاها البشمهندس
ايه آدم بره 
ايوه ياسهوكه 
قوليلوا مش طالعه
انتى هتعمليهم عليا يابت ده انتى عنيكى بتطلع قلوب وفراشات حواليكى بترفرف ده انا بحترمها من بدرى علشانك بس
لا مش طالعه برضو
والله طيب بصيلى كده وقوليلى انك مش بتحبيه
...........
سكتى اهو
اه بحبه بس وجعنى وخلاص مااقدرش امنله تانى مافيش سند ولاامان ولا راجل يحمينى كله انهار
ماتتسرعيش اسمعيه بلاش فى الآخر تندمى
مش هقدر 
لاهتقدرى انا معاكى غير هدومك وحصلينى 
حاضر
بسرعه بقا ياموزه عقبال مااشوف الحربايه هتطفح ايه
فصلتينى
عقبال ماتتفصل رأسها عن جسمها قولى ان شاء الله
لا حرام ياستى
بت
خلاص ان شاء الله
ايوه كده بلا بسرعه بقا ورايا
ايه الهانم مش عايزه تطلعلنا
لا بتلبس وجايه حالا 
ممكن كانت نايمه ياماما عادى مافيهاش حاجه وحتى لو رفضت تخرج برضو من حقها بعد اللى حصل منى ساعه الفرح ومرة تانيه اللى عملته رزان فى الشركه يبقا معاها عذرها فى اى حاجه تعملها 
والله طيب لما نشوف آخرتها ايه
آخرتها نغم تنور حياتى بإذن الله
السلام عليكم 
وعليكم السلام ازيك يانغم
الحمد لله يابشمهندس خير
هى دى المقابله يلا ياادم من هنا
قولتلك ياماما معاها عذرها لاى حاجه تعملها
رد آدم على مامته خلى نغم تفرح من جواها وقلبها كان مبسوط ان آدم بيدافع عنها بس طبعا مابينتش اى حاجه من اللى جواها 
نغم انا جاى اطلب إيدك 
مش موافقه 
ارجوكى ماتتسرعيش فكرى 
افكر فى ايه انك اتخليت عنى سبتنى لوحدى فى الفرح وكلام الناس اللى طلع عليا وكله بيشكك فى اخلاقى بسببك ومراتك اللى فرجت الناس عليا كفايه بقا ياادم وبدأت دموع نغم تنزل منها
آدم اتحرك من مكانه وقعد جنبها مش مستحمل دموعها وبيبصلها نظرات آسف واعتزار على اللى حصلها منه
والله ياحبيبتى كان ڠصب عنى وهحكيلك كل حاجه وارجوكى تسامحينى اسمعينى بس مره واحده وبعدها اللى تشوفيه
ماشى فرصه واحده بس
مش محتاج غيرها ياعيونى بكره ان شاء الله هعدى عليكى نخرج بره وهحكيلك بالتفاصيل 
تمام امشى بقا
واهون عليكى يانغم
لا
قلبى انتى
يلا ياادم ايه السهوكه دى
عندك حق ياماما نصبر لما نتجوز هانت هى توافق بس وخلال يومين هنتجوز 
اووف خلصنا بقا انا هسبقك
ماشى هحصلك 
انزل ورا والدتك ياادم ماتخليهاش تستنى كده لوحدها
حاضر يا روح آدم بكره ان شاء الله هتسامحينى سلام
مع السلامه
احم احم
نعم
لا مش هقابله وانتى هتموتى عليه
مش قولتيلى ماتتسرعيش 
قولت ماتتسرعيش مش تتسهوكى يامحن انتى وهو لما نشوف بكره هيحصل ايه
على الأقل بكره هفهم يمكن ارتاح
ان شاء الله كل خير
يتبع
الحلقة 10
يلا يانغم
خلاص ياندى اهو
يابنتى البشمهندس تحت فى العربيه
حاضر الجزمه وخلاص
ماشاء الله ايه القمر ده يابنتى امال فى الفرح هتبقى عامله ازاى
مش لما أوافق الأول 
ايه ده يابنتى بقيتى بومة زى حماتك ليه كده
طبعت عليا
اه اووى ابعدى عنها
لما افهم ايه اللى حصل من آدم بس الأول وقت فرحنا
ماانتى لو خلصتى ونزلتيله هتفهمى كل حاجه وتيجى تفهمينى
حاضر سلام
مع السلامه
ايه القمر ده بس
احم شكرا
لسه خدودك بتحمر لما تتكسفى 
انا زى ماانا ماتغيرتش 
ودى احلى حاجه فيكى 
ممكن تتحرك طيب
حاضر ماتزقيش بس اهو طلعنا
تشربى ايه
ولا حاجه عايزه افهم وبس
بالراحه ماتستعجليش هتفهمى كل حاجه والله
طيب يلا فهمنى 
طيب اطلبلك ايه
مش عايزه
خلاص انا غلطان انى بسألك أساسا...جرسون لو سمحت عصير جوافه وواحده قهوة فرنساوى
ممكن تتكلم بقا
تمام بس من غير ماتقاطعينى اسمعى وقولى رأيك فى الآخر 
تمام 
انتى عارفه طبعا ان امى كانت رافضه جوازنا وعايزانى أتجوز رزان علشان مصالح الشغل طبعا خصوصا بعد بابا ما ماټ وانا مسكت كل حاجه امى حاولت تضغط عليا عن طريق الفلوس وأنها مش هتدينى ميراثى من ابويا وطبعا علشان مش بهتم بالفلوس وكملت معاكى لحد الفرح كانت هتأذى الأمانه اللى ابويا سبهالى ووصانى عليها
ملااك!!
مش قولتلك ماتقاطعنيش يابنتى مافيش فايده اه ياستى ملاك مااستكفتكش بأنها كانت بتديها علاج غلط خلى الشلل عندها يبقا أقوى ورجلها بدل جلسات طبيعيه بقت محتاجه عمليات الأول بسبب العلاج ده لا كمان خطڤتها يوم فرحنا بعد ماكلمتك كده حاولت اوصلها ماقدرتش ولما كنت جايلك علشان اقولك الفرح هيتأجل لحد مالاقى ملاك خلت رجاله يخطوفنى وزى مابيقولوا الكتره تغلب الشجاعه وأسوأ حاجه انها كانت عايزه تسيب الرجاله الكلاب بتوعها على ملاك المريضه طبعا مش هاممها حاجه ماهى بنت ضرتها اللى ابويا اتجوزها عليها من وراها علشان يرتاح معاها عن التعب اللى كان فيه وماصدقت تاخد فرصتها بقا طبعا ماقدرتش استحمل وحاولت افك نفسي مش عارف فقولتلها موافق على كل حاجه تؤمرى بيها وسيبى ملاك خلتنى أتجوز رزان وكسرت الفون ماعرفتش اتصل بيكى بعد اليوم ده صدقت الأوضاع هدت وبعدت حد يطمن عليكى علشان اكلمك كنتى سافرتى وماحدش عارف فين استسلمت لمصيرى فى انى لازم احافظ على ملاك بدأت