مصېبه بنتي
لسه مسكني . وقالي لا ده مش حلم.. وانتي بتاعتي ولازم اخدك معايا ..
فضلت أصرخ وأبكي واقول يارب يارب يارب ودي كانت اول مرة انادي واطلب مساعدة ربنا !!!!
نفسي اقرأ قرأن بس مش حافظة ..!!!!
فضلت أقول يارب ياااااارب احميني ...
الفجر أذن ..!!!
باب شباكي اتفتح لوحده وهوه اختفي في ثانية .. كل شئ رجع لطبيعته ..
وقعت من طولي علي السرير ....!!
يخربيتك فاتحة الشباك ونايمة بالمنظر ده انتي ايه اټجننتي خلاص ..
قومت ... الشباك مفتوح وأمي بتزعقلي بصيت علي ايدي علامات صوابعه موجوده بصيت لامي وانهرت من العياط ....
في ايه يا بنتي مالك يا سارة وخدتني في حضنها ..
هديت شوية وحكيتلها علي كل حاجه حصلت ووريتها دراعي ..!!
ليه كده يا بنتي ياما قولتلك .. ..
ربنا يحفظك ويحميك وابتدت تقرأ قرأن في كل الاوضة ..
خرجنا كنت مړعوبه أعد في الشقة بس امي فضلت جنبي مسبتنيش وقالتلي انا هتصل بخالتك تبعتلنا شيخ هيا تعرفه ..
بالفعل اتصلت والشيخ جيه البيت وقعد معايا وحفظني بعض آيات القرأن من غير ميلمسني ودخل اوضتي وبدأ يقرأ قران وقعد لوحده جوه حوالي ساعه وخرج ...
الشيخ مشي وانا من وقتها ابتديت اصلي فعلا واقرأ قرأن وقررت أغير حياتي ..
اول فترة مكنتش بنام ف الاوضة خالص ومكنش بيحصلي اي حاجه ..
وشويه شويه بقيت انام لوحدي ومحصليش اي حاجه تاني لحد مطمنت بس كل ده وانا مواظبة علي الصلاة وحتي الفجر بصليه في وقته وتقريبا حياتي كلها اتغيرت...
مع الوقت بقيت افتح فيس وأشغل أغاني بس مستمرة في الصلاة وقرأه القرأن ...
عدت شهور ومع الوقت ابتديت أهمل في الصلاة....!!!!
وف يوم قاعده سهرانه وبسمع أغاني حسيت بسخونة شويه ف الجو قومت ورجعت قعدت ع الفيس ..
دخلت جروب القصص الړعب وابتديت أدور ..
نفس القصة ياااااه لسه موجودة ..!
انا لسه مكملتهاش لما اخش اكملها صليت
انا وصلت لحد فين ..
اه لحد ما البنت ابتدت ترجع زي الاول ومبقتش تواظب علي الصلاة ...
وابتديت اكمل القصة ...
سمعته من ورايا بيقولي وحشتيني ..!!!
اخيرا رجعتي ليا ...!!!
لفيت وشي ببطأ وبصيت .. ايوه هوه نفس المنظر البشع واقف ورايا ...
جسمي اترعش وڠرقت عرق في ثانيه وبحاول افتكر الآيات اللي حفظهالي الشيخ بس تقريبا ذاكرتي اتمسحت ..!
قومت وانا جسمي
كله بيتراقص مفيش أعصاب وانا مش لابسة وبقول ألحقني يارب انا خلاص هرجع اصلي ...!
جريت علي المصلية مسكتها وفردتها وبحاول أصلي ....!!!!!
شدني وحط ايدو علي عيني وقالي خلاص انتي بقيتي بتاعتي وهتيجي معايا دلوقتي ....
شال أيده وفتحت عيني ...
انا فين دي مش اوضتي ولا ده بيتنا ولا ده عالمنا يعني ايه خلاص انا هكمل هنا لا مش ممكن ...!!
لا اكيد مش هتكون دي نهايتي وفضلت ابكي وأقول ياااارب اديني فرصة تانيه ...
بس تقريبا خلاص مفيش فرص تانية ...!!!
بس انا استاهل عشان طول الوقت مش بعمل حاجه صح وطول الوقت بعيده عن ربنا حتي لما جاتلي الفرصة ارجع لربنا واعمل حاجه صح في حياتي مقدرتش استحمل وأكمل ورجعت تاني زي مكنت ...!!!
سارة ..
انتي يا زفتة يالا عشان نتعشي هنستناكي سنة يلا الأكل هيبرد ....!!!
حاضر خلاص جيت يا حاجه كنت بكمل القصه اصلها قصة جامده يا ماما...!
وقصة ايه دي يا حبيبتي ..
دي قصه ړعب اسمها صليت
المهم انها صلت عقبالك يا بنتي لما ربنا يهديكي وتصلي زي بطلة القصة وتلحقي نفسك وتغيري حياتك
ههههه منا خلاص بعد القصة دي قررت اصلي يا ماما وأغير حياتي الحمد لله..
تمت
ممكن تكون كتير منكم سارة
ألحقوا غيروا حياتكم عشان ممكن المره الجايه تكوني انتي بطلة القصة ...!!!
