عشقت بكماء

انسانة كاملة و مكرها و دهائها ااااه من مكرها اااه .. اه من دهاء حواء اللى ف عيونها
كلمات رددها بينه و بين نفسه و هو مصډوم من البنت اللى واقفة قدامه 
اټشل من الصدمة و مش عارف يرد عليها ساب الاوضة و خرج او هرب منها بيستغرب من نفسه كل مرة و ازاى بيهرب بعد اى حوار بينهم ازاى بتلجم لسانه و يعجز بالرد عليها و هو اكثر الرجال مكر و تلويع ازاى عجز انه يرد عليها ازاى .. ازاى .. ازاى .. ازاى كل مرة بيهرب منها كدا
بصتله بعد ما خرج من الاوضة بهدوء و اتنهدت بحزن و راحت لشنطته تحضرهاله
خرج يلف بعربيته و سرحان فيها تركيبة غريبة هى جاهلة و لا متعلمة ضعيفة و لا قوية هى ايه بالظبط تركيبة غريبة من بعيد يهيألك انها قمة البراءة و الوداعة و كل ما اقرب الاقى مكر و دهاء 
وقف بالعرببة و اتنهد .. تعبتينى و تعبتى دماغى و تفكيرى معاكى يا بنت الريف 
ابتسم بجانبية والله ما حد تاعب نفسه غيرى
شغل العربية و رجع السرايا دخل الجناح و قعد بتعب بص لباب الاوضة لوقت مش طويل رجله شدته يروح للباب خبط مفيش رد 
خبط راسه بغباء .. صحيح هتسمع ازاى ! 
قرر يفتح بس الباب ما بيتفتحش كالعادة قافلة على نفسها 
اتنهد و رجع قعد ع الكنبة تانى وغرق ف تفكيره لحد ما راح ف النوم
قعدت على السرير بارتياح لما شافته نام على الكنبة 
كانت ھتموت من القلق عليه لما اتأخر و خصوصا لما خرج بالحالة اللى كان فيها النوم طار من عيونها فضلت رايحة جاية على البلكونة لحد ما شافت عربيته داخة بوابة السرايا ابتسمت بفرحة و استخبت ورا الستارة لحد ما اطمنت انه دخل السرايا جريت ع الباب تقفله بالمفتاح و فضلت مرقباه من فاتحة الباب لحد ما قعد غ الكنبة شافته و هو واقف ع الباب متردد يدخل اول لا و هو بيخبط لما رجع ع الكنبة بخذلان شافته و قلبها ۏجعها عليه بس لا اثبتى يا ليلى لازم كدا على ما تغيريه ما تضعفيش عشانه مش عشانك 
قامت تانى تبص عليه لقته راح ف النوم فتحت الباب بالراحة عشان ما يصحاش
شدت غطا من السرير تغطيه بيه 
اتسحبت لحد ما وصلت له وقفت تتأمل ملامحه و ازاى نايم بهدوء و براءة غطته بحنان و اتأكد كويس انه يكون متدفى .. قربت منه و رتبت شعره بحنان و طبعت قبله على جبينه و دخلت اوضتها
فتح عيونه و بص على الاوضة و ابتسم .. ايوا حس بيها من ساعة تكة المفتاح ف الباب اللى ما تعرفهوش عنه انه نومه خفيف .. حس بيها لما قربت منه تغطيه و حس بحنانه و رعايتها كأنها ام و خاېفة لا ابنها ياخد برد كان نفسه يفتح عيونه ساعتها و يشوف نظرتها 
و هى بالقرب دا و المبادرة منها و يسمحلها تبعد يستحيل يسيبها غير ما يتمم جوازهم بس لا مش هسمحلها ترفضنى تانى هسيبها هى اللى تجيلى و خلاص قضى الامر
دخلت الاوضة و قفلت الباب تانى و نامت براحة و على وشها ابتسامة .. هانت مش هسيبه غير اما يتغير و هخليه ليا انا لوحدى يستحيل اسيبه لواحده تانية هحط حبى ف قلبه ڠصب عنه
اتمدد على الكنبة و ايده تحت راسه و بيبتسم بهدوء و سرحان فيها لحد ما راح ف النوم 
ما فاتش كتير و حس بايد عليه بتصحيه فتح عيونه لقى ملاك قدامه 
اتكلم بلاوعى ايه دا هو انا ف الجنة و لا ايه !
