قصه جميله بقلم ايه محمد
المحتويات
زاهر..
وداد نعم!! لا مش فاهمه!!
فريد هشرحلكم كل حاجه..
فريد شرحلهم الوضع ولكنه اتجنب ذكر موضوع المخزن خاصة قدام سليم وأحمد.. فريد بص لأحمد نظره تحذيريه وفهمها أحمد أنه مش عاوز زهرة تعرف اللي حصل إمبارح
سليم أتاريني كل ما أزعقلك علشان بتسيب البنات تضحك معاه تقولي خليك أوبن مايند انا قولت إيه اللي جرالك يا ابني!!
فريد بضيق أحمد لم نفسك.. زهره تعتبرها زي أختك بالظبط وأوعي تضايقها بنص كلمه..
أحمد بهدوء وإحترام طبعا يا فريد انت مش محتاج تقولي آنسه زهرة إحنا هنا ناس محترمين متقلقيش.. مهو انا بردو قولت الاكل الحلو دا ميطلعش من زاهر..
فريد بضيق لا انا هفهمها كل حاجه.. اتفضل خد ماما و تقي و
شذا علشان المعركه الإسبوعيه..
وداد أنا رجلي ۏجعاني مش رايحه في مكان والبنات بيفرهدوني وطلبات البيت كتير المره دي..
تقي وانا بقالي اسبوع بظبط في بشرتي ولو خرجت الشمس هتبوظها..
سليم بخبث خلاص بقي نروح انا وشذا وأمرنا لله
فريد لا خلاص أنا هروح معاها..
سليم ليه يا استاذ فريد مش مأمن لأختك معايا ولا إيه!!
فريد لا طبعا يا سليم مش قصدي كدا!!
سليم انت عندك إجتماع لازم يخلص النهارده إحنا مش هنتأخر متقلقش..
وداد علي ما تلبسوا هجهزلكم قايمه بالحاجات اللي محتاجينها.. هما كام واحد جايين يا سليم!!
زهره عاوزين العدد بالظبط علشان اعرف اعمل كمية قد إيه..
احمد بتذكر بصي هو ابوه مسافر اللي هيجي عمه و ولاد عمه الإتنين أخواته اتنين بردو يبقي كدا خمسه و وهو وأمه يبقي كدا 7 اشخاص
وداد طيب تمام هكتبلكم اللي هحتاجه علي ما تغيروا لبسكم و زهرة تحضر الفطار..
زهرة كل مره تصدموني كدا.. يدوبك ألحق..
سليم بإبتسامه امم معاه حق..
فريد بضيق إطلع إلبس..
فريد دخل لمكتبه وفتح اللابتوب بتاعه يكمل شغله وقعت عينيه علي شوية قصص قديمه في رف عالي فأخد السلم الصغير اللي بيستعمله في مكتبه دايما و طلع اخد الكتب كانت كلها كتب بوليسية قديمه لكتاب مختلفين..
دقايق ودخلت زهره وهي شايله كوباية النسكافيه اللي متعود يشربها دايما قبل الفطار رفع عينه وبصلها مكانتش منتبهه ليه كانت عينيها علي القصص اللي قدامها و الحماس كان باين في عينيها
فريد إبتسم للمعه اللي شافها في عينيها وحبها للقصص
فريد الكتب دي ليكي..
زهرة بحماس بجد..
فريد بإبتسامه اكيد هيعجبوكي..
زهرة بسعادة هيعجبوني اكيد شكرا لحضرتك..
فريد العفو..
زهره أخدت الكتب وخرجت سابتهم في أوضتها ورجعت تكمل تحضير الفطار و ساعدها تقي و شذا..
اجتمع الجميع علي سفرة الأكل و فريد جاله مكالمه خلته يبص لشذا بضيق الكل بصلها بإستغراب..
شذا بتوتر اي! والله ما عملت حاجه
فريد السلام عليكم إزيك يا دكتور بعتذر كل شئ قسمة ونصيب كلمتها بس مفيش نصيب.. سلام..
وداد بضيق غبية.. دكتور زي الفل و محترم ممكن اعرف رافضه ليه!!!
شذا بحزن انا محدش هيجبرني علي حاجه..
فريد أنا مش هجبرك علي حاجه بس محتاج مبرر..
سليم دا ايه!! فهموني
فريد دكتور معيد عندها متقدملها ورفضته..
سليم بضيق عريس مقولتليش ليه علي الموضوع دا
فريد بسخرية أنا لسه بتكلم وبفتح بوقي لقيتها صړخت وقالت لا مش هتجوز و محدش هيجبرني علي حاجه كأني قاعد بالمأذون وجمبي واحد عنده تسعين سنه و بقبض منه فلوس قصاد الجوازه..
أحمد بضحك دكتورتنا لسه صغيره سيبها تدلع براحتها..
سليم بخبث وأنتي ليه مش موافقه يا شذا!!
شذا پغضب وبصوت عالي ملكش دعوه محدش ليه دعوه بيا
ولا يتدخل فيا بأي شكل من الأشكال..
فريد پغضب شذا!!!
شذا سابتهم و طلعت جري علي أوضتها والكل باصصلها بإستغراب و علامات الحيره علي وشهم فريد وقف علشان يروح وراها يفهم ولكن سليم قاطعه..
سليم بعد إذنك يا فريد ممكن انا أتكلم معاها..
فريد بإستغراب أنت!! ليه هو في حاجه أنا معرفهاش!!
سليم معلشي انا اللي ضايقتها واستفزيتها و حابب اتكلم معاها.. هراضيها وهرجع تاني تعالي يا تقي معايا
فريد قعد تاني مكانه لما لقي تقي راحت مع سليم لأوضة شذا وقفت بعيد عنهم علشان تديهم مساحه يتكلموا
شذا كانت قاعده علي سريرها ضامه رجليها و مخبيه وشها بين إيديها و محستش بوجودهم..
سليم قعد قدامها ونده اسمها بخفوت..
سليم شذا!
شذا رفعت عينيها وبصتله كانت مليانه دموع بصتله بحزن ولوم و مسحت دموعها..
شذا ايه اللي جايبك هنا يا سليم عاوز ايه!!
سليم عاوزك أنتي.. أنا بحبك..
شذا لا.. انت كنت بتهزر عادي في موضوع جوازي من حد غيرك وقاعد تستفز فيا.. انت مش مخليني فاهمه حاجه ولا فاهماك. مش فاهمه انت عاوز إيه بالظبط!! أنتي قولتلي انك بتحبني مره ومكررتها و بتتعامل معايا عادي وانا مش فاهمه دا معناه ايه!! طب لو انت عاوزني ليه مش زعلان إن فيه حد متقدملي
سليم بإبتسامه أنا مش زعلان أكيد بنت زيك هيتقدملها ناس كتير بس انا واثق انك هترفضي..
شذا وأنا ارفض ليه!! وانت موعدتنيش ب أي حاجه!!
سليم علشاني بتحبيني زي ما أنا بحبك.. بس أنا مش هتقدملك غير لما أجيب حق ابويا وأمي ولا هتجوز و اعيش حياتي طبيعي قبل ما أرجعلهم حقهم
شذا پبكاء ما أنت كان ممكن تقولي كدا وانا هستناك عمري كله بدل ما انت سايبني مش عارفه حاجه خالص كدا..
سليم بطلي عياط بس.. في الأول انا مكنتش ناوي اخليكي تعرفي بس خلاص إحنا قربنا نوصل لريان و هنرجع حق أهلنا..
شذا وهي بتمسح دموعها اه وأنا كمان عاوزة حق بابا يرجع..
سليم بإبتسامه شكلك طفله أوي.. قومي يلا إغسلي وشك و بالنسبة للدكتور دا ف هتغيري السكشن بتاعه..
شذا بإبتسامه حاضر..
تقي بضحك يا خايبه هيتحكم فيكي من دلوقتي!!
سليم و شذا بس يا بتاعت زين..
تقي پصدمه في واحد يقول لأخته يا بتاعة زين!!
سليم ملكيش دعوه بيها ولا تقويها عليا وتعملوا عصابه عليا انتم الأتنين ويلا علشان ورايا مشاغل اجهزيي يا شذا علشان نروح نجيب الطلبات بتاعت البيت
شذا حاضر..
تقي بضحك والله! طيب انا نازلة أنا كمان..
إجتمع الجميع مره تانية في الدور الأرضي فريد كان باصص لسليم و شذا بشك و بدأت يتكون إحساس جواه إن في شيئ بينهم..
وداد قاعده علي جمب بتتكلم مع زهرة و بتسألها عن مشاكلها مع طارق وإيه اللي وصلها للوضع دا..
وداد أما خطيبك دا قليل الأصل بجد!!
زهره مش عارفه والله يا طنط
إذا كان قليل الاصل أو لا هو كان مضغوط من عيلته علشان نتجوز بس انا اللي كنت متأخره في جهازي برغم مساعده خالتي سامية وإبنها بس هما كمان بردو وضعهم علي قدهم وعندها بنات عاوزين يكملوا تعليم و يتجوزوا..
وداد كنتي بتحبيه
فريد عينه إنتقلت بشكل تلقائي لزهره بشكل هو نفسه إستغربه
وكأنه كان مترقب يعرف أكتر عنها عن أسرارها اللي مخبياها و حياتها اللي
متابعة القراءة
