قطه في عالم الذئاب بقلم فاطمه الالفي

يبعد شويا ويقرب شويا بس كانت الحياة حلوة والوضع بقى خلاص اجبارى مافيش كلام بس ماما بدأت تتعب ومسئولية بابا تزيد لازم يكون دايما معانا بس مراتة تعمل مشاكل وانا كنت صغيرة ماعرفش اعمل حاجة وكان بابا بيساعد ماما وتعب معاها فى مرضها بس حسينا بوجودة وبعد كام سنة وفجأة الآية اتقلبت وبابا ماټ فجأة وحياتنا انقلبت معاة كان عمرى ١٤ سنة وفدوة كانت ٩سنين وماما كانت مريضة والتعب زاد عليها من حزنها على بابا جت الصدمة الكبيرة مرات بابا جت وطردتنا من بيتنا إللى كنا عيشين فية ومارعتش تعب ماما ..
بدأت دموعها تتساقط .. ولا فكرت هنروح فين او نعيش ازى وانا حاولت اترجاها تسبنا فى البيت ماما مريضة لكن كان قلبها حجر ماتهزتش قالت خلاص كفايا عليكم لحد كدة ودة بيتى وبفلوسى و طبعا سبنا البيت والحمد لله كان بيت جدى موجود روحنا عيشنا فية وانا اشتغلت مع عمى حمدى فى ورشة الميكانيكا بعد سنة من قعدنا فى المنطقة وكنت بشتغل واروح المدرسة على الامتحان وبس اكتفيت بالثانوية العامة واتفرغت للورشة وتعليم اختى وماما وبس وادى حياتى
عاصم بحزن .بس كدة مش ليكى اخوات
فيدرة بحزن. عندى من بابا أخ
بس لا عمرى شوفتة ولا شافنى كانت مامتة بتمنعة يجى عندنا مع بابا وهو مافكرش يزورنا مرة بعد ۏفاة بابا ويشوفنا حتى عشان كدة فدوة كانت فاهمة أن أوس يعنى أخونا
عاصم بحزن. انتى بت فارس البكرى يااااااا على الدنيا
فيدرة. تعرف بابا
عاصم بحزن. ماهو دة صديقى إللى بقولك ان نفس عنيكى يا سبحان الله أول لم سمعت اسمك افتكرتة علطول وعشان كدة حبيت اتكلم معاكى عشان اتاكد من احساسى
ياااة تعالى فى حضنى يابنت الغالى
فيدرة باستغراب ...
عاصم .أية خاېفة منى ولا مستغربة
فيدرة. لا مش خاېفة طبعا بس مستغربة إللى بيحصل انا عمرى ماشوفت حضرتك بس مرتحالك وانا مش بنشد لحد بسهولة
عاصم .مش بقول زى ابوكى تعرفى فارس كان انطوائى ومالوش صحاب غيرى وكانت عنية دايما حزينة وشايل الهم كان بېخاف عليكم اوى بس ازى فادى يسبكم ومايعرفش عنكم حاجة انا سألت نجوى بعد ۏفاة فارس قالت انكم عند أهل مامتك فى الصعيد بس مش عارفة اسم البلد
فيدرة. ههههه الصعيد أنا
ماما عمرها ماراحت الصعيد ولا تعرف حاجة وبعدين احنا عايشين فى البيت القديم بتاع جدى طبعا وهى هتقول أية بعد ماطردتنا من بيتنا
عاصم بحزن .والله يابنتى صدقتها خصوصا سألت فادى عليكم وقال انة بيكلمكم دايما وبيبعتلكم مصاريفكم بقى كان بيضحك عليا
انا هعرفة بقولك أية انتى هنا فى بيتك وانا عمك عاصم فاهمة ومش هتمشو من هنا
فيدرة. معلش هنفضل لحد ميعاد امتحان فدوة وكمان انا عندى شغلى
عاصم .عايزة تغضلى تستغلى فى ورشة يابنتى لا انتى هتكملى وتدخلى الجامعة انتى مسئولة منى
فيدرة. معلش يا عمى انا حابة شغلى وان شاء الله هكبرة بابا كان سايبلى مبلغ انا واختى فى البنك وانا قربت اتم٢١ سنة وهعمل ورشة خاصة بية و فلوس فدوة تفضل لها ..
فيدرة . ممكن حضرتك ماتعرفش فادى بوجودنا عشان انا عارفة هو راح لماما من فترة وبردو هو ماعبرش ولا سأل عننا وانا مش هقبل بية ولو حضرتك قولتلة يبق احنا هنسيب هنا
عاصم .تعرفى انا لو هخبى على فادى وجودكم هنا فدة عشان اربية مش اكتر ولم اتاكد انة قد المسئولية هعرفة يابنتى بس عايز اتاكد هو عايز فعلا يتعرف على اخواتة ولا والدتة مسيطرة علية ومنعاة عنكم لازم اعرف يابنتى اصل فادى دة طيب اوى وحنين زى فارس بالظبط هو واخد طباعة صدقينى لم تتقربى منة هتعرفية
فيدرة . بس انا مش عايزة اعرفة
حضر أوس وفدوة
أوس. تعرف أية فى أية
عاصم . ولا حاجة بندردش مع بعض
فى القاهرة
حاولت الاتصال على ابنها ولكن لم يجيب عليها ..
