عشقت بكماء

حبيبي انا كويسه 
ابتسم و مشي ايده على وشها بحب و هو بيبص ف عيونها  انا بحبك اوى يا ليلى 
هربت من عيونه و بعدت عنه انا عايزة انام تعبت انهاردة اوى تصبح على خير 
سابته و مشيت او هربت منه دخلت السرير و مثلت النوم
وقف يراقبها و اتنهد بقلة حيلة و بص من الشرفة قدامه يحاول يلاقى حل لمشكلته مع جيلان 
بعد شوية وقت دخل غطاها كويس و مسح على شعرها و طبع قبلة على جبينها بحنان و لف جنبها ينام 
لسه عينه هتروح ف النوم تليفونه رن بص لصاحب الاتصال و بان الامتعاض على وشه و ضيقه .. كنسل عليها رنت تانى و كنسل و رمى الفون بضيق سمع بعدها صوت رسالة شاف انها من جيلان فتحها يشوف محتواها لو ما رديتش عليا انا هجيلك اوضتك حالا 
لقاها بترن تانى
بص على ليلى يتأكد انها نايمة و قام اتسحب خرج على الشرفة عشان يرد 
رد بضيق ايه يا جيلان خير !
بعصبية .. مش خير ابدا مروان قولتلك انى عايزة اشوفك ما جيتش ليه !
قلب عيونه بملل و تأفف مش فاضي
بعصبية اكتر و زعيق .. نعم ! دلوقتي مش فاضي ايه خاېف من الفلاحة تقول لجدك و انت من امتى بتعمل حساب لحد إسمع مروان لو ما جيتش دلوقتي حالا انا هجيلك و اطربق الدنيا انت حر 
قفلت السكة ف وشه
بص للفون بضيق و ضغط عليه بعصبية وقف يفكر هيعمل ايه و ما لقاش حل غير انه يروح ليها دخل الغرفة بص على ليلى لقاها نايمة خرج من الغرفة بهدوء اتجه لغرفة جيلان و بيحاول يرسم ملامح الهدوء عشان يعرف يتفاهم معاها و كمان عاذرها مهما ان كان هى صديقته قبل ما تكون حبيبته  و ليها حق ف رد فعلها لانه مش سهل حبيبها يبعد عنها
اتنهد و خبط ع الباب فتحتله بملابس او تكاد تسمةى ملابس و على وشها ابتسامة باتساع قربت منه بدلال و طبعت قبلة على شفايفه 
كنت عارفه انك هتيجى 
حاول يبتسم و يتكلم بس ما سابتش فرصة شدته من ايده بهدوء تدخله و اتفاجئ بالغرفة و الشموع و الورد .. جو رومانسي مع عشاء رومانسي
بلع ريقه بصعوبه و اتوتر كل الكلام اللى كان مرتبه يقولهولها اتبخر مش قادر يتكلم
لفت و حضنته من ضهره
وحشتنى اوى بالرغم انى زعلت منك من اخر مرة و حاولت امنع نفسي اكلمك بس ما قدرتش قلبى كسب و كلمك عارفة ان الطريقة اللى جبتك بيها مش حلوة
نزلت ايدها من حواليه و لفت قصاده و بصتله بعيون مشتاقة .. بس صدقنى وحشتنى اوى ما لقيتش طريقة اجيبك غير دى
مسحت وشها ف صدره و انتهدت .. عايزاك جنبى دايما .. نفسي نتجوز و نعيش مع بعض العمر كله
بلع ريقه و حس بتأنيب ضمير بعدها عنه بهدوء و بصلها
جيلان انا اسف لكن انا دلوقتي متزوج و ما اقدرش اعارض جدى
نزلت ايدها من عليه پخوف 
و بعدين .. دا معناه ايه !
اتهرب من عيونها و اتكلم بتوتر .. جيلان انا مسئول دلوقتي من زوجة و جدى أمنى عليها و كمان
قاطعته بعصبية .. ماذا ! مروان انت بتفضل عليا الفلاحة دى انت اكيد اټجننت 
قربت منه و مسكت وشه و حاولت تهدى .. مروان حبيبى انا عارفة انك اتجوزت الفلاحة دى عشان جدك بس هى ما تنفعكش حبيبى احنا بنحب بعض من زمان و جدك اكيد جوزهالك عشان يبعدك عنى بس انت اكيد مش هتبعد صح .. و بعدين دى لا بتسمع و لا بتتكلم يعنى مش هتعرف تعيش معاها و حايتها صعبه دى حتة لعبة اقولك هسيبك تتسلى بيها براحتك و تاخد اللى انت عايزه 
طول عمرك بتعمل كدا و ترجعلى و اكيد دى زييهم صح .. اعمل اللى انت عايزه و بعد كدا ارميها
سكت و بص ف الارض من غير ما يرد .. بعدها لمح الباب مفتوح و حد واقف وراه عقد حواجبه باستغراب و قرب من الباب بهدوء يشوف مين و فتح الباب بسرعة و اټصدم 
ليلى ..
يتبع
أحببت بكماء البارت الاخير
فتح الباب و اټصدم لما شاف ليلى بلع ريقه پخوف 
ليلى
ايوا ما نامتش كانت بتمثل بس عشان تهرب منه مكالمته و قلقه خۏفها هز ثقتها فيه فضلت مستنية تشوف ف ايه بعدها حست بقلقه و حركته الكتير و لما اتسحب و دخل الشرفة و معاه التليفون و عصبيته بعد المكالمة و ازاى اتسحب و خرج من الغرفة خالص
قامت وراه لحد ما شافته واقف قدام بابها و خرجتله و قربها منه و الطريقة اللى دخلته بيها و اللى تدل ايه هيحصل
واقفة عيونها مليانة دموع زقت الباب تشوف المشهد قدامها و شافت جيلان بهيئتها و الشموع بصتله بلوم و كره و ڠضب و انكسار سابته و جريت
بصلها بعصبية و نفض ايدها عنه و هيتحرك مسكته تانى ووقفت قدامه بشبه صړيخ مروان سيبها انا بحبك مش هى انا اللى حبيبتك و حب طفولتك و شبابك مش هى
مسكها من ايدها بع نف .. لا يا جيلان انا حبيتها هى و عشقتها و مش عايز غيرها هى مش جاهلة  و لا ناقصة بالعكس هى انسانة كامله 
صوته هدى و حاول يتحكم ف نفسه .. انا عارف ان صعب عليكى اللى بقوله بس صدقينى معاها حسيت ان عمرى ما حبيتك كان مجرد تعود لانك متربية معايا من صغرنا انا اسف يا جيلان حقيقى اسف
نزل راسه ف الارض بضعف و كسرة بس انا بحبها
دموعها نزلت و بعدها مسحتها و حاولت تبتسم خلاص روحلها
بصلها بفرحة و بصيص أمل مستنيها تأكد كلامه 
هزت راسها بموافقة .. ايوا روحلها يا مروان انا يكفينى اشوفك سعيد
هزت راسها و دمعة نزلت من عيونها .. مش هقدر اعتبرك صديق انا حبيتك من كل قلبى كحبيب و زوج ما اقدرش اتخيلك صديق بس انا هبعد يا مروان هسافر بس عمرى ما هحاول انساك هحبك عمرى كله 
رفعت نفسها توصل لمستواه و طبعت قبله سطحية على شفايفه و بعدت ابتسمت اعتبرها اخر مرة .. روح يلا بسرعة الحقها
بعد خطوتين بسرعة وبعدين وقف فجأة و رجعلها خدها ف حضنه و غمض عيونه اسف جيلان
بعد و بصلها صدقينى هتلاقى اللى يعوضك و يحبك
ابتسمت و بعدته عشان يمشي جرى على غرفته بلهفة عشان يلحق ليلى
جريت برة الفندق خالص و هى بتبكى و قلبها واجعة من اللى شافته 
جريت و هى مش عارفه هتروح فين و لا لمين و ما تعرفش حد و لا معاها فلوس ترجع
قعدت على مقعد جانبى تحت شجرة و فضلت تبكى
راح الغرفة بلهفة يشوفها لقاها فاضية دور ف كل مكان و