يوم فرحى استنيت جوزي لكن مجاش وكسرني

اللى جهزت الاكل النهارده بفضل ليلى اللى بتنقلها كل حاجه وبعدها دخلت وهم بيتغدوا علشان ماحدش يشك فيها....
خلاص بقا يانغم اهدى انتى عارفه ماما كويس ياحبيبتى 
بس انا مازودتش ملح والله ياادم انت بنفسك دوقت الأكل 
احلى اكل اكلته فى حياتى تسلم ايدك ياحبيبتى
بجد عجبك
مااخدتيش بالك وانا مخلص طبقى كله واكلت تانى من الصينيه ده انا كنت شبه اللى ماشفش اكل فى حياته والله ههههههه
بالهنا والشفا ياحبيبى
ممكن تنسي بقا اللى حصل
طيب وطنط 
هجيبلك هديه ربنا يباركلى فيك ياادم عارف ايه اللى هيجننى الملح زاد ازاى فى طبق طنط
دى سيبهالى انا هتصرف فيها ماتشغليش بالك بقا وعلفكره احنا كنا بنقول كلام مهم ماكملنهوش
امتى ده
قبل الغداء بالتحديد قبل ماتهربى منى على تحت 
بصراحه مش فاكره لا
بصراحه دى احسن حاجه علشان عايز افكرك انا ماتتعبيش نفسك فى التفكير خالص
آدم اعقل
انا عاقل طول حياتى سيبينى اټجنن مره من نفسي بقا ولم ينتظر ردها وذهب معها فى عالم خاص بهم يملأه الحب والدفء والأمان بعيدا عن مخططات الجميع لافساد حياتهم
يتبع.............
الحلقه 17و 
صباح الخير ياعيون آدم
صباح الفل ياحبيبى
عامله ايه
حاسه جسمى مكسر 
يمكن من ليلة امبارح
نغم استخبت تحت البطانيه وقالتله لم نفسك ياادم
آدم ضحك على منظر نغم وكسوفها وشدها لحضنه وهى حست بأمان كانت مفتقداه قاديلها فتره طويله وبعدها آدم راح لشغله ونغم دخلت تاخد شاور علشان تشوف اللى وراها فى البيت...
عدى أسبوع وفيه هدوء فى البيت رزان بتفكر فى طريقه للتخلص من نغم ونجوى بتتعب نغم معاه على أمل أنها تفقد أعصابها وتسيب البيت وتمشى ونغم بعيده تماما عن التفكير ده بتتعامل مع نجوى زى والدتها وعندها أمل أنها تتغير معاها وتعاملها كويس زى بنتها وتتقبل وجودها رغم فقرها وكل منهم ليه تفكير لحد ماقطع أفكار الجميع فى آخر الاسبوع رزان وهى بتنادى على آدم بصوت عالى والكل خرج على صوتها
ايه يا رزان مالك بتزعقى كده ليه
حبيت افوقك ياادم عامله عليك ياحبيبى
قولى اللى عندك يا رزان عندى شغل وانتى معطلانى
الهانم اللى انت اتجوزتها عليا انا رزان بنت الحسب والنسب مش عايزه تخلف منك تفتكر بقا ياحبيبى مش عايزه ليه هااا تكون مش موافقه على جوازتها منك ولا بټنتقم لما سيبتها زمان واختارتنى انا ولا يكون عاجبها حد من بره
قطع كلام رزان قلم نزل على وشها من نغم فى نفس الوقت
انا تضربينى ياجربوعه آدم طلقها حالا الزباله دى
انتى اللى زباله يا رزان واياك تغلطى فى نغم 
انت بتدافع عنها وسايبنى بعد ما مدت ايدها عليا
والله هى سبقتنى انا اللى كنت عايز اعمل ده لانك زودتيها اووى
انا غلطانه انى عايزه افوقك للى بيحصل من وراك
اللى هو ايه بقا يا رزان سمعينى كده
منا قولتلك ياادم والدليل اهو حبوب منع الحمل لاقيتها فى دولابها 
وانتى ايه اللى دخلك اوضتنا وخلاكى تدورى فى دولاب نغم
لا لا لا انا ماكنتش بدور طبعا كان فيه لبس كده ضايع من عندى قولت يمكن دخل عندها فى حاجتها عادى يعنى
اممم والمفروض أصدق 
ايوه طبعا وانا هكذب ليه 
يعنى المفروض نغم بتاخد حبوب علشان ماتخلفش منى
بالظبط كده
طيب ايه رأيك ياهانم ان نغم حامل ولسه عارفين النهارده من الدكتور
انت بتقول ايه
اللى سمعتيه وبطلى بقا لف ودوران واللى بتعمليه ده قدامك حل من اتنين ياما تتعدلى كده وخليكى فى حالك ومالكيش دعوه بنغم او تسيبى البيت ده وورقتك هتوصلك