كان يشعر بالهم والحزن وحاول الاتصال على رفيقة ..
فى المزرعة
صعدت فيدرة وفدوة إلى غرفتهم ليرتاحو من تعب السفر ..
وجلس أوس مع والدة
أوس . ها قربت منها يا بوص
عاصم .تعرف أن فيدرة وفدوة اخوات فادى
أوس پصدمة . فادى مين
عاصم . ههههه صاحبك ابن فارس الله يرحمة
أوس . فادى يبق اخوهم ازى
عاصم .دة موضوع يطول شرحة بس حسك عينك تعرف فادى حاجة فاهم
أوس. لية هو ومايعرفش عايز افهم انا مش فاهم حاجة
رن هاتف أوس يعلن عن اتصال من صديقة فادى
أوس. دة فادى يا بابا
عاصم .طب رد بس ماتقولش حاجة
أوس. الو أيوة يافادى
فادى بحزن .انت فين انا مخڼوق ومحتاج اتكلم معاك
أوس بقلق .لية خير فى أية
فادى .لم اشوفك قولى انت فين
أوس . انا عند بابا فى المزرعة
فادى .طيب انا جاى سلام
اغلق الهاتف مع صديقة وتوجه إلى المزرعة
أوس. بابا فادى جاى وشكلة
مدايق اوى تفتكر فى أية
عاصم .لم يجى هنعرف
بس زى ماقولتلك اياك تجيب سيرة البنات أوس . ماشى بس افهم بقى
عاصم . اسمع يابنى من عشرين سنة عمك فارس ............وقصى علية زواج فارس من سمية وعلاقة نجوى ورفضها للجواز واصرار فارس على اكمال الزواج وانجاب فيدرة وفدوة وكل شئ.......
حزن أوس بشدة على حياة فيدرة فهذة القوية داخلها حزن دفين لم يستطيع أحد محو هذا الحزن يريد أن يخترق قلبها ويثبت ملكيتة يريد أن ېحطم اسوار قلبها يريد أن يمحى الحزن والهم التى عاشتة وظل شارد فى قطتة القوية إلى أن راء فادى يقف امامة
الفصل الرابع عشر
قطة فى عالم الذئاب
وصل فادى إلى المزرعة وجد أوس ينتظر
ارتمى فادى بحضن صديقة وبدأ يبكى
أوس بقلق. أية يابنى مالك اهدى كدة تعالى نقعد الاول وقولى حصل أية
فادى .مخڼوق ياصاحبى حاسس انى بغرق ومش عارف اعوم واوصل للبر فين عمى عاصم انا محتاجلة
عاصم . وانا جنبك يابنى خير فى أية
فادى بحزن. طنط سمية توفت من كام يوم والمصېبة انى روحت متأخر أهل الحتة هناك بيقولو البنات مشيت مع اخوهم مش معقول البنات هتعيش لوحدها كتر خيرة اخوهم مش سابهم وخدهم معها وأنا مش عارف عنهم حاجة هتجنن دورت عليهم فى كل مكان وكلفت حد يجمع معلومات عنهم وعرفت من مدرسة فدوة انها متغيبة والامتحان لسة كمان شهرين مش هقدر استنى شهرين حضرتك ساعدنى الاقى اخواتى واخدهم فى حضنى ومش راجع غير باخواتى معايا انا سبت البيت ومش راجع تانى غير لو ماما قبلت وجودهم فى بيتنا ولو هى رفضت يبق مش هسبهم تانى كفايا كدة انا تعبان مش عارف اعمل حاجة ولا اشتغل ولا انام ولا افكر فى حاجة لازم اوصلهم واعوضهم عن إللى فات
عاصم. يعنى انت هتعوضهم عن اى تعب مر فى حياتهم بعد أية يافادى انت لا قدرت تنفذ وعدك لابوك ولا قدرت تحافظ علي الأمانة لية كدة لية قولت انك تعرف عنهم حاجة
فادى بحزن. انا كنت محرج أقول مش عارف عنهم حاجة وكمان انا لسة مكتشف مكانهم بس ماما وقفت فى النص بس خلاص مش هتخلى عنهم بس الاقاهم بس والله العظيم ماهتخلى عنهم
أوس لنفسة. كدة فيدرة هتبعد عنى وانا مرتاح من موجودها هنا مع بابا هنفضل قدام عينى أية الحظ دة بس ياربى
عاصم. يعنى انت هتعوضهم لو قابلتهم حتى لو مامتك
رفضاهم
فادى .انا مش راجع البيت تانى لو ماما مصرة على رائيها يبق هتخسرنى انا كمان ماليش وجود معاها فى البيت من غير اخواتى
