وعد سليم بقلم تيسير محمد

عنيده بس هو مش اقل منها عناد اتكلمت بعد فتره طويله من الصمت والزهق 

علي فكره انا زهقت هتفضل كده لحد امتي 

رد عليها وهو لسه باصص في فونه 

لما تقوليلي سبب رفضك .

ولو ماقولتش 

لا انا بالي طويل ... ممكن تنامي لو عاوزه .

رفعت دماغها بتعب واتأففت وقالت 

يوووو يايونس بقي بجد القعده دي تعبتني .

وهو لسه بنفس قعدته 

انتي الي بتجبيه لنفسك .

اتنهدت وفضلت بصاله بتعب هي عايزه تتكلم بس خاېفه فضلت في صراع نفسي لحد ماقررت تتكلم بتعب وبهدوء 

خاېفه تكون زيه .

هنا يونس رفع نظره عنها وقرب بنصه العلوي لانه كان قاعد ع كرسي اودامها بالظبط بس المسافه بينهم نص متر تقريبا اتكلم بجديه وبهدوء قال 

انا اه كنت زيه بس أنا اتقدمتلك يا سيلين وغير كده انتي بنت عمي قبل ماتكوني حبيبتي يعني لحمي انا عملت حاجات كتير غلط بس كأني فوقت من ساعه مامسكتيني بتكلم يوم عيد ميلاد وعد ... سيلين لو اخر بنت في الدنيا عمري ماهلعب بيكي انا قولت كنت زيه اه بس عمري مالعبت ببنت او ضحكت عليها كل الي بعرفهم في سهره او اي حاجه من دي هما بيبقوا عارفين إن تعارفنا هينتهي بعد دقايق من بدايته ... سيلين انا بحبك .

سيلين سكتت ماعرفتش تتكلم بس هي دمعت ايوه قالها بحبك وبتقسم أنها عمرها ماحستها قبل كده غير من يونس بس وكأنه الي فاتت كانت فاتره اووي وفعلا مش صادقه ودي كانت الدليل علي صدق كلامه .

وقفت عياط واتكلمت بضحكه بسيطه 

طب ممكن تفكني بقي .

ماترددش لحظه انه يفكها وهي أول ما قامت حطت دراعه في دراعه وهو بصيلها بتفاجأ وهي ردتله البصه وسالت 

ايه مالك 

اصل ...

وشاور علي دراعها .

ردت عليه بلماضه مش متعود عليها منها 

الله مش خطيبي ولا جيباك من الشارع .

بصلها وهومش مصدق وكان  هي زقته من صدره وقالت بقوه 

ولاااا عظيم بيامين لو مامشيت حالا بادب لارجع في كلامي .

بصلها بفرحه وهز رأسه بنعم وقال 

ماشي ياستي ..يلا .

خد فونه من علي الكرسي الي كان قاعد عليه وكان هيقفله بس لمح خبر خلاه يفتح عينه جامد 

اده 

سيلين ميلت الفون عليها وبعد ماقرت الخبر قالت پصدمه 

لالاا مستحيل سليم اخويا يعمل كده ... يلا يا يونس نروح بسرعه .

وبالفعل خرجوا عشان يروحوا لسليم .

الصحافه اودام مديريه الامن محدش عارف يمشيهم في منهم بيحاول يدخل عن طريق معارفه جوه بس الجو متكهرب والكل مانع حد يدخل .

عرفوا أن سليم يوسف عليان الحفيد الأكبر لعائله عليان اڠتصب فتاه .

الخبر انتشر في سرعه البرق لأنه رجل اعمال معروف وليه اسمه في السوق 

كان عند الرائد في المكتب بيحقق معاه الباب خبط دخلت وعد 

اول ماوعد دخلت اتكلمت برسميه 

وعد عليان المحاميه حاضره مع موكلي .

اتفضلي حضرتك .

سليم بصلها وهو مش محدد ملامحه بس وعد حساه انه تايهه فوجهت كلامها للرائد الي بيحقق معاه وقالت 

انا بطلب من سيادتك أن يطلق سراحه بكفالة لحين العرض علي النيابه 

للاسف مش هينفع خالص .

طيب ممكن اقعد معاه شويه 

هز رأسه بنعم وساب المكتب خمس دقايق ليهم 

وعد قعدت اودامه وسليم اتكلم بهدوء 

انتي مصدقه !

هزت رأسها بلا واتكلمت 

مش سليم حب عمري الي يعمل كده .

ابتسم بهدوء وقال 

خلاص انا كده اتبرئت .

بصتله بابتسامه هادئه وقالت 

سليم مش وقته وقولي الي حصل معاك بالظبط .

اتنهد وقال 

انا قولتله الكلام ده ... كنت ماشي بالعربيه بتاعتي من غير حرس وفجأه بطلت مني نزلت اشوف في ايه وفي واحد جه جمبي وقالي محتاج مساعده قبل ماقوله حاجه لما بصتله كان راشش في وشي حاجه ونمت ماحستش بحاجه غير لما الظابط كان بيقبض عليا وانا في سرير في بيت معرفوش وبنت كمان معرفهاش ولا عمري شوفتها 

أما وعد فبصتله بتفكير وماتكلمتش .

الكل روح علي البيت بعد ما سليم خد اربع ايام لحد ما يتعرض علي النيابه الكل داخل بتعب وحزن نور تعبت من كتر العياط ويوسف مش قادر يتكلم من التعب 

الكل قعد في بهو القصر بتعب وسيلين اول واحده وجهت الكلام لوعد 

اخويا هيخرج ازاي ياوعد 

وعد بصتلها بيأس واتكلمت وقالت 

انا هقعد شويه اجمع أفكاري وان شاء الله هجيبله البراءه ويااارب الحق .

قصدك ايه 

كان سؤال يوسف لها فجاوبت 

قصدي يا عمو أن مش عارفه ممكن يتشال اسمي من النقابه امتي بس مابقاش وعد الا لما خرجته منها .

قاطعهم تليفون سليم الكبير الي رد علي طول 

سليم باشا عليان 

دقق في الصوت شويه وبعدين اتكلم

سليم 

كنت عارف انك وراها .

سليم في اللحظه دي فتح الاسبيكر والكل سمع الي جاي 

تؤ تؤ تؤ مش دي بس بنتك وعد وابن شروق ويحيي وكمان سليم التلاته في يوم واحد عشان اهدكم 

مش