صابرين وعواد
المحتويات
هى الآخرى مشاركه بنفس الخطأ
هى بأفعالها تؤكد شكه أنها أجهضت نفسهاهو تركها بالمشفى حتى لا يصب كامل غضبه عليها ويقتص منها لتلك الفعله الشنعاء
فى ذالك الحين صدح رنين هاتفه
نهض بتباطؤ وأخذ الهاتف وقام بالرد على من يتصل عليه
صباح الخير أوعى أكون صحيتك من النوم
رد عواد لأ مش نايم بس إنت أيه اللى مصحيك بدرى كده عارف إنك فى العاده مش بتصحى غير عالضهر
كله من ميلا لسه متعلقه بيا لسه متعودتش عالداده اللى جبتها لهاوشكلها كده مطوله على ما تتعود عليها ما تيجى نفطر سوا فى أى مطعم زى زمان
رد عواد تمام نتقابل بعد ساعه فى المطعم
تخابث رائف بمرح قائلا بتهويل
بعد ساعه بحالها ليه دى السكه من الفيلا للمطعم ربع ساعه بالعربيه ولا تكون ناوى تفطر مع صابرين الاول وبعدها تكمل فطورك معايا عادى ممكن تتأخر ساعتين لو عاوز
قائلا پحده بعض الشئ صابرين خرجت أساسا نص ساعه وهكون فى المطعم
شعر رائف بوجود خطب ما ب عواد فقال له
تمام أشوفك فى المطعم
بعد قليل ب شقه بمنطقه راقيه بالأسكندريه
فتحت صابرين باب الشقه بالمفتاح الذى معها ودخلت مباشرة
نادت
فاديه
ردت فاديه أنا فى المطبخ يا صابرين
صباح الخير
تبسمت فاديه قائله بمزح
صباح النور متأكده إن طنط تحيه بتحبك يلا نفطر سوا اوعى تقولى فطرتى قبل ما تجي
ردت صابرين بسآم
آه طنط تحيه بتحبنى بس إبنها معتقدش
تبسمت فاديه قائله
شكلك متخانقه مع عواد عالصبحخلاص بقى إنسى هو كان بيهزر والبنت طلعت بنت خاله الأهبل
أهبل أيه الوصف ده بالعكس انا حاسه أن رائف شخص لطيف
لوت فاديه بسخريه قائله لطيف ده مچنون لأ أهبل بس البنت بنته عسل والله دخلت قلبى شوفتى لما مسكت فيا ومش عاوزه تروح له صعبت عليا لما عرفت إن مامتها توفت بعد ولادتها بشهر وكمان جدتها توفت من أيام صعب طفله زى دى تتحرم من مامتها
تعرفى من كام يوم قابلت منال مرات مصطفى ابن عمى وكان معاها بنتها وفيها شبه كبير من ميلا بس رجعت كذبت عنيا أيه وجه الشبه بينهم بس أنا الفضول خلانى طلبت منال عالموبايل وقولت لها نتقابل من يومين وهى ابدت موافقهبس هى بتحضر مناسبه
خاصهعند قريب ليها فى القاهره ولما ترجع هتكلمنى ونتفق على ميعاد نفسى أتأكد من الشبه بينهم
وفيها أيه يخلق من الشبه أربعينويمكن أنت أختلط عليك الشبهيمكن عشان البنتين ليهم تقريبا نفس الظروفواحده إتحرمت من مامتها والتانيه من باباها وهما لسه صغيرين أوى
ردت صابرينيمكن برضوا بس الفضول شاغل عقلى شويه
ردت فاديهلأ واضح مش شويه ده مستحوز على عقلكبس سيبك من التفكير الأهبل دهأكيد مفيش شبهوحتى لو فى شبه عادىقوليلى لما جبت سيرة عواد وشك إنسآمأخبار عواد أيه
ردت صابرين
يعنى هيكون أخباره أيه عادى
ردت فاديه بسؤال
يعنى إستقبل خبر إنك هترجعى لشغلك تانى بسهوله كده
ردت صابرين
وهيعترض ليه سبق وإتفقنا انى هفضل شغلى عادى يعنى ايه اللى اتغير اقولك سييبك من عواد وسيرة الرجاله وخلينا نستمتع بالفطور اللذيذ ده بس فين الواد هيثم مش باين
ردت فاديه هيثم مسحول فى الجامعه مش بشوف وشه غير المسا ياكل وينام
ضحكت صابرين قائله يلا أهو ريح صبريه من همه كتر خيرها استحملتنا عندها كتير فى البدايه أنت لما دخلتى الجامعه هنا حتى واشتغلت لفتره قبل ما تتجوزى من ابن أمه وبعدها انا وبعدى هيثم كويس إنك جيتى تعيشى هنا فى شقة بابا وهيثم كمان جه معاك أهو ونس لبعضويمكن
انا كمان أنضم ليكم قريبمش معقول كنا هنعيش إحنا التلاته فى شقة صبريه
هزت فاديه رأسها بقلة حيله قائله
معتقدش إنك هتنضمى ليا انا وهيثم غير ضيفهوكفايه رغى خلينا نفطر وبعدها وصلينى فى سكتك للمدرسه
بذالك المطعم
بلاش تضر غيرك بدخان السجاير عالصبح
ترك عواد السېجاره وكاد يمد يده يأخذ غيرها من العلبه لكن رائف كان الاسرع وأخذ العلبه كلها
كاد عواد أن يتعصب عليه لكن قال رائف قولى أيه اللى معصبك عالصبح أكيد صابرين حصل أيه تانى وصلك للحاله دى
هدأ عواد او بالاصح إدعى الهدوء قائلا
هيكون ايه اللى حصل ومنين جالك إنى متعصب أساسا
نظر رائف ل عواد قائلا
إنت مشوفتش وشك فى المرايه قبل ما تجى من الفيلا ملامحك واضح عليها العصبيه
تنهد عواد يزفر نفسه بقوه
تبسم رائف قائلا
كل دى تنهيده لأ واضح الموضوع كبير إحكى كل آذان صاغيه
تهكم عواد قائلا
أنا بستغرب هدؤك ده
تبسم رائف قائلا
ما لازم أكون بارد ناسى إنى معاشر الأنجليز بقالى أكتر من سبع سنين غير مراتى كانت إنجليزيه
شق فم عواد بسمه
حث رائف عواد على الحديث مره أخرى
حاسس إن سبب عصبيتك دى وراها صابرين إحكى
رد عواد طب هات علبة السجاير الأول
رد رائف برفض
لأ أنا متأكد أنك يمكن شقيت ريقك بنص علبة سجاير ولسه متعصب يبقى ليه تضرنى أنا
متابعة القراءة