عاصم .بص يافادى أخواتك فعلا محتاجين لوجودك في حياتهم بس لازم مامتك ترحب بيهم فى بيت ابوهم الاول وبعد كدة نتكلم
واطمن هم موجودين هنا
فادى بفرحة. بجد البنات هنا طب هم فين عاوز اشوفهم واطمن عليهم
أوس. انا إللى جبتهم هنا وبابا لم اتكلم معاهم عرف انهم أخواتك صدقنى يا صاحبى ماكنتش اعرف كنت بصلح عربيتى عند فيدرة وعرفت پوفاة والدتها وعرضت عليهم يقعدو مع بابا هنا منهم يكونو ونس ويغيرو جو الحزن شويا ووافقو
فادى .الحمدلله انهم بخير
عاصم. خلى بالك من فيدرة لانة مش هتقبل وجودك بسهولة لكن فدوة هترحب بيك هى مفتقدة الاب والاخ بس انت هتعوضهم بقى مهمتك هتكون صعبة مع فيدرة
فادى .انا عارف ان فيدرة اتعذبت كتير وانا هعوضها وهفضل ورا فيدرة لم تقرب منى وترضا بية كاخ وصديق ربنا معايا بقى انا عارف انها مش سهلة بس خليك معايا يا عمى حاول معاها انت كمان
عاصم . اكيد يابنى هحاول ربنا يقربكم لبعض وانا هطلع اقولهم انك موجود
صعد عاصم الى غرفة البنات ودق الباب فتحت لة فدوة
عاصم. عاملين اية يا بنات
فدوة .الحمدلله
فيدرة. خير فى حاجة حصلت
عاصم. هههه عرفتى منين بقى
فيدرة. من ملامح وشك طبعا
عاصم. فادى موجود تحت هو عرف بوجودكم هنا
فدوة .فادى اخونا بجد ولا أية المرة دى
عاصم. هههه لا بجد
اسرعت فدوة بفرحة إلى الأسفل لترا شقيقها
عاصم .وانتى يافيدرة مش حابة تشوفى اخوكى بجد
فيدرة بتوتر .لا مش حابة هو لسة فاكر وبعدين لو فدوة محتجالة براحتها هو عندها خلاص يعوضها عن
الاب والاخ إللى هى مفتقدة لكن انا مش مفتقدة حد الحمدلله
عاصم .طب تعالى نشوف رد فعلهم كدة من البلكونة
وضع عاصم يدة على كتفها يحاول أن يخفف من المها....
بالأسفل
تقدمت فدوة وقفت امام شقيقها تنظر إلى ملامحة بصمت وهى تبتسم بادلها فادى النظرات المحبة وضمھا إلى صدرة بحنان
فادى .فدوة مش كدة
فدوة .كلك نظر بس انت فادى فارس البكرى متأكد ولا أية
فادى .هههههه تحبى تشوفى البطاقة
فدوة .بس انا متأكدة اصلك شبهى نفس الشعر الأسود ولون العيون كمان حتى الغمزات
فادى .ههههههه شبهك ولا انتى إللى شبهى
فدوة .مش مهم بس انا فرحانة أن عيونك مش زرقة كنت هزعل أول واقول اشمعنا انا
فادى . هههه هى فيدرة عنيها زرقة اكيد زى عيون بابا
فدوة .أيوة بص فوق هتلاقيها بتبص علينا
كانت عيناها تنظر إليهم تراقب من بعيد وتشعر بالألم يعتصر قلبها
تلاقت عينها بعين اخيها ولكن هربت من نظراتة ودخلت الغرفة..
عاصم. براحتك يابنتى بس عايز اقولك تدى نفسك فرصة تتعرفى على اخوكى
فيدرة. انا عايزة انام ممكن
عاصم. ماشى على راحتك
كانت تهرب بالنوم...
حزن فادى عندما تلاقت اعينهم وهى هربت منة وظل يتحدث مع فدوة يتعرف عليها ويحاول أن يعلم كل شئ عنها وعن فيدرة ايضا..
تركهم أوس وهو حزين على وضع فيدرة ولكن مطمئن إلى حد ما لانة لن تغادر المزرعة وترحل مع شقيقها......
فى مكان آخر فى المانيا برلين 
بعد عمل الفحص الشامل الى ليث قرر الطبيب المعالج عمل عملية ضرورية فى العمود الفقرى ليحاول معالجة الضرر الذى تسبب بالاعصاب التى تعيق الحركة ولابد من الخضوع لعملية جراحية فورا ..
وابلغهم معز بهذا القرار المفاجئ فى حالة