سأحطم غرورك بقلم منال

مكان الفرح يسكن مطرح كل الأحزان وزرعت أمان ولاقيت الطرح فجأة بيدبل على ايد انسان .. جربت يخونك ويسيبك في السكة حزييين مش طايق حتى يحس بچرحك جربت عيونك تناديله تستنجد بيييييه ولاقيته ع دمعك واقف يضحك .. ولاقيته ع دمعك واقف يضحك 
استمع الجميع إلى تلك الأغنية وامتعض وجه عز الدين نوعا ما واكفهرت ملامحه حيث استشعر أن جانا مازالت ثابتة على موقفها وأن الأمر لن يكون بالهين معها ...

دينا بخفوت هو أحنا هنفضل نسمع ال sad songs دي كتير .. أنا قربت أعيط
ياسين بصوت منزعج والله ما أنا عارف هيفضلوا كده لحد امتى !
دينا بنبرة متوجسة ياخوفي تقلب بعد كده
ياسين بفزع اوووبا والاتنين مجانين لأ بناقص
ارتبك ياسين كثيرا حينما أشارت له دينا بإمكانية اشتعال الأجواء بين عز الدين وجانا من جديد لذا ....
ياسين بنبرة راجية تحمل السخرية ابوس ايديكو ده مش وقت ما يطلبوه المستمعون أنا مش عاوز أغاني خلاص .. كله كده نكد وعذاب وفراق مافيش دوقوا المزاهر يالا ويا أهل البيت تعالوا ولا أغنية طالعة من بيت أبوها رايحة ع بيت ياسين 
عز بإيجاز وهو مقطب الجبين لأ معنديش
ياسين مقترحا باهتمام خلاص شغلوا قرآن .. 
جانا بنبرة عنيدة احسن برضوه
الټفت عز الدين ببصره إلى جانا ورمقها بنظرات معاتبة و...
عز بنبرة جادة أهو يطرد الشيطان اللي راكب دماغ ناس
جانا متسائلة في ترقب تقصد مين
ياسين بنبرة عالية ابعد يا شيطان الله يحرقه شغل قرآن بقى واحړق أمه ابوس ايدك .. أنا عارف هو يوم مش هيعدي بالساهل
دينا بصوت خاڤت ييس بليز
وكان بالفعل هو أفضل اقتراح حيث تم تشغيل اسطوانة بها سور من القرآن الكريم فأنصت الجميع بإصاغ تام لصوت القاريء ..
تنهد ياسين بإرتياح حينما وجد أن الهدوء قد عاد من جديد بداخل السيارة فمال برأسه قليلا على دينا و...
ياسين هامسا يا سلاام .. الواحد كده يدخل القاعة وهو بيشع نور
دينا مبتسمة في حياء شور
تابع عز الدين الحديث الدائر في الخلف من المرآة الأمامية ثم ابتسم عفويا من زاوية فمه و...
عز مازحا بهدوء ربنا يقوي ايمانك .. ويهدي ناس
جانا بحدة لأ ياخد ناس
عقد عز الدين حاجبيه في تساؤل ورمق جانا بنظرات متوعدة و...
عز وهو يجز على أسنانه تقصدي مين
ياسين من الخلف بنبرة متوترة تقصد الشيطان اللي مش راحم نفسه ونازل نفخ ووسوسة في العربية من بدري أنا مش عارف هو ليه مش پيتحرق ويريحنا ولا الظاهر انه راكبه ghost
عز وهو يهز رأسه اها
ياسين برجاء شديد خلوا ليلتي تعدي عشان خاطري .. وحياة ابوك يا عز خليك Cool .. ماشي 
عز على مضض ربنا يسهل ............................................. !!!!!!
................................................
٢٠١٢ ١١٥٣ م نودي الحلقة الثانية والسبعون 
توقف عز الدين بالسيارة أمام مدخل القاعة في حين ظلت جانا عاقدة ساعديها أمام صدرها وهي تزفر في ضيق واضح وتشيح بوجهها ناحية النافذة المجاورة لها ..
جابت دينا ببصرها المكان وحاولت أن تبحث عن الفرقة الموسيقية التي ستتولى الزفة الخاصة بها ولكنها للأسف لم تجد أي أحد في الجوار فإنتابها القلق ثم مالت على ياسين قليلا برأسها و...
دينا بنبرة متسائلة ونظرات مرتبكة سينو .. هما بتوع الزفة فين 
ابتسم ياسين إلى حبيبته ابتسامة زائفة محاولا إخفاء انزعاجه هو الأخر من عدم وجود أعضاء تلك الفرقة وخاصة أنه كان من المفترض حضورهم إلى القاعة قبل فترة لذا ...
