مصېبه بنتي

شيلت الموضوع من دماغي عشان مخافش وكملت قرأة ....
شويه وانا بقرأ في القصة ومندمجه مع الأحداث اللاب فصل شحن ..
ايه الفصلان ده بقا ..
قومت أتأكد من فيشة الشاحن روحت لحد الفيشة شيلتها وحططها تاني عشان لو مهزوزه ..
وراجعه تاني شوفت حاجه خلعت قلبي من مكانه ...
بصيت لاقيت شئ غريب قاعد علي السرير قدام اللاب وباصص ليا ..!!

زي ميكون راجل بس ده مش بني ادم ..
كيان غريب من غير ودان تقريبا واصلع ولون جلده اقرب للأزرق وفتحة فمه بالطول مش بالعرض وعيونه ضيقة جدا وأيده فيها 3 صوابع بس وليه حوافر ....!!
منظر فظيع ومرعب ..
حرارة جسمي ارتفعت ورجلي اتمسمرت في الارض ومش قادرة أتحرك ولا اتكلم ..
ولا نفس خارج مني ..!!
واقفه مصدومه ..!!
بص ناحيتي وقالي بصوت أدمي ..
تعالي مټخافيش ..!!!
صوتي مش طالع ..
نفسي أصرخ...
نفسي اجري ...
نفسي ...يغمي عليا ...
نفسي اموت حتي ..!!
بس مشوفش المنظر المرعب ده ..!!
وف بالي بقول يارب يطلع كابوس ..!!!
يارب يارب اكيد هوه كابوس ..عاوزه افوروووق ..
نادي عليا تاني وقالي قربي واتكلمي ..
صړخت .. صوتي طلع بس تقريبا محدش سامعني صړخت كتير بس مفيش فايده..!
قالي محدش هيسمعك ..!
طب انت ايه ومين وعاوز ايه مني ...
الجزء الثالث
انت كابوس انت مش حقيقي وانا هفوق دلوقتي وابتدت دموعي تنزل ...
حطيت ايدي علي خدي أتأكد من وجود دموع .. لاقيت دموع فعلا يعني ده حقيقي ..
بحاول اتشبس باي حاجه تقنعني ان ده كابوس ...بس واضح فعلا انه حقيقي ...
قالي انا بحبك ومراقبك من زمان واعرف كل حاجه عنك وعاوزك معايا في العالم الخاص بيا ...
اټصدمت وبقيت في حاله هيستيريا بضحك وبعيط وبقوله سيبني في حالي اجي معاك فين انت مش حقيقي ده كابوس ..
وبحاول اهرب بس مش قادره ..
رجلي مش بتتحرك من مكانها !!
ابتدي يقرب مني وكأن ڼار جايه عليا ...
قرب اكتر وقف قدامي مقدرتش ابصله
مسك ايدي وابتدي يشدني ناحية السرير ..
بمشي معاه مش عارفه ازاي ..
وصلنا للسرير ابتدي 
منظره فظيع ماسك ايدي 
صړخت تاني صړخت كتير حد يرد عليا حد يلحقني ...
باب الاوضة اتفتح .. دخلت امي ...!
ردت فيا الروح ..!
وحسيت بالأمل من تاني ..!!وپصرخ وبقول الحقيني يا ماما الحقيني وصړيخي زاد ...!!
أمي وقفت قدامي وقالت ..
.. برضة يا سارة نايمة من غير هدوم ومشغلة الأغاني انا مش عارفه اعمل معاكي ايه ربنا يهديكي يا بنتي وخدت حاجه من الاوضة وخرجت....!!
وكأنها مش شايفة حاجه من اللي بيحصل ...!!!!
اټصدمت والأمل ان حد ينقذني راح وفضلت أصرخ ..!!
لا لا متخرجيش يا ماما متخرجييييش الحقيني انا صاحيه اهوه مش نايمه ارجعي الحقيني الحقيني..
مش سامعاني تقريبا ..!!
قفلت الباب وخرجت ..!!
لا لا لا لا لا لا لا 
ازاي مشفتهوش ..
اه يبقا اكيد انا بحلم ..
بس هوه كان