روايه رائعه وكامله بقلم منى سلامه
المحتويات
مواجهتا وهو يتفحص وجهها شعرت بالخجل فأشاحت بوجهها الى أن قال
انتى تعرفى طارق من زمان
قالت مريم بهدوء
أستاذ طارق عميل فى شركتنا
شركة ايه
اسمها رؤية للدعاية والإعلان
صمت مراد وهو مازال ينظر اليها بإمعان .. ثم قال
كنتى عارفه ان الحملة اللى انتى مسكاها هى حملة شركتى
نظرت اليه مريم بدهشة وقالت
أخجلها تفحصه فيها فأشاحت بوجهها مرة أخرى وقالت بإرتباك
أنا هنزل عشان مستنيينى تحت
قال ببرود
اتفضلى
خرجت من الغرفة وتبعها مراد .. توجها الى حجرة الطعام وجلس كل منهما فى مكانه .. ابتسمت مريم قائله
صباح الخير
قالت ناهد بمرح
صباح النور .. النهاردة صحيتى بدرى
أنا متعودة أصحى بدرى .. بس امبارح اتأخرت لانى كنت تعبانه من السفر
قالت سارة التى كانت تجلس فى مواجهتها بمرح
قوليلي صحيح يا مريم انتى بتشتغلى
ابتسمت مريم قائله
أيوة بشتغل ديزاينر فى شركة دعاية
قالت ناهد
بتعرفى ترسمى كويس
قالت ناهد بمرح
كويس أوى عشان ترسميني
قالت مريم بتوتر
معلش يا طنط أنا أسفه مش برسم أشخاص أو أى حاجه فيها روح
قالت ناهد بهدوء
ليه
أجابت مريم
عشان حرام .. رسم حاجه فيها روح حرام
ألقى مراد نظرة عليها ثم عاد يكمل طعامه بصمت .. ابتسمت ناهد قائله
مكنتش أعرف انه حرام
قالت مريم بأسى
طمأنتها ناهد قائله
لا يا حبيبتى أبدا .. انتى صح .. طالما حرام يبأه ربنا يباركلك انك مبتعمليهوش
عادت مريم لتكمل طعامها عندنا قالت نرمين
انسى بأه موضوع الشغل ده خالص لان مراد مستحيل يسمحلك انك تشتغلى
قالت ناهد
دى حاجة متخصكيش يا نرمين
بدا مراد لا مباليا وكأن الحوار الدائر لا يعنيه فقالت مريم بهدوء
نهض مراد وقال
أستأذن أنا عشان اتأخرت
رحل دون أن يلتفت ل مريم التى كانت ناهد ترمقها بأسى وهى تشعر بالحنق من معاملة ابنها لزوجته .
لم يستطع مراد التركيز على عمله .. كانت هناك أسئلة كثيرة تشغل باله لخصوص مريم .. اتصل ب طارق وأخبره بضرورة الحضور الى مكتبه .. بعد عدة ساعات حضر طارق الذى بدا عليه الوجوم جلس قباله مراد دون أن يوجه له كلمة .. سأله مراد
كله تمام الحاجة فى الطريق
أومأ مريم برأسه وقام ودار حول المكتب ليجلس فى المقعد المواجه ل طارق .. نظر اليه قائلا
انت اتعاملت مع مريم كتير
قال له طارق پحده
مش فاهم السؤال
قال مرادببرود
أقصد كنت بتشوفها كتير لما بتروح الشركة
قال طارق بهدوء
تعاملى كان معاها هى بس يا مراد يعني مكنتش بتعامل فى الشركة مع حد غيرها لانها المسؤلة عن شغلنا
أومأ مراد برأسه ثم نظر اليه قائلا
متعرفش عنها حاجه .. يعني أمور شخصية
قال له طارق بنفاذ صبر
لأ معرفش
ثم نهض قائلا
أنا مضطر أمشى دلوقتى عشان عندى معاد مهم
خرج طارق وترك مراد غارقا فى شروده
كانت مريم تشعر خلال النهار بتعب شديد لكنها كعادتها كانت تتظاهر بالتماسك .. ظنت أنه برد من نومها ليلة أمس فى الحديقة طلبت من دادة أمينة دواء للبرد أخذته وأمضت نهارها بصحبة سارة و نرمين .. أما ناهد فقد خرجت فى ذلك اليوم لزيارة أختها .. فى المساء كان التعب قد أخذ منها مبلغه توجهت الى
دادة أمينة مرة أخرى وأخذت منها دواء للبرد مرة أخرى .. ثم توجهت الى الفتاتان فى غرفة المعيشة قائله
أنا هطلع أنام يا بنات .. تصبحوا على خير
هتفت سارة
هتنامى بدرى كدة
قالت مريم بوهن
أيوة معلش .. هشوفكوا بكرة ان شاء الله
قالت سارة بإهتمام
طيب مش هتتعشى .. لو مش عايزة تستنى مراد خلاص نتعشى سوا أنا وانتى و نرمين
قالت مريم وهى بالكاد تستطيع الوقوف على قدميها
لا مليش نفس .. تصبحوا على خير
وانتى من أهل الخير
توجهت مريم الى غرفة مراد .. حاولت أن تستبدل ملابسها بملابس أكثر راحة لكن أقل حركة كانت تشعرها بالألم الشديد فنامت كما هى على
الأريكة ودثرت نفسها جيدا واستسلمت للنوم العميق
قالت سارة ل نرمين بعتاب
ليه حساكى بارده مع مريم
التفتت اليها نرمين التى كانت تعبث بهاتفها قائله
مش بارده ولا حاجه
أصرت سارة
لأ بارده
قالت نرمين بنفاذ صبر
بصراحة حساها خنيقة أوى .. مشفتيش لبسها عامل ازاى .. فى عروسة جديدة تلبس اللى هى لابساه ده
قالت سارة پحده
وانتى مالك هو انتى جوزها .. هى حرة .. وبعدين يمكن عشان لسه مخدتش علينا وهى أصلا شكلها بتتكسف
هزت نرمين كتفيها بلا مبالاة قائله
هى حرة على رأيك أنا مش جوزها
قالت سارة
ابقى اتعاملى معاها كويس يا نرمين .. حرام دى يتيمة وكمان طيبة أوى
قالت نرمين
طيب مع انى حساها جد أوى وكئيبة أوى زيادة عن اللزوم وأنا بتخنق من كده أوى
قالت سارة بعتاب
والله حرام عليكي دى عسولة أوى
قالت نرمين بتهكم
يختى مالك طالعه بيها السما كده .. أنا شايفاها عادية جدا مش عارفه مراد أعجب بيها ليه .. ده ان كان أعجب بيها اصلا .. بصراحة
متابعة القراءة