ياسين مازحا تلاقيهم طفشوا
عز وهو يلوي فمه قليلا أه .. جايز برضوه أما عرفوا انك العريس !!
جاب ياسين ببصره المكان وظل يتلفت حوله بتوجس من نافذتي السيارة و....
ياسين بنبرة متوجسة استرها يا رب راحوا فين دول !!!!!!
دينا متسائلة في ارتباك ها شوفتهم 
ياسين بضيق استني أما أكلمهم اشوف واقفين فين بالظبط ولا يمكن مش دي القاعة أصلا .. واضح كده إن انا جالي زهايمر بدري بدري
استدار عز الدين بجسده قليلا لكي يتمكن من الحديث مع ياسين الجالس في الخلف و..
عز بنبرة واثقة لأ اطمن هي القاعة ...!!!
استغل عز الدين الفرصة وظل يتأمل جانا بنظرات متمعنة ولم يحيد ببصره عنها فقد كان يشتاق وجودها حقا وكم يمني نفسه بالمزيد معها ....
أرخت جانا ساعديها وظلت تفرك في أصابع يدها للحظات محاولة إخفاء توترها من نظرات عز الدين المتفحصة لها فهي قد لمحته من طرف عينيها وهو يتفحص تفاصيل جسدها بنظرات راغبة ومشتاقة وهي لا تريد له أن يكتشف مشاعرها لحقيقية نحوه والتي تجاهد في إخفائها عنه ...
وجدت جانا أن أسلم طريقة للابتعاد عن هالة عز الدين الآسرة لها والمؤثرة عليها بدرجة كبيرة هي بالترجل من السيارة لذا مدت يدها وأمسكت بمقبض السيارة الجانبي وحاولت فتح الباب ولكن كان عز الدين أسرع منها في الضغط على زر القفل الإلكتروني فعجزت هي عن فتح باب السيارة ...
تجهم وجه جانا وعقدت حاجبيها في استنكار ثم استدارت برأسها تجاه عز الدين ورمقته بنظرات ضيقة و...
جانا بنبرة شبه حادة افتح ال lock خليني أنزل...!
تجاهل عز الدين جانا وظل ينظر إليها بملامح متجمدة فاغتاظت أكثر منه وبدأت الډماء الغاضبة تتسرب إلى عروق عنقها ومن ثم إلى وجنتيها و..
جانا بنبرة ممتضة وشبه آمرة افتح الباب يا عز !!!!!!
تعمد عز الدين أن يرسم ملامح الضيق على وجهه ليثير حنق جانا أكثر ونظر إليه بنظرات متأففة و...
عز وهو يلوي فمه وبنظرات مشمئزة مش فاتح إلا لما تيجي الزفة هتقفي في الشارع لوحدك بمنظرك ده !
أخفضت جانا بصرها عفويا لتتأمل هيئتها بتوجس فقد ظنت أن هناك خطب ما بفستانها و....
جانا بنبرة قلقة ماله منظري وآآآ...
وفجأة رفعت جانا بصرها ثم استدارت بعينيها ناحية عز الدين مجددا ورمقته بنظرات صارمة و...
جانا بنبرة منزعجة وبعدين انت مالك أصلا بشكلي 
زفر عز الدين في ضيق زائف ثم نظر إلى جانا بوجه مكفهر و...
عز وهو يتمتم بضيق ماله .. ايه مش شايفة نفسك في المراية !
صمت عز الدين لثوان ثم بدل ملامح وجهه لتصبح أكثر إشراقا ونظر إلى جانا بنظرات حالمة و...
عز بنبرة رومانسية أعوذو بالله من حلاوتك الزايدة .. حاجة كده استغفر الله العظيم تخلي نفس الواحد آآآآ...
جانا وهو تعقد حاجبيها في حيرة وبنظرات ضيقة تخلي نفسك ايه 
عز بصوت دافيء وعميق تتفتح على الجواز !!
ارتبكت جانا على الفور وابتلعت ريقها في توتر ثم نظرت أمامها وحاولت أن تبدو هادئة رغم أن قلبها كان يخفق بقوة شديدة و... 
جانا وهي تزفر في حنق زائف اووووف
اعتلت زاوية فم عز الدين ابتسامة لئيمة ثم تابع حديثه ب .... 
عز بنبرة شبه جادة لا تكوني مفكرة اني بعاكسك لا سمح الله لأ ده انا بس بقول رأيي وانتي عارفاني صريح مش بجامل !
هزت جانا ساقها في عصبية وهي جالسة على المقعد وظلت مسلطة بصرها أمامها و...
جانا وهي تعض على شفتيها بحزم مش عاوزة اعرفه
مال عز الدين بجذعه قليلا ناحية جانا ثم اقترب منها برأسه فابتعدت هي عنه وقد توترت أكثر من اقترابه المفاجيء هذا