وقعت فى قبضه الاسد
المحتويات
برجاء
طيب يا أبيه مفيش شغله تانيه ممكن أعملها غير دى .. دى حاجه ممله أوى
قال مراد بحزم
احنا اتفقنا انك هتشتغلى الشغلانه اللى هخترهالك .. يلا اتفضلى على المكتب وهبعتلك السكرتيرة دلوقتى
جلست سارة على مكتبها واجمه .. نظرت الى الملفات على مكتبها وهى تقول فى نفسها أنا اللى جبت ده كله لنفسي
دخل مراد الى مكتبه .. وبعد دقائق حضر طارق الذى جلس قبالته على المكتب وهو يقول
قال مراد بهدوء وهو يتفحص الملفات أمامه
خلاص فضينا الشراكة ودفعنا الشرط الجزائي
قال طارق بإرتياح
أحسن غار فى داهيه
وضع الملف الذى فى يده أمام مراد الذى نظر اليه قائلا
ايه ده
ابتسم طارق قائلا
ده شغل الفنانه اللى ماسكلنا الحملة
أخذ مراد الملف وتطلع الى التصميمات بإمعان .. ثم قال
شرد طارق قليلا .. تطلع اليه مراد قائلا
هنبدأ امتى
قال طارق
متقلقش احنا مجهزين كل حاجه وعلى أول الاسبوع ان شاء الله كل الناس هتعرف اسم الماركة بتاعتنا
أومأ مراد برأسه وترك ملف التصميمات وعاد الى تفحص الملف الذى أمامه .. نظر اليه طارق قائلا
مراد عايز أسألك على حاجه
اسأل
بدل على طارق التردد قليلا لكنه قال
ازاى تلفت نظر واحدة ليك .. اذا كانت قفله كل الأبواب فى وشك
تطلع مراد الى طارق فى صمت .. ثم ابتسم قائلا
هى مطلعه عينك أوى كده
ابتسم طارق قائلا
بصراحة أيوة .. يعني حتى الكلام مش عارف أتكلم معاها .. بحسها انها بتقطم فى الكلام .. وكلامها ناشف وجد أوى
طيب خلى بالك ليكون فى حد فى حياتها
قال طارق بثقه
لأ مفيش .. هى كان مكتوب كتابها وبعدين ماټ من فترة .. وهى مش مرتبطة دلوقتى
قال مراد
بص يا طارق أنا مبحبش اللف والدوان .. أنا مليش الا فى الكلام المباشر .. يعني أنا لو مكانك هروحلها وأقولها أنا معجب بيكي .. وعايز أتقدملك .. ده لو انت فعلا معجب بيها وسألت عنها كويس وواثق من أخلاقها وواثق انها انسانه كويسه وتصلح زوجه ليك
يعني رأيك أقولها كده خبط لزق انى عايز أتجوزها على الرغم من انها مش مديانى وش خالص
قال مراد وهو يعاود فحص الملفات التى امامه
أنا قولتلك لو أنا مكانك كنت هعمل ايه .. انت حر بأه اختار الاسلوب اللى يناسبك .. لكن أنا بحب أجيب من الآخر
أخذ طارق يفكر فى كلام مراد .. وقد بدأ يميل الى وجهة نظره.
ها قوليلى عملتى ايه .. شوفتى طارق
ألقت سارة حقيبتها على السرير وقالت بحنق
لأ مشفتش حد .. مشفتش أى حد .. لا طارق ولا غير طارق
قالت نرمين بدهشة
ازاى يعنى
صاحت سارة پغضب
أخوكى دفنى فى مكتب فى آخر دور فى الشركة .. وأعدت طول النهارد أدخل أرقام على البرنامج بتاع الشركة لما خلاص جالى حول
ضحكت نرمين بسخرية قائله
كان لازم أتوقع كده .. أنا برده استغربت لما مراد وافق .. قولت يمكن تعبان ولا حاجه .. لكن كده اتأكدت انه سليم
جلست سارة على فراشها قائله
يعني لا شوفت طارق .. ولا شكلى هشوفه .. وبالمنظر ده شكلى هتعمى قريب ومش هشوف حد أصلا
ضحكت نرمين وربتت على كتفها قائله
لينا الجنة يا بنتى لينا الجنة .. أنا راحه أوضتى
دخلت نرمين غرفتها .. لتجد هاتفها يرن .. ردت قائله
السلام عليكم
أتاها صوت رجل عبر الهاتف
ألو .. الآنسه نرمين
قالت نرمين بإستغراب
أيوة أنا .. مين حضرتك
قال الرجل بصوت رخيم
أنا واحد عارفك بس انتى متعرفيهوش
قالت نرمين پحده
انت بتستهبل
قال الرجل
لأ مش بستهبل تحبي أثبتلك
قالت پحده
أنا هقفل السكة ..
متابعة القراءة