رزان لقت نفسها اتكشفت طبعا مالقتش حل غير أنها تجرى على اوضتها علشان حست نفسها فى لعبه هى الخسرانه فيها ولازم تفكر فى حل بديل وماينفعش نغم تجيب الولد اللى يقش كل حاجه منها لازم هى اللى تخلف الطفل ده وادم بعيد عنها من ساعه مااتجوز نغم لازم تفكر فى حل يخلصها من نغم وهى تاخد كل حاجه
اميرة جمال
وانا بقا آخر من يعلم
ايه اللى بتقوليه ده بس ياماما
مااعرفش ان مراتك حامل غير صدفه ياادم
ياماما انتى شيفانا لسه داخلين حالا الفيلا وبعدها حصل اللى حصل ده من رزان وتمثيلها كنا جايين نفرحك
ماشى هعديها بمزاجى
ربنا يخليكى لينا ياست الكل نغم قالت لو جه ولد هتسميه فؤاد على اسم بابا الله يرحمها ولو بنت نجوى على اسم حضرتك ياست الكل 
بجد يانغم الكلام ده
اه طبعا ياطنط
وبنوته تطلع شبهى كده
ياريت يا طنط هى تطول تاخد جمال حضرتك ورقنك وشياكتك
ميرسي ياحبيبتى يلا اطلعى ارتاحى بقا عايزه البيبى ييجى صحته كويسه اووى
حاضر ياطنط هكوى لحضرتك اللبس بس واطلع ارتاح بعدها
لالا انتى من النهارده ماتدخليش فى اى حاجه من أمور البيت مش من قلة الخدم يعنى
حاضر ياطنط عن أذنك
اتفضلى ياحبيبتى وانت ياادم اطلع يلا مع مراتك
حاضر ياست الكل ماتحرمش منك ابدا ياغالية
رزان سمعت الحوار اللى حصل بينهم وهى فاتحه باب اوضتها فاتحه صغيره فضلت واقفه تسمع منها لحد ماخلصوا كلامهم وأول ماشافت آدم ونغم طالعين فوق قفلت الباب بسرعه واللى رزان فهمته أنها خلاص بقت بتحارب لوحدها وأنها خسړت نجوى هانم وأنها بقت مع نغم وباعتها بعد موضوع الحفيد فلازم تتصرف بسرعه
بعد مرور أسبوعين بدون اى أحداث تذكر لايوجد سوى الدلع لنغم والاهتمام بيها وبصحتها وبصحة الجنين ونجوى بقت قريبه منها جامد كأن موضوع الحفيد كان الحل السحري لفك شفرات نجوى وعلشان ترضى عن نغم بعدها صحيوا الصبح على صړيخ نغم وهى بتتألم آدم اتنفض من جنبها ونجوى جاتلها جرى حتى رزان اتخضت من صوتها ونزلوا كلهم على المستشفى ورزان معاهم علشان العيون بقت كلها عليها بعد ماتكشف كدبها فى برشام منع الحمل .....
الدكتور دخل كشف على نغم والكل قلقان عليها ونظراتهم مسلطه على رزان وبعدها خرج آدم ومعاه الدكتور والدكتور بدأ يشرح حالتها وأنها كانت ممكن تفقد الجنين ويمكن نغم معاه لكن الكشف بيأكد أنها اتعاطت برشام علشان تسقط الجنين وأنها كده محتاجه راحه تامه ومحافظة اكتر على الجنين ومشى بعد مااستأذن منهم وادم قال أنه مش هيعدى الموضوع بالساهل ابدا وهيفضل لحد مايعرف مين اللى ورا الموضوع ده وهياخد جزاؤه وممكن ېقتله واخد نغم ورجعوا على الفيلا تانى...
رزان رجعت معاهم دخلت اوضتها وهى بتبتسم بشماته وتفتكر اللى عملته بعد نجوى ما بقت فى صف نغم وده خلاها تفكر فى الاڼتقام اكتر لجأت ل ليلى الشغاله وطلبت منها تخلط برشام معين فى علاج المقويات الخاص بنغم علشان تضمن أنها تاخده واطمنت ان خطتها نجحت لما صحت على صړختها بس كان نفسها يتم اللى بتتمناه وتخلص من الجنين بس الحظ ماحلفهاش المره دى وقعدت تفكر تانى لحد مالمعت فى دماغها خطه أنها تخلى نغم تحتفظ بالجنين بس آدم يتخلص منها هى وابنها ويرميهم فى الشارع
يتبع
الحلقة_19و 
بعد مرور أكثر من شهر على آخر الأحداث والوضع هادئ
آدم فى شغله وصله ظرف من مجهول مع أمن الشركه ركن الظرف وكمل شغله واجتماعات وبعد ماليوم خلص دخل مكتبه يجيب تليفونه وورق خاص بالشغل شاف الظرف وافتكر انه مافتحهوش فقرر ياخده معاه ويشوفه فى البيت واخد عربيته وانطلق بيها فى طريقه للفيلا.....
دخل على مكتبه