مصېبه بنتي

انا مشغلاها بيعلي ويزيد لوحده .. 
حاولت أقوم بس حسيت ان في أيد ماسكة ف ايدي ومكلبشاني ..
مش قادرة أتحرك من علي السرير ..
وكلما زاد صړاخي لكن دون جدوي مفيش حد بيسمعني ....
سامعه صوت اخويا بره الاوضة بس هوه مش سامعني ....
صوت الأغاني عالي بس صړاخي اعلي بخبط برجلي علي الحيطه اللي جنبي بحاول اعمل اي حاجه عشان حد يسمعني مفيش فايده..

السرير بيتحرك بيا بيترفع لفوق وينزل تاني ولسه الشئ ده 
صړخت صړخت صړخت بكل قوه ..
قومت من النوم ..
ايه ده .. كان كابوس ..!!
معقوله لا انا كنت مفتحه عيوني كان كل شئ حقيقي ..!!
باخد نفسي بصعوبه الأغاني شغاله زي مهيا ..
كل شئ طبيعي بالاوضة بتاعتي .. ..
بس انا مړعوبه جسمي بيترعش قومت جري عشان اخرج علي بره من كتر خۏفي من اللي شوفته ف الکابوس الغريب ده..
وقفت عند الباب .. 
هخرج ازاي كده ..!!
صوت اخويا بره وانا مش لابسه كل هدومي 
رجعت تاني وقولت هلبس حاجه واخرج اقعد شويه بره مع اخويا لحد مهدي شويه وانسي الکابوس المرعب ده وابقا كويسه...
فتحت الدولاب طلعت هدوم البسها ببص علي ايدي ...
علامات 3صوايع معلمين علي كل أيد من اديا مكان المسكه ..
يعني ايه مكنش حلم ...! لاااااا
اټفزعت وفجأة ..
سمعت نفس حد ورايا وسخونة شديده والأغاني ارتفعت اكتر واكتر وابتدي الشئ ده ..
...لااااااااااااااا
سامعه صوت نفس من ورايا وسخونة شديدة وصوت الأغاني زاد جدا 
صړخت 
وصړخت وصړخت
فتحت عيني ..
لاقيت نفسي علي السرير لسه ..!!
قومت بصيت علي ايدي مفيش حاجه ..!!
يعني كل ده كابوس .. 
كابوس جوه كابوس ..
قومت مړعوبه ولبست بسرعه جدا وخرجت قعدت مع اخويا ومدخلتش الاوضة تاني غير لما النهار طلع ..
دخلت الصبح الاوضه وبعد محاولات كتير للنوم نمت عادي جدا ومحصلش اي حاجه انا قولت مجرد كابوس وخلاص انتهي ..
صحيت علي صوت امي كالعادة 
قومي بقا يا زفته العصر هيدن ايه هتنامي طول النهار يعني ولا جامعه ولا حتي بتعملي اي حاجه معايا في البيت ..
حاضر يا حاجه قايمه قااااااايمة ...!!.
وقومت بس مردتش احكيلها علي الکابوس عشان متقوليش مش قولتلك هتتلبسي والكلام ده بقا وتتشفي فيا وبيني وبينكم انا محطتش في بالي اصلا..
قولت مجرد كابوس زي اي كابوس ....
بليل دخلت اوضتي وتقريبا نسيت اللي حصل امبارح وفتحت اللاب وشغلت أغاني وبرده وقعدت أكلم صحابي ع الفيس
وكعادتي كل يوم دخلت علي جروب القصص الړعب وابتديت أدور علي قصه اقرأها بس المرادي وانا قاعده ع اللاب مش من الفون ...
لمحت نفس القصة صليت فتحتها ..
ايه ده مش دي القصه اللي كنت بقراها امبارح قبل منام ونمت ومكملتهاش .. اه هيا فعلا
ابتديت اقرأ وهنا افتكرت الکابوس ..!!
طب اقرأها ولا لا ..
خۏفت جدا لما افتكرت كابوس امبارح..
بس