روايه جديده بقلم ليدي

تخوض تجربه جواز تانيه وخصوصا انها ماتعرفوش 
انا حسيت من كلامها انه مناسب ليها جدا 
وطبعا حضرتك تعرفه كويس
اكيد اعرفه بني ادم محترم وجاد وشخصيه كويسه وظروفه مناسبه لظروفها
علا يبقي خلاص حضرتك عارف مصلحتها اكتر منها ولو هي عايزه ټأذي نفسها 
يبقي واجب حضرتك تمنعها ولو حتي بالقوه 
انا اسفه طبعا اني بتدخل بس انا بتكلم من منطلق خۏفي عليها وحبي لها كمان ياسمين بالنسبه لي اخت مش صديقه بس

لا كلامك مظبوط وانا اشكرك انك جيتي وقولتيلي واخدتي من وقتك عشان تحمي ياسمين
علا لا ياعمي العفو انا عملت الواجب اللي اي اخت لازم تعمله 
بس ياريت ياعمي ماتقلش لياسمين اني قلت لحضرتك حاجه عشان يعني ماتزعلش مني
مفهوم طبعا
علا ممكن اخد رقم حضرتك عشان اتطمن
طبعا طبعا اتفضلي
علا بعد اذن حضرتك انا همشي عشان مااعطلكش
عادت علا الي بيت والدتها اتصلت بهدي واخبرتها بما حدث 
ثم دخلت لتعد الغداء واحضرت الطعام الخاص بوالدتها والذي اوصي به الطبيب
دق جرس الباب فتحت علا وجدت خالد ووالدته امامها
علا اهلا ياماما ازيك اتفضلي
كريمه انتي ماتتكلميش معايا خالص لا انتي ولا الواد اللي ورايا ده
علا ليه بس ياماما حصل ايه
دخلت كريمه الي غرفه سهير مباشره وقبلتها وجلست الي جانبها
كريمه وانتي ياسهير دورك جاي بس لما تقومي بالسلامه 
بقي كل ده يحصل وانا مااعرفش حاجه طب خالد وعلا عيال ومابيفهموش .انتي بقي ياسهيرايه 
علا معلش ياماما سامحيني والله انا كنت مشغوله في اللي حصل خالص انا اسفه
خالد خلاص بقي ياماما قلتلك انا اللي غلطان كان مفروض اقولك 
يلا ياعلا روحي اعملي لماما كوبايه لمون
كريمه بالنعناع
وفي منزل ياسمين
عادت من عملها ابدلت ثيابها وتناولت الغداء برفقه والديها وقبل ان تدخل الي غرفتها اوقفها والدها
ياسمين
ياسمين ايوه يابابا
اعملي حسابك سعيد جاي النهارده عشان نتفق علي كل حاجه
ياسمين سعيد مين ونتفق علي ايه 
نتفق علي الجواز ..... سعيد كلمني النهارده تاني وانا وافقت وعزمته ييجي عشان تقعدوا مع بعض وتتكلموا
ياسمين بس يابابا انا قلت لحضرتك قبل كده اني مش ..........
قاطعها وادها بحزم انا ماسمعتش حاجه ........ سعيد مناسب ليكي وانا موافق ومش هاسمح بأي نقاش في الموضوع ده
تركته ياسمين ودخلت الي غرفتها واخذت تبكي بشده 
فتح والدها باب الغرفه وقال اوعي تكوني فاكره اني مش عارف موضوع المهندس اللي في الشركه 
انا مش هاسمحلك تختاري غلط مره تانيه
صدمت ياسمين لكلام والدها وسألته مهندس مين يابابا انا مش فاهمه
اغلق والدها الباب ولم يرد عليها
وفي المساء حضر سعيد الي منزلهم وجلس في الصالون
دخلت والدتها عليها الغرفه
ياسمين يلا ياحبيبتي سعيد جه بره
ياسمين ارجوكي ياماما ساعديني عشان خاطري اقنعي بابا انا مش ممكن اتجوز اللي اسمه سعيد ده ابوس ايدك
يابنتي بابا عارفه كويس وبيشكر فيه وبعدين احنا اختارنا مره وشوفي اللي حصل 
اسمعي كلام بابا المره دي ان شاء الله مش هتندمي
قبل ان ترد دخل والدها
يلا اغسلي وشك وتعالي الراجل قاعد لوحده دقيقتين وتكوني ورايا
ثم تركها ولم تجد ياسمين بد من الدخول ولكنها كانت تظن انها ستتمكن من اقناع والديها بعدم رغبتها بعد ذلك
دخلت ياسمين والقت السلام وجلست فاستأذن والدها وتركهم ليتحدثوا بحريه اكثر
كان سعيد رجلا في اواخر الثلاثينات من عمره يرتدي نظاره ولديه شارب 
وذو بشره حنطيه اللون 
وملابسه ليست بالانيقه التي تحاكي صيحات الموضه ولا بالرثه الرديئه 
كان وسطا في كل شيئ حتي في طوله لم يكن بالرجل طويل القامه ولا بالقصير 
يبدو علي ملامحه الجديه وقوه الشخصيه 
ولكنها قارنت بينه وبين خالد فلم تكن تلك المقارنه تصب في صالحه بل وجدت بينه وبين خالد كل الفرق في كل شيئ
بدأ سعيد بالكلام
سعيد ازيك يامدام ياسمين
ياسمين الله يسلمك
سعيد الاستاذ مجدي بلغني انه موافق علي طلبي وكان لازم نقعد نتكلم مع بعض قبل كتب الكتاب عشان كل واحد يعرف التاني عايز ايه
ياسمين كتب الكتاب ااه .. وحضرتك بقي طلباتك ايه 
سعيد طبعا اول حاجه لازم تلبسي الحجاب
ياسمين لازم .. وتاني حاجه 
سعيد بنتي منار يتيمه عامليها كوييس واعتبريها بنتك واحسني تربيتها
ياسمين طب تحب اسيب الشغل عشان اتفرغلها 
سعيد