ابتسمت و بصتله يلا عشان صلاة الفجر 
اتعدل و هو بيبصلها بغباء .. هاه 
بقولك يلا عشان نلحق صلاة الفجر يا دوب تلحق تتوضي 
اتوتر و بصلها احم طيب انا هصليه الصبح 
شدته توقفه باصرار لا دلوقتي حاضر ثوابه اكبر و كمان عشان تبقى امامى 
حاول يتهرب بصراحة الجو سقعة و انا تعبان مش قادر هنام دلوقتي و الصبح هصلى 
ابتسمت و شدته باصرار تدخله الحمام و قفلت الباب مستنياه يتوضى و يخرج 
وقف ف الحمام مستغرب هو من زمان جدا ما صلاش حتى مش فاكر اخر مرة صلى فيها امتى قرب من الحوض و بدأ يتوضى وخرجلها كانت فاردة سجاد الصلاة و مستنياه قربمنها ووقف امام و هى وقفت وراه و بدؤوا يصلوا 
خلصوا و لف ليها و جواه راحة غريبة لاول مرة يحسها اتعدل و قعد مواجه ليها و ابتسم 
ردتله الابتسامة و قربت قعدت على سجادته و مسكت ايده تسبح عليها بصلها باستغراب بتعملى ايه 
ابتسمت بهدوء بسبح على ايدك عشان تاخد ثواب معايا شدت ايده تانى و كملت و هو بيبصلها باستغراب هى مين دى !
يتبع
أحببت بكماء البارت الحادى عشر 
شخصية غريبة مش قادر يفهمها طب هى قوية و لا ضعيفة ! بريئة و لا مكارة و خبيثة ! ملاك و لا شيطان 
غريب امركم يا معشر الرجال و غبى اللى يفكر الانثى ضعيفة ما تعرفوش انها بتستمد قوتها من ضعفها .. الانثى ملاك تقدر تتنكر ف شيطان .. بريئة لاقصى الحدود بس لو فكرت تضحك عليها تقدر تغلب الثعلب ف مكره و اياك ثم اياك تنافسها ف دهائها و كيدها ان كيدهن عظم ف احذر كيدها خسران قدامها بلا منازع
ساعات تقرب و ساعات بتبعد طب هى بتحبنى ولا بتكرهنى ! بتحبنى ! هو يهمنى في ايه حبها !! هى اصلا كلها ما تهمنيش 
لالا انا بقيت افكر كتير الفترة دى ف حاجات غريبة عملتى فيا ايه جننتيني
خلصت تسبيح على ايده بهدوء و وقفت 
بصلها باستغراب رايحة فين ! 
ابتسمت بهدوء هنزل احضر الفطار عشان جدى زمانه على وصول من المسجد و يا دوب الحق 
سابته و نزلت و هو بيبصلها بابتسامة و فرحة باهتمامها بجده و فضل يراجع احداث الليلة اللى عدت لحد اللحظة دى و على وشه ابتسامة .. ازاى قدرت تخليه يتفاعل معاها و يتكلم بهدوء كدا .. بيحب قربها و وجودها ازاى قدرت تخليه يتعلم لغة الاشارة مخصوص عشان يقدر يتواصل معاها لطالما طول عمره الشاب الطايش المهمل اللى التعليم عنده كان مجرد شهادة عشان تليق بيه و بعيلته و يشتغل ف الشركة اللى ابوه انشأها
ازاى اهتم انه يتعلم و خصوصا انه مجبور عليها و يومين و يسيبها
مهو اكيد يعنى لازم اعرف اتعامل معاها الفترة دى ف كان لازم اتعلم يعنى مش عشان سواد عيونها و بعدين هيفيدنى بعدين عادى يعنى 
كلام حاول يقنع بيه نفسه عشان ينكر حقيقة اهتمامه بيها
مروان بطل هبل انت مش بتتعامل مع حد ابكم اصلا بطل تضحك